Праваабарончы цэнтр «ВЯСНА»

Навіны за 28 сакавіка 2017

28.03.2017 Што і як можна перадаваць арыштаваным

Увага! Не ўсе тыя, хто быў асуджаны за мірныя акцыі 25-26 сакавіка ў Мінску да адбыцця пакарання ў выглядзе арышту, могуць знаходзіцца ў ЦІП на Акрэсціна, таму лепш спачатку даведацца месцазнаходжанне асуджанага.

28.03.2017 Суд над Андрэем Бандарэнкам: дзень першы

У судзе Ленінскага раёна Магілёва 29 сакавіка пачаўся разгляд па справе былога кіраўніка праваабарончай арганізацыі «Платформ Іннавэйшн» Андрэя Бандарэнкі. Тэрмін ягонага зняволення заканчваецца 31 сакавіка 2017 года.

28.03.2017 Кароткая даведка назіральнікаў па выніках "суднага дня" 27 сакавіка

27 сакавіка ў Мінску і шасці рэгіянальных гарадах Беларусі прайшлі суды над затрыманымі падчас пратэстных акцый 25 – 26 сакавіка. Праваабаронцы и назіральнікі ажыццяўлялі маніторынг судовых працэсаў.

28.03.2017 Заява Прадстаўніцтва ЕС у сувязі са смяротным прысудам Аляксею Міхаленю

Заўважныя крокі з боку Беларусі да забеспячэння ўніверсальных асноўных свабодаў, вяршэнства права і правоў чалавека, у тым ліку ў дачыненні да праблемы смяротнага пакарання, па-ранейшаму будуць ключавым пытаннем пры фармаванні будучай палітыкі ЕС у дачыненні да Беларусі.

28.03.2017 Зварот у пракуратуру: чалавека, які не назваў прозвішча, павінны адпусціць з ЦІПа альбо даставіць у суд

Праваабаронца Уладзімір Лабковіч звярнуўся ў Пракуратуру Маскоўскага раёна Мінска з заявай аб незаконных дзеяннях супрацоўнікаў міліцыі ГУУС Мінгарвыканкама. Яго абурыла інфармацыя аб тым, што ў Цэнтры ізаляцыі правапарушальнікаў на Акрэсціна ўтрымліваецца мужчына, які адмаўляецца назваць міліцыі сваё прозвішча.

28.03.2017 “Грамадзянская салідарнасць” патрабуе рашучых захадаў міжнароднай супольнасці супраць рэпрэсій у Беларусі

Платформа “Грамадзянская салідарнасць” асуджае масавыя арышты і міліцэйскі гвалт у дачыненні да мірных дэманстрантаў і патрабуе моцнай рэакцыі з боку міжнароднай супольнасці.

28.03.2017 “Зачыстка” рэгіёнаў працягваецца

У гарадах, дзе адбываліся ў апошні тыдзень акцыі пратэсту, супрацоўнікі міліцыі працягваюць затрымліваць удзельнікаў акцый і складаюць пратаколы правапарушэнняў.

28.03.2017 Заява МЗС Польшчы ў сувязі з падзеямі ў Мінску

Міністэрства замежных спраў з занепакоенасцю адзначыла спосаб, якім улады Беларусі перашкаджалі правядзенню мірнага пратэсту ў Мінску 25 сакавіка 2017 года.

28.03.2017 Наста Лойка: Незалежныя назіральнікі працягнуць маніторынгі масавых акцый і судоў

Юрыстка Праваабарончага цэнтру “Вясна” Настай Лойка распавяла службе інфармацыі “ЕўраБеларусі” пра асаблівасці працы назіральнікаў грамадзянскага кантролю ў дні разгону масавых пратэстаў.

28.03.2017 Чорны панядзелак у Гомелі - 44 сутак арыштаў і 40 базавых штрафаў

У Гомелі ў панядзелак 27 сакавіка ў раённых судах разглядалі адміністрацыйныя справы ў дачыненні да затрыманых да і пасля якое прайшло 25 сакавіка чарговага «Марша нетунеядцев». За дзень актывісты атрымалі 44 сутак арыштаў і 40 базавых велічынь адміністрацыйных штрафаў. 13 чалавек сустрэлі Дзень Волі ў ІЧУ.

28.03.2017 У Віцебску 27 сакавіка асудзілі адзінаццаць чалавек

У дапаўненне інфармацыі пра асуджэнне і арышт 27 сакавіка ў Віцебску праваабаронцаў Леаніда Свеціка і Кастуся Мардвінцава, стала вядома яшчэ пра дзесятак адміністрацыйных працэсаў над удзельнікамі акцыі пратэсту. “Вясну” аб гэтым праінфармаваў мясцовы журналіст.