Праваабарончы цэнтр «ВЯСНА»

Навіны за 9 сакавіка 2021

09.03.2021 Палітвязня Дзяніса Дземуха асудзілі на паўтары гады калоніі

У судзе Заводскага раёна Мінска 9 сакавіка літаральна за некалькі гадзін была разгледжаная крымінальная справа супраць палітычнага зняволенага Дзяніса Дземуха. Суддзя Алег Каляда прызнаў Дзяніса вінаватым у здзяйсненні злачынства па арт. 342 Крымінальнага кодэкса і прысудзіў яму 1 год і 6 месяцаў пазбаўлення волі ў калоніі агульнага рэжыму.

09.03.2021 Футбольны заўзятар "БАТЭ" звярнуўся ў ААН са скаргай на міліцыянтаў, якія сарвалі яму прагляд матчу праз шалік з "Пагоняй"

44-гадовы футбольны заўзятар "БАТЭ" Сяргей Бахун звярнуўся ў Камітэт па правах чалавека ААН з нагоды парушэння яго правоў у 2014 годзе на стадыёне падчас матчу БАТЭ — «Слован» (Славакія), калі яго затрымала міліцыя за з'яўленне на арэне з шалікам з гербам "Пагоня".

09.03.2021 Жыхарка Стоўбцаў атрымала паўтары гады «хатняй хіміі» за абразу супрацоўніка ДАІ

Дзевятага сакавіка ў судзе Стаўбцоўскага раёна суддзя Людміла Шуцько вынесла прысуд па крымінальнай справе ў дачыненні да мясцовай жыхаркі Вольгі Калкоўскай, абвінавачанай па артыкуле 369 Крымінальнага кодэкса (Fбраза прадстаўніка ўлады ў сувязі з выкананнем ім службовых абавязкаў).

09.03.2021 Чатыры пазовы і тры крымінальныя артыкулы. Пачаўся суд над Вадзімам Луковічам, дзе пацярпелыя — супрацоўнікі ДАІ

У судзе Цэнтральнага раёна горада Менска 9 сакавіка пачаўся судовы працэс па крымінальнай справе ў дачыненні да 42-гадовага мінчука Вадзіма Луковіча. Сярод пацярпелых — два супрацоўнікі ДАІ, машына якіх праехала міма Луковіча ў ноч з 9 жніўня на 10 жніўня 2020 года, а той пакінуў на ёй свае адбіткі. Абвінавачваюць Вадзіма адразу па трох артыкулах.

09.03.2021 Пачаўся суд над Іванам Дацышыным: студэнт прызнаў віну, але супрацоўнікі ўпэўненыя, што пацярпелі не ад яго

У судзе Маскоўскага раёна Мінска пачаўся разгляд крымінальнай справы ў адносінах да Івана Дацышына

09.03.2021 Праваабарончая праграма "Вясна" на Беларускім Радыё Рацыя

Крымінальны пераслед: “нуль праміле”, раскіданыя самарэзы, проціватанкавыя “вожыкі” (згодна з фэйкавым сюжэтам на ОНТ), удзел 9 жніўня 2020 года ў мірным пратэсце і спроба ўцякчы ад сілавікоў, якія разбівалі аўтамабілі — за што асуджалі беларусаў на мінулым тыдні?

09.03.2021 Арганізацыі грамадзянскай супольнасці Беларусі выступілі ў падтрымку ПЦ "Вясна"

Заява арганізацый грамадзянскай супольнасці Беларусі ў сувязі з пераследам Праваабарончага цэнтра "Вясна" і яго актывістаў

09.03.2021 У Мінску пачаўся суд над палітзняволенай Аляксандрай Патрасаевай, якая перажыла катаванні

У судзе Маскоўскага раёна Менска пачаўся разгляд крымінальнай справы ў дачыненні да палітзняволенай Аляксандры Патрасаевай. Дзяўчыну абвінавачваюць па ч. 2 арт. 293 Крымінальнага кодэксу – удзел у масавых беспарадках. Ёй пагражае пазбаўленне волі на тэрмін ад трох да васьмі гадоў.