Праваабарончы цэнтр «ВЯСНА»

Навіны за 17 лютага 2015

17.02.2015 Баранавічы: мясцовыя вандалы паляць вянкі каля Крыжа памяці сталінскіх ахвяр (фота)

Па словах актывіста Руху “За свабоду” Віктара Сырыцы, такіх варварскіх дзеянняў з боку злаўмыснікаў яшчэ не было. Грамадскі актывіст адзначыў, што мае намер звяртацца ў праваахоўныя органы, каб яны знайшлі і прыцягнулі злаўмыснікаў да адказнасці ў адпаведнасці з патрабаваннямі закона.

17.02.2015 Баранавіцкі гарвыканкам забараніў пікет супраць карупцыі і роста коштаў на камунальныя паслугі

Баранавіцкі гарвыканкам забараніў грамадскаму актывісту Мікалаю Чарнавусу пікет супраць карупцыі і роста коштаў на камунальныя паслугі. Гэта стала вядома з ліста, які ён атрымаў за подпісам намесніка старшыні гарвыканкама Дзмітрыя Касцюкевіча.

17.02.2015 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: 16 лютага прэзідэнт Нарвежскага ПЭН-цэнтра Уільям Нюгард і пісьменнік Эрлінг Кітэльсэн наведалі офіс Праваабарончага Цэнтра “Вясна”, дзе абмеркавалі з праваабаронцамі сітуацыю з правамі чалавека ў Беларусі. “Хроніка пераследу”: Выдавецтва «ЛогвінаЎ» не пусцілі да ўдзелу ў мінскай міжнароднай кніжнай выставе-кірмашы.

17.02.2015 Мазырскі праваабаронца заклікае мясцовую ўладу прыняць меры для рэальнага забеспячэння права на родную мову

Мазырскі праваабаронца Уладзімір Целяпун звярнуўся з пісьмовым зваротам да старшыні Мазырскага райвыканкаму Яўгена Адаменкі і старшыні райсавету дэпутатаў Сяргея Гваздзя. Зварот прымеркаваны да Міжнароднага дня роднай мовы (21 лютага).

17.02.2015 Алесь Бяляцкі: Турэмная сыстэма прагніла наскрозь, а рэфармаваць яе няма палітычнай волі

Былы палітвязень Алесь Бяляцкі крытычна паставіўся да высноваў сваіх калегаў з арганізацыі «Плятформа інавэйшн», якія апошнія месяцы «інспэктавалі» беларускія калёніі і сьледчыя ізалятары.

17.02.2015 Азербайджан: супраць журналісткі Ісмаілавай вылучылі новыя абвінавачванні

У Азербайджане журналістцы, якая супрацоўнічае з Радыё Свабода, Хадзіджы Ісмаілавай, вядомай сваімі расследаваннямі, у прыватнасці, бізнесовых спраў сям'і прэзідэнта Азербайджана Ільгама Аліева, днямі былі прад'яўленыя новыя абвінавачванні.

17.02.2015 У Брэсце прайшла акцыя салідарнасці з палітычнымі зняволенымі

Падчас гэтай акцыі, якая традыцыйна адбываецца ў шаснаццаты дзень кожнага месяца, былі распаўсюджаны адмысловыя інфармацыйныя ўлёткі: гэтым разам яны з’явіліся ў паштовых скрынях жыхароў мікрараёнаў Вулька і Паўднёвы.

17.02.2015 Суд адхіліў касацыйную скаргу БелаПАН, “Узгорка” і журналіста Уладзіміра Лапцэвіча

Судовая калегія не прыняла да ўвагі сведчанні журналіста БелаПАН Уладзіміра Лапцэвіча і рэдактара газеты “Узгорак” Галіны Буднай аб тым, што ў іх публікацыях былі дакладна прадстаўлены пазіцыі абодвух бакоў канфлікта ў Горацкай раённай арганізацыі БелТІ, якія яны выказвалі падчас адкрытага судовага пасяджэння.