Праваабарончы цэнтр «ВЯСНА»

Навіны за Кастрычнік 2018

21.10.2018 У нядзелю ў берасцейскай міліцыі – “дзень адчыненых дзвярэй”?

Некалькім актыўным удзельнікам акцый пратэсту супраць будаўніцтва акумулятарнага завода пад Берасцем у пятніцу былі ўручаныя позвы ў Ленінскі РАЎС, альбо ў апорныя пункты гэтага раёна. Як пазначана: “ў якасці асоб, супраць якіх распачаты адміністрацыйны працэс”.

19.10.2018 «Увесь кастрычнік нас ганяюць на суботнікі. А калі жыць?»

Адразу некалькі зваротаў прыйшло ў рэдакцыю people.onliner.by з Мінскага раёна. «Увесь кастрычнік нас прымушаюць задарма працаваць па выходных, - скардзяцца аўтары. - Добра б адну-дзве суботы ў месяц... Але кожны тыдзень - гэта занадта».

19.10.2018 Позвы для незалежных журналістаў напярэдадні нядзельнага "кармлення галубоў"

У Брэсце міліцыянты ўручылі позвы незалежным журналістам Яўгену Скрабцу, Мілане Харытонавай і Алесю Ляўчуку. Згодна з дакументамі, журналісты мусяць прыйсці ў нядзелю 21 кастрычніка ў аддзяленне міліцыі Ленінскага раёна для допыта ў якасці асобаў, у дачыненні да якіх вядзецца адміністрацыйны працэс.

19.10.2018 У Брэсце затрыманы актывіст «Еўрапейскай Беларусі» Андрэй Шарэнда

У пад'езда свайго дома пасля сустрэчы з вызваленым пасля арышту з ІЧУ Мікалаем Статкевічам затрыманы брэсцкі лідэр Беларускага Нацыянальнага Кангрэсу, актывіст «Еўрапейскай Беларусі» Андрэй Шарэнда, паведамляе телеграм-канал «Баста».

19.10.2018 Абсерваторыя па абароне праваабаронцаў падтрымала Рамана Кісляка

Абсерваторыя па абароне праваабаронцаў выступіла з заявай, у якой заклікала ўлады Беларусі спыніць пераслед праваабаронцы з Брэста Рамана Кісляка.

19.10.2018 19 кастрычніка – шэсць гадоў Беларускаму дакументацыйнаму цэнтру

Сёння шостую гадавіну свайго існавання святкуе праваабарончая арганізацыя “Беларускі дакументацыйны цэнтр”. Ён быў заснаваны 19 кастрычніка 2012 года па ініцыятыве беларускіх праваабаронцаў, адвакатаў і сваякоў палітычных зняволеных.

19.10.2018 Берасце: 12 судоў прайшло, апошні перанеслі на 24 кастрычніка

Разгляд адміністрацыйнай справы праваабаронцы Рамана Кісляка, які меў адбыцца 18 кастрычніка ў судзе Ленінскага раёна Берасця, перанесены на 24 кастрычніка. Аб пераносе паведамляе сайт “Берасцейскай Вясны”.

19.10.2018 Палітвязень Паліенка выйдзе на волю праз тыдзень

Зміцер Паліенка – сацыяльны актывіст з Мінска. Нагодай для крымінальнага пераследу стаў ягоны ўдзел у мірным сходзе “Крытычная маса”, які адбываўся 29 красавіка 2016 г. у Мінску і быў гвалтоўна спынены міліцыяй.

18.10.2018 Дзяніс Мандзік: “На мае просьбы расслабіць кайданкі супрацоўнікі міліцыі ніяк не рэагавалі”

Дзяніс Мандзік пры дапамозе праваабаронцаў “Вясны” накіраваў скаргу ў Пракуратуру Цэнтральнага раёна г. Мінска на незаконныя дзеянні супрацоўнікаў міліцыі - беспадстаўнае этапаванне ў кайданках.

18.10.2018 Навошта заяўніку патрэбныя замацаваныя ў КПК правы?

Чаму праваабаронцы звярнулі ўвагу на прабелы ў заканадаўстве адносна правоў асобаў, якія накіравалі ў орган дазнання, начальніку следчага камітэта, следчаму або пракурору заяву або паведамленне аб злачынстве (заяўніка)?

18.10.2018 Замкнутае кола вязня Барановіча

Праваабаронцы “Вясны” звязаліся з сястрой Святаслава Барановіча Наталляй і пагутарылі з ёй пра шматлікія дысцыплінарныя спагнанні і жорсткія ўмовы ўтрымання - пра ўсё тое, што адбывалася з яе братам з моманту паступлення ў калонію.

18.10.2018 Берасце: праваабаронцу Рамана Кісляка чакае суд

У судзе Ленінскага раёна Берасця 18 кастрычніка будзе разгледжаная адміністрацыйная справа праваабаронцы Рамана Кісляка. Паседжанне прызначанае на 15 гадзін.

18.10.2018 “Вясноўцы” абмеркавалі сітуацыю з правамі чалавека ў Беларусі з амбасадаркай Швецыі

У ходзе сустрэчы на офісе “Вясны” амбасадарка Швецыі ў Беларусі Крысціна Юханесан змагла пачуць вычарпальныя адказы на пытанні, якія яе цікавілі, а таксама выказала падтрымку дзейнасці беларускай праваабарончай супольнасці.

17.10.2018 Суды за пікет "Білет на той свет"

Суд Цэнтральнага раёна Мінска 17 кастрычніка прыступіў да разгляду адміністрацыйных спраў актывістаў "Моладзі БНФ" Дзяніса Мандзіка і Ганны Смілевіч.

17.10.2018 Праект светлагорскага заводу беленай цэлюлозы пройдзе новую экалагічную экспертызу

Міністэрства прыродных рэсурсаў адказала на зварот жыхароў Светлагорску наконт шкодных выкідаў з заводу сульфатнай беленай цэлюлёзы. Як вынікае з дакументу, «смуродныя пахі» з прадпрыемства не прадугледжваліся праектам. Будзе новая экалагічная экспертыза, паведамляе "Радыё Свабода".