Праваабарончы цэнтр «ВЯСНА»

Навіны за Сьнежань 2013

24.12.2013 Адміністрацыя бабруйскай ПК-2 помсціць былым палітвязням?

Бабруйская папраўчая калонія №2 спаганяе з вязняў Плошчы-2010 “запазычаннасць за атрыманую імі рэчавую маёмасць”. І гэта – больш чым праз два гады пасля вызвалення. Позвы ў суд атрымалі Зміцер Дрозд і Сяргей Казакоў.

24.12.2013 Як зняволеныя жывуць "на грошы падаткаплацельшчыкаў": "жыроўка" з магілёўскай ПК-15

Мінчанка Людміла Кучура атрымала з ДВП МУС даведку пра кошт "камуналкі", якую аплочвае яе муж у ПК-15 Магілёва: «Столькі я плачу за сваю добрую трохпакаёвую кватэру. Акрамя КБП, у яго вылічваюць і за харчаванне, і за вопратку, і за абутак ... "

24.12.2013 Бярозаўскія праваабаронцы і грамадскія актывісты павіншавалі палітвязняў

Да ўсіх палітвязняў былі накіраваны віншавальныя паштоўкі са святам Божага Нараджэння і Новым 2014 годам. Праваабаронцы, грамадскія і палітычныя актывісты пажадалі палітвязням найперш найхутчэйшага вызвалення, здароўя і Божай дапамогі ў іх цяжкіх абставінах.

24.12.2013 Праваабарончая праграма “Людзьмі звацца!” на Беларускім Радыё Рацыя

“Хроніка пераследу”: смяротнае пакаранне, адміністратыўны пераслед удзельнікаў акцыі "Стоп-падатак". "Падзея тыдня" - пачатак кампаніі "Праваабаронцы за свабодныя выбары" па маніторынгу мясцовых выбараў. "Асоба. Дзяржава. Грамадства": госця рубрыкі – жонка палітвязня Міколы Статкевіча Марына Адамовіч.

24.12.2013 Сайт Праваабарончага цэнтру "Вясна" – “Чэмпіён грамадзянскай супольнасці-2013»

Праваабарончы цэнтр “Вясна” расцэньвае ўзнагароду Асамблеі НДА “Чэмпіён грамадзянскай супольнасці-2013» як знак сяброўскай падтрымкі ўнесенага ўладамі ў “чорныя спісы” сайта spring96.org.

24.12.2013 Аляксандра Грунова ізноў прысудзілі да вышэйшай меры пакарання

Гомельскі абласны суд 24 снежня ў другі раз прысудзіў Аляксандра Грунова да вышэйшай меры пакарання – растрэлу за забойства гомельскай студэнткі. Пра гэта паведаміў каардынатар кампаніі “Праваабаронцы супраць смяротнага пакарання” Андрэй Палуда.

24.12.2013 Алеся Макаева пасадзілі на пяць сутак за ўшанаванне слуцкіх паўстанцаў

Суд Маскоўскага раёна Мінска 23 снежня прыняў рашэнне арыштаваць грамадскага актывіста Аляксандра Макаева на пяць сутак.

24.12.2013 Чарговы крычаўскі чыноўнік трапіў пад следства

Супрацоўнікі міліцыі і Следчага камітэта праводзяць следчыя дзеянні па расследванні крымінальнай справы аб перавышэнні службовых паўнамоцтваў дырэктарам крычаўскага УКПП “Камунальнік” Сяргеем Гардзеевым. Пра гэта паведаміў рэдактар газеты “Вольны горад” Сяргей Няроўны.

24.12.2013 Старшыня Магілёўскага абласнога суда вынес пратэст па справе “Вольнага горада”

Старшыня Магілёўскага абласнога суда Ігар Прашко накіраваў пратэст у прэзідыўм Магілёўскага абласнога суда на рашэнне суда Крычаўскага раёна ад 17 чэрвеня 2013 года. Ігар Прашко просіць рашэнне суда адмяніць, вытворчасць па справе спыніць.

24.12.2013 Экс-кандыдат у дэпутаты Палаты прадстаўнікоў патрабуе правесці перавыбары

Валерый Каранкевіч лічыць, што, у сувязі з тым, што Краўцоў Уладзімір Васільевіч Указам кіраўніка краіны Аляксандра Лукашэнкі прызначаны старшынёй Гродненскага аблвыканкама, ён не можа выконваць абавязкі дэпутата Палаты прадстаўнікоў па Крычаўскай выбарчай акрузе №83.

23.12.2013 Удзельнікі акцыі "Стоп-падатак" – у судзе

У судзе Ленінскага раёна Менска пачаўся разгляд адміністрацыйных спраў затрыманых пад час акцыі "Стоп-падатак" аўтааматараў Канстанціна Глушко і Андрэя Самохіна. Іх вінавацяць у непадпарадкаванні патрабаванням супрацоўнікам міліцыі (арт. 23.4. КаАП РБ). Канстанцін Глушко пакараны адміністрацыйным арыштам на 5 сутак

23.12.2013 Слуцкую актывістку аштрафавалі за паказ фільму пра Слуцкі збройны чын

На 20 базавых велічынь (2 мільёна 600 тысяч рублёў) аштрафаваная судом Слуцкага раёну актывістка Зінаіда Цімошак паводле артыкулу аб «парушэньні парадку арганізацыі правядзеньня сходаў».

23.12.2013 Апытанне “Intex-press”: “Навошта ідуць ў дэпутаты мясцовых саветаў?”

73% чытачоў сайта недзяржаўнай газеты “Intex-press” лічаць, што ў дэпутаты людзі ідуць, каб вырашаць свае асабістыя пытанні і толькі 2,6 % лічаць, што дэпутатамі становяцца, каб вырашаць мясцовыя праблемы і абараняць інтарэсы выбаршчыкаў.

23.12.2013 Прысуд Аляксандру Грунову будзе вынесены заўтра

Падыходзіць да канца паўторнай слуханне па справе Грунова. Да гэтага яму ўжо быў вынесены смяротны прысуд, але Вярхоўны суд накіраваў справу на паўторны разгляд.