Праваабарончы цэнтр «ВЯСНА»

Навіны за Травень 2015

25.05.2015 Інфаграфіка: Палітвязні ў Беларусі

Cёння за кратамі ў Беларусі знаходзіцца 6 палітычных зняволеных. Тыдзень таму праваабарончыя арганізацыі апублікавалі сумесную анлайн-петыцыю з патрабаваннем вызваліць усіх палітычных зняволеных.

25.05.2015 Незалежная журналістка Вольга Чайчыц атрымала позву ў суд

Позва ў суд прыйшла на паштовую скрыню журналісткі Вольгі Чайчыц. Разгляд справы адбудзецца 1 чэрвеня ў судзе Дзяржынскага раёну.

25.05.2015 “СНД адбудоўвае лагер паліцэйскіх дзяржаў”

Алесь Бяляцкі пракаментаваў інфармацыю пра паседжанне Савета кіраўнікоў органаў бяспекі і спецслужбаў дзяржаў-удзельніц СНД, якое 25 – 27 траўня праходзіць у Душанбэ.

25.05.2015 Баранавічы: факты збіцця міліцыяй аматараў футбола правярае сама міліцыя

Праваабаронца Сяргей Гоўша 23 траўня атрымаў адказ з Баранавіцкай міжраённай пракуратуры на сваю скаргу па факту збіцця міліцыяй аматараў футбола 3 траўня напярэдадні матча першай лігі чэмпіяната Беларусі паміж мясцовым футбольным клубам “Баранавічы” і магілёўскім “Дняпром”.

25.05.2015 Прэзентацыя кнігі Алеся Бяляцкага «Халоднае крыло Радзімы» ў Варшаве

Прэзентацыя кнігі старшыні Праваабарончага цэнтра «Вясна» Алеся Бяляцкага «Халоднае крыло Радзімы» адбудзецца 28 мая ў Беларускім доме ў Варшаве.

25.05.2015 У Оршы забаранілі адразу 6 пікетаў

24 і 25 траўня акцыі супраць увядзенння Дэкрэта №3 "Пра папярэджанне сацыяльнага ўтрыманства" збіраліся правесці актывісты Аб'яднанай грамадзянскай партыі.

24.05.2015 У праваабаронцы Леаніда Судаленкі беларускія памежнікі забралі ноўтбук

24 траўня на літоўска-беларускай мяжы ў пункце пропуску «Каменны лог» беларускія памежнікі праявілі пільную ўвагу да праваабаронцы Леаніда Судаленкі і забралі «для праверкі» носьбіты інфармацыі, у тым ліку ноўтбук.

24.05.2015 У Баранавічах адбылася прэзентацыя кнігі Паўла Севярынца “Беларуская глыбіня”

Творчая сустрэча адбылася ў вёсцы Русіны (Баранавіцкі раён) на сядзібе Таварыства беларускай мовы. Людзі прыйшлі на сустрэчу не толькі з пісьменнікам, але і былым палітвязнем.

23.05.2015 Алесь Бяляцкі - госць святочнай сустрэчы Amnesty International у Польшчы

23 траўня ў Варшаве кіраўнік ПЦ “Вясна” Алесь Бяляцкі стаў спецыяльным госцем на гадавой сустрэчы актывістаў аддзяленьня Amnesty International у Польшчы, якое сёлета адзначае 25-я ўгодкі заснаваньня.

23.05.2015 Салігорск: Пракуратура рэагуе на парушэнне моўнага заканадаўства

Па выніках праверкі ў дачыненні да адказнага супрацоўніка прадпрыемства быў складзены пратакол аб адміністратыўным правапарушэнні паволе артыкула 9.13 КаАП, а таксама вынесена афіцыйнае папярэджанне аб недапушчэнні надалей парушэнняў заканадаўства.

23.05.2015 Брэст: гарадскія ўлады забаранілі пікеты супраць дэкрэта “аб дармаедах”

Заяўкі на правядзенне дзесяці такіх мерапрыемстваў у розных мікрараёнах горада падавалі мясцовыя актывісты Аб’яднанай грамадзянскай партыі. Самі пікеты былі запланаваны на 25 траўня.

22.05.2015 Конкурс: удзельнічай у летніх Школах па правах чалавека для моладзі - 2015

Беларуская праваабарончая школа, арганізаваная міжнароднай супольнасцю праваабарончых арганізацый, працягвае конкурс на ўдзел у Летніх школах па правах чалавека на 2015 год.

22.05.2015 Гомельскіх журналістаў-фрылансераў Кастуся Жукоўскага і Наталлю Крывашэй адпусцілі з міліцыі без складання пратаколу

Фрылансеры былі затрыманыя сёння, 22 траўня, каля будынку суда Гомельскага раёна. Міліцыянерам не спадабалася, што яны здымалі відэа каля будынку суда.

22.05.2015 У Лунінцы – акцыя салідарнасці з палітвязнямі (фота)

На аўтобусных прыпынках раённага горада Лунінца з’явіліся здымкі беларускіх палітвязняў з кароткай інфармацыяй пра іх. Жыхарам горада прадставілі адрозны ад прапагандуемага ўладамі пункт гледжання на прычыны, з-за якіх гэтыя людзі апынуліся за кратамі.

22.05.2015 Галоўныя ўладныя сайты Гарадзеншчыны ігнаруюць беларускую мову

Афіцыйны сайт Гродзенскага гарвыканкаму ігнаруе ў сваёй інфармацыйнай палітыцы беларускую мову. Яшчэ горшая цяперашняя сітуацыя ў гэтым плане на афіцыйным сайце Гродзенскага аблвыканкаму.