Праваабарончы цэнтр «ВЯСНА»

Навіны за Сьнежань 2007

13.12.2007 Берасьце: Спэцназ затрымаў удзельнікаў пікету

Праваабаронца Ўладзімер Вялічкін паведаміў “Свабодзе”, што міліцэйскі спэцназ затрымаў ля будынку Генэральнага консульства Расеі ў Берасьце некалькі грамадзкіх актывістаў.

13.12.2007 Паэтаў асудзілі за хуліганства

Алеся Туровіча і Сяржука Мінскевіча пакаралі трыма суткамі арышту, Зьміцера Вішнёва - штрафам у 5 базавых велічыняў.

13.12.2007 Праваабаронцы нагадалі Уладзімеру Навумаву пра палітзняволеных

Тысячы жураўлікаў, падрыхтаваных Міжнароднай арганізацый “Amnesty international” дзеля свабоды Зміцера Дашкевіча, група беларускіх праваабаронцаў у складзе віцэ-прэзідэнта Міжнароднай федэрацыі правоў чалавека Алеся Бяляцкага, а таксама Валянціна Стэфановіча, Алены Лапцёнак і Сяржука Сыса 13 снежня перадала ў Міністэрства ўнутраных спраў Беларусі.

13.12.2007 ЗША пратэстуюць супраць зьбіцця дэманстрантаў на антыпуцінскай акцыі

Кангрэсмэн Элсі Гэйстынгс, старшыня Хэльсынскай камісіі ЗША, выступіў з заявай у сувязі з жорсткім зьбіцьцём 19-гадовага Зьмітра Хведарука падчас мірнай дэманстрацыі ў Менску 12 сьнежня. Хведарук быў зьбіты АМОНам да непрытомнасьці.

13.12.2007 У лякарнях знаходзяцца двое пацярпелых пад час жорсткага разгону акцыі на Кастрычніцкай плошчы

Да гэтага часу лідэр "Маладога Фронту" Зміцер Федарук знаходзіцца ў 9-й менскай лякарні. Пасля першага абследаваньня лекары паставілі дыягназ "сатрасеньне мозгу". Не выключана, што гэта не ўсе траўмы, нанесеныя актывісту пад час жорсткага разгону дэманстрацыі ў абарону суверэнітэту Беларусі. Пры падзеньні, калі амапаўцы вырывалі з рук Федарука сьцяг, ён стукнуўся галавой аб асфальт, і амапаўцы прайшліся па ім нагамі.

12.12.2007 Амапаўскі карагод вакол Галоўнай ёлкі краіны: шмат зьбітых, ёсьць затрыманыя (аднаўляецца)

Акцыя ў абарону незалежнасьці Беларусі, прымеркаваная да прыезду Уладзімера Пуціна завяршылася жорсткім разгонам. Роўна ў 18-00 на Кастрычніцкай плошчы пачалі збірацца прадстаўнікі партый, дэмакратычныя лідэры, моладзь. Перад пачаткам акцыі за палацам рэспублікі сканцэнтраваліся аўтазакі і аўтобусы з амапам. На плошчы і каля яе заўважалася шмат пераапранутых міліцыянтаў. Сярод мітынгоўцаў, якіх сабралася каля сотні, намесьнікі старшыні Партыі БНФ Алесь Міхалевіч, Аляксей Янукевіч, Вінцук Вячорка. Але як толькі дэманстранты ўзнялі тры бела-чырвона-белыя сьцягі, спэцназаўцы набеглі з усіх бакоў, пачалі вырываць з рук сцягі, біць моладзь. Стварыўшы ланцуг пачалі выціскаць усіх за плошчу. Моладзь скандуе “Жыве Беларусь!”. Людзі не даюць затрымліваць моладзь, вырываюць юнакоў з учэпістых рук амапу. У гэты час па папярэдніх дадзеных затрымана трое актывістаў, верагодна сярод іх і лідэр моладзі БНФ Алесь Каліта.

12.12.2007 Інтэрнэт нельга падпарадкаваць

«Палата прадстаўнікоў» у сераду прыняла ў першым чытанні законапраект «Аб інфармацыі, інфарматызацыі і абароне інфармацыі». Прадстаўляючы праект дадзенага закона, міністр сувязі і інфарматызацыі Беларусі Мікалай Панцялей падкрэсліў, што законапраект не распаўсюджваецца на працу сродкаў масавай інфармацыі, у тым ліку электронных, і заявіў, што «ніякіх правіл паводзін у Інтэрнэце не ўводзіцца».

12.12.2007 А суддзі хто?

На сайце Камітэту абароны рэпрэсаваных “Салідарнасьць” з’явіўся спіс суддзяў, якія прымалі ўдзел у судах над грамадскімі актывістамі. Зразумела, ён не поўны, але стварае дакладнае ўяўленьне пра масштабы судовага пераследу на Беларусі.

12.12.2007 Суды над Макаевым і Сяргеенкам перанесеныя

У Ленінскім судзе Менска 12-га сьнежня не адбыліся адміністрацыйныя працэсы над прадпрымальнікам Аляксандрам Макаевым і студэнтам Мікалаем Сяргеенкам, якіх абвінавацілі ў дробным хуліганстве, нібыта ўчыненым 6-га сьнежня.

12.12.2007 У Берасьці пашкодзілі асабісты легкавік праваабаронцы Ўладзімера Вялічкіна

Свой "Нісан" берасьцеец Уладзімер Вялічкін паркуе ў горадзе ля шматпавярховага дому, дзе жыве. Платныя гаражы і начныя стаянкі – далёка, а адчуваньне бясьпекі надавала заўсёдная прысутнасьць пад вокнамі міліцэйскага "ўазіка".

12.12.2007 Суды над удзельнікамі мітынгу прадпрымальнікаў завяршыліся позна вечарам

Апошняму ўвечары 11 сьнежня быў абвешчаны прысуд Віктару Івашкевічу — намесьніка старшыні Партыі БНФ асудзілі на 15 сутак. Справа зацягнулася, бо Віктар Івашкевіч, намесьнік старшыні партыі БНФ, заявіў у судзе, што ня можа пазнаёміцца з матэрыяламі справы, бо ягоныя акуляры засталіся ў міліцыі. Судзьдзя Аляксей Бычко, які разглядаў справу, абвясьціў перапынак, каб міліцыянты прывезьлі Івашкевічу акуляры..

11.12.2007 Затрыманыя пасьля мітынгу прадпрымальнікі атрымліваюць суткі

Актывіст – прадпрымальнік Аляксей Кашкароў судом Цэнтральнага раёна Менска абвінавачаны ў парушэньні артыкулаў 17.1 і 23.34 КаАп РБ і пакараны арыштам на 15 сутак. Столькі ж атрымаў і Віктар Крываль. Віну Віктара Калея суддзя Ясімовіч “узважыў” на 10 сутак. У Судзе Маскоўскага раёна вынесены прысуд Аляксандру Макаеву. Ен пакараны арыштам на 7 сутак.

11.12.2007 Прызначана дата судовага паседжаньня над палітвязьнем Артурам Фінькевічам

Як паведаміў ПЦ "Вясна" магілёўскі праваабаронца Барыс Бухель, толькі што ў канцэлярыі суду ён даведаўся, што разгляд крымінальнай справы, узбуджанай у дачыненьні да палітвязьня Артура Фінькевіча, прызначаны на 20 сьнежня, пачатак паседжаньня ў 10-30.

11.12.2007 Затрыманых у Баранавічах падлеткаў адпусьцілі без складаньня пратаколу

Баранавіцкія “маладафронтаўцы” Вадзім Аўраменка, Вадзім Логіш і Павал Крываносаваў былі затрыманыя ўвечары 10 снежня за распаўсюд улётак.

11.12.2007 Кампанія салідарнасьці з Артурам Фінькевіча будзе моцная

10 сьнежня ў сядзібе БНФ засядаў грамадзкі камітэт салідарнасьці з палітвязьнямі. Галоўнае пытаньне на парадку дня – акцыі салідарнасьці з Артурам Фінькевічам, суд над якім можа адбыцца ўжо найбліжэйшым часам.