Праваабарончы цэнтр «ВЯСНА»

Навіны за Ліпень 2017

12.07.2017 З’яўленне лакальных ініцыятываў - нагода для аптымізму

Усё часцей эксперты кажуць пра такую тэндэнцыю як звужэнне прасторы для няўрадавых арганізацый, у тым ліку і праваабарончых. У такіх умовах грамадзянская супольнасць пачынае шукаць новыя формы, метады працы, і ўсё больш увагі на сябе звяртаюць лакальныя ініцыятывы.

12.07.2017 Мікалаю Дзядку адмоўлена ва ўзбуджэнні справы супраць амапаўцаў

Следчы камітэт Першамайскага раёна Мінска адмовіў ва ўзбуджэнні крымінальнай справы па факце збіцця 25 сакавіка Мікалая Дзядка супрацоўнікамі АМАП.

12.07.2017 Настаўніц з Маладэчна за сьмерць школьніцы на бульбе асудзілі на 2 гады «хатняй хіміі»

Суд Маладэчанскага раёну сёньня абвясьціў прысуд па справе гібелі на прыборцы бульбы 13-гадовай Вікі Папчэні.

12.07.2017 “...За адсутнасцю грамадска-небяспечнага дзеяння і складу злачынства...”

Дакумент з такой фармулёўкай атрымала напрыканцы мінулага тыдня з міжраённага аддзелу Следчага камітэта Берасця Таццяна Мельнічук, маці загінулага пры невысветленых абставінах Андрэя Тарасенкі.

12.07.2017 Мікалай Логвінаў – чарговы адлічаны актывіст

Актывіста “Моладзі БНФ” Мікалая Логвінава адлічылі з Мінскага дзяржаўнага палітэхнічнага каледжа. Загад, са шматлікімі парушэннямі, падпісаў выконваючы абавязкі дырэктара каледжа В. Буневіч.

11.07.2017 Абсерваторыя патрабуе неадкладнага вызвалення праваабаронцаў у Турцыі

Абсерваторыя выказвае “глыбокую заклапочанасць з нагоды новай хвалі адвольных затрыманняў праваабаронцаў у сувязі з ажыццяўленнем імі законнай і мірнай дзейнасці ў галіне правоў чалавека” і заклікае ўлады Турцыі забяспечыць неадкладны доступ адвакатаў да актывістаў і безумоўна вызваліць затрыманых.

11.07.2017 У Бахрэйне праваабаронца Набіл Раджаб прысуджаны да двух гадоў зняволення

Прысуд быў вынесены завочна Ніжнім крымінальным судом сталіцы Бахрэйна Манамы. Сам Раджаб знаходзіцца ў шпіталі з 8 красавіка гэтага года.

11.07.2017 Гісторыі адлічаных актывістаў: Юрый Лукашэвіч

Сярод тых хто пацярпеў за свае погляды – студэнт 1 курса гістарычнага факультэта БДУ, лідэр «Моладзі БНФ» Юрый Лукашэвіч. У сакавіку, літаральна за адзін тыдзень яму вынеслі адразу дзве пісьмовыя вымовы за прагулы і на падставе гэтага адлічылі з БДУ.

11.07.2017 Праваабарончая праграма "Вясна" на Беларускім Радыё Рацыя

"Каментар эксперта": Экспертка Front Line Defenders Марыя Шышчанкова распавядае пра новыя выклікі для праваабарончых арганізацый па ўсім свеце; “Падзея”: На мінулым тыдні ў Мінску прайшла 26-ая штогадовая сесія Парламенцкай асамблеі АБСЕ. Напярэдадні яе адбыўся Паралельны форум грамадзянскай супольнасці з удзелам праваабаронцаў Беларусі.

11.07.2017 Журналіста-фрылансера Жукоўскага аштрафавалі на 1150 рублёў

Суддзя Светлагорскага раённага суду Руслан Царук прызнаў гомельскага журналіста-фрылансера Кастуся Жукоўскага вінаватым у незаконным вырабе прадукцыі СМІ для тэлеканалу «Белсат». Адміністратыўны працэс адбываўся 10 ліпеня.

11.07.2017 Мінюст просіць заснавальнікаў Сацыяльна-хрысціянскага руху распавесці пра з’езд арганізацыі

Міністэрства юстыцыі Беларусі разаслала заснавальнікам Сацыяльна-хрысціянскага руху лісты, у якіх патрабуе ў “найкарацейшы тэрмін” адказаць на пытанні пра заснаванне арганізацыі і даслаць іх у Мінюст, паведамілі Krynica.info ў СХР.

11.07.2017 Жанчыну будуць судзіць за рэпост пра смерць «дармаедаў»

Тэма падатку на дармаедства сёлета мала каго з беларусаў пакінула абыякавым. У самыя гарачыя перыяды тысячы грамадзянаў выходзілі на вуліцы, дзясяткі тысячаў выказвалі сваю пазіцыю ў сеціве. Судовы пераслед закрануў і тых, і другіх. Супраць жыхаркі Светлагорску распачалі адміністратыўную справу за рэпост.

10.07.2017 Справа аб падрыхтоўцы масавых беспарадкаў не спыненая

Высветлілася, што папярэдняе следства па справе працягваецца. Праваабаронцы “Вясны”, атрымаўшы адпаведнае дакументальнае пацверджанне, выказваюць пэўныя апасенні з гэтай нагоды.

10.07.2017 Сяргей Будкін падаў у суд заяву на забарону канцэрта

Заснавальнік і галоўны рэдактар медыйнага праекту “Тузін Гітоў” Cяргей Будкін звярнуўся ў Эканамічны суд з заявай на дзеянні галоўнага ўпраўлення ідэалагічнай работы, культуры і па справах моладзі Мінгарвыканкама, які забараніў правядзенне канцэрту Алеся Дзянісава.

10.07.2017 На сесіі ПА АБСЕ прынятая рэзалюцыя аб сітуацыі ва Усходняй Еўропе з крытыкай Беларусі

Камітэт па дэмакратыі, правах чалавека і гуманітарных пытаннях (трэці камітэт) Парламенцкай асамблеі АБСЕ ўхваліў рэзалюцыю аб сітуацыі ва Усходняй Еўропе, у якой утрымліваецца крытыка Азербайджана, Беларусі і Расіі, паведамляе БелаПАН.