Праваабарончы цэнтр «ВЯСНА»

Навіны за 27 лютага 2015

27.02.2015 Гары Паганяйла: Ніякага паслаблення не будзе…

Юрыст Беларускага Хельсінкскага Камітэта Гары Паганяйла тлумачыць, чаму з аднаго боку беларуская ўлада паказвае Еўропе сваю адкрытасць і дэмакратычнасць, а з іншага – “закручвае гайкі”.

27.02.2015 Магілёўскую міліцыю пачалі рыхтаваць да “Плошчы”?

Супрацоўнікаў магілёўскай міліцыі масава накіроўваюць на трэніроўкі ў Шклоў, дзе яны адпрацоўваюць падаўленне імаверных пратэстаў. Супрацоўнікі міліцыі ў поўнай амуніцыі з дубінкамі і шчытамі праходзяць гэтак званае баявое ўзаемадзеянне.

27.02.2015 Выстава плакатаў супраць смяротнага пакарання адчынілася ў Гомелі

У памяшканні грамадска-палітычнага цэнтру ў Гомелі 27 лютага праваабаронцы адчынілі выставу «Шэсць аргументаў супраць смяротнага пакарання». Экспазіцыя змяшчае плакаты мастака Алега Аблажэя і з фондаў Сусветнай кааліцыі супраць смяротнага пакарання.

27.02.2015 Вольга Грунова звярнулася ў Камітэт па правах чалавека ААН

Маці растралянага гамельчука Вольга Грунова звярнулася з індывідуальнай скаргай у Камітэт ААН па правах чалавека.

27.02.2015 Баранавічы: міліцыя вядзе актыўны пошук аўтара плаката з заклікам да байкота ўказа прэзідэнта

Ужо некалькі дзён баранавіцкая міліцыя вядзе актыўны пошук аўтара каляровага плаката з заклікам да байкота ўказа Прэзідэнта № 222, які быў вывешаны 15 лютага на мясцовым каапрынку.

27.02.2015 Суддзя, які разгалосіў медыцынскую таямніцу, атрымаў вымову

Магілёўскі суддзя Станіслаў Леўчанка атрымаў вымову. Нагодай для яе стала перадача пікантных падрабязнасцяў судовага працэса над транссэксуалам і далейшае разгалошванне медыцынскай таямніцы ў публікацыі ў мясцовай газеце “Вячэрні Магілёў”.

27.02.2015 У Магілёве мясцовая заканадаўчая база не прадугледжвае магчымасці ўдзелу НДА і грамадскасці ў падрыхтоўцы праектаў рашэнняў улады

Пра гэта стала вядома ў выніку маніторныгу ацэнкі ўдзелу НДА і грамадскасці ў працэсе прыняцця рашэнняў на мясцовым ўзроўні ў Магілёве, а таксама Горацкім і Касцюковіцкім раёнах Магілёўшчыны, якое праводзілі актывісты Магілёўскага грамадзянскага цэнтру ў другім паўгоддзі 2014 года.

27.02.2015 Östgruppen заклікае швэдзкі МЗС крытыкаваць прысуд Дзядку

Швэдзкая праваабарончая ініцыятыва Östgruppen называе ўчорашні вэрдыкт магілёўскага суду аб дадатковым годзе турэмнага зьняволеньня для палітвязьня Міколы Дзядка з аднаго боку, надзвычай «арыгінальным», а з другога — «палітычна матываваным».

27.02.2015 Бабруйск: замест знішчанай санітарнай зоны будуць азеляняць мемарыял

У Бабруйску дасюль з абурэннем абмяркоўваюць знішчаную зялёную санітарную зону, якая абараняла жыхароў вуліц 50 год ВЛКСМ і Лынькова ад выкідаў прадпрыемстваў, якія размясціліся праз дарогу - завода гуматэхнічных вырабаў, гарбарнага камбіната, завода буйнапанэльнага домабудавання і шыннага камбіната.

27.02.2015 Магілёў: суд не задаволіў пазоў Аляксея Паўлоўскага аб абароне гонару, годнасці і дзелавой рэпутацыі

Грамадскі актывіст судзіўся з адміністрацыя “Магілёўскага домабудаўнічага камбіната”, якая адмовіла яму ў працаўладкаванні, спаслаўшыся на тое, што прыняцце яго на працу можа дэстабілізаваць абстаноўку на прадпрыемстве.

27.02.2015 Супрацоўніка “КП в Беларуси” затрымалі за фатаграфаванне Акадэміі навук і чатыры гадзіны пратрымалі ў міліцыі

Міліцыянтаў выклікаў ахоўнік будынку, які заявіў пра забарону фатаграфавання і забраў у Дзмітрыя Ласько пашпарт.

27.02.2015 Макей: Прэтэнзіі аб парушэнні правоў чалавека адрасаваныя абсалютна ўсім урадам

Паводле яго слоў, "любая дзяржава дзейнічае, грунтуючыся на нацыянальных інтарэсах, сфармуляваных палітычнай элітай, якая, у сваю чаргу, вырошчваецца канкрэтнай нацыяй". "Глыбока ўпэўнены, што развіццё ў кірунку ідэалаў канцэпцыі правоў чалавека (свабоды, роўнасці і братэрства) павінна ажыццяўляцца толькі на канкрэтнай нацыянальнай глебе".