Праваабарончы цэнтр «ВЯСНА»

Навіны за 5 сьнежня 2007

05.12.2007 Сяргею Каваленка адмоўлена ў задавальненьні скаргі

Віцебскі абласны суд пакінуў без задавальненьня касацыйную скаргу актывіста Сяргея Каваленкі на рашэньне суду Віцебскага раёна, які вынес адміністрацыйнае пакараньне ў выглядзе штрафу за ўдзел у несанкцыянаваным мерапрыемстве.

05.12.2007 Беларускія мытнікі ўсё часцей забіраюць «для вывучэння» кампутары журналістаў

Супрацоўнікі беларускіх мытных службаў усё часцей праўляюць інтарэс да кампутараў, якія возяць з сабою журналісты. У ноч з 1 на 2 снежня на станцыі Церахава на ўкраінска-беларускай мяжы мытнікі забралі «для вывучэня» ноўтбук журналіста Радыё «Рацыя» Аляксея Мінчонка, які вяртаўся з прэс-тура па ўкраінскай частцы Чарнобыльскай зоны.

05.12.2007 Сёньня пачнецца судовае разбіральніцтва над Аляксандрам Тамковічам

Сёньня у судзе Першамайскага раёну Менска ў 15 гадзін разьбіральніцтва паводле пазову кіраўніка афіцыйнага пісьменьніцкага саюзу Мікалая Чаргінца да журналіста Аляксандра Тамковіча і прыватнага прадпрыемства «Час навінаў».

05.12.2007 Міліцыю палохае думка пра Еўразвяз?

Учора апоўдні ў Менску міліцыя затрымала моладзевую актывістку Вольгу Гулякевіч, якая навязвала на прыдарожныя слупы ў раёне праспекту “Газеты “Звязда” сінія стужачкі Еўразвязу.

05.12.2007 Інтэрнэт паспрабуюць «пракантраляваць»

Законапраект «Аб інфармацыі, інфарматызацыі і абароне інфармацыі» ў першым чытанні будзе разгледжаны 12 снежня на чарговым пасяджэнні «палаты прадстаўнікоў». Гэты дакумент разглядаўся ў камісіях ніжняй палаты «парламента» з сакавіка гэтага года. У аўтарскай рэдакцыі законапраект першапачаткова ўхвалены не быў. Была маса заўваг БАЖа, Еўрапейскіх структур, а таксама міжнародных экспертаў. Дэпутаты пры дапрацоўцы законапраекта паабяцалі ўлічыць гэтыя заўвагі. У выніку дакумент быў цалкам перапрацаваны, у прыватнасці скарочаныя 14 артыкулаў.