Праваабарончы цэнтр «ВЯСНА»

Навіны за Сьнежань 2013

27.12.2013 Прэвентыўны арышт напярэдадні акцыі "Стоп падатак"

27 снежня суд Заводскага раёна пакараў актывіста НПБ Дзмітрыя Паліенку 15 суткамі адміністратыўнага арышту за "дробнае хуліганства". Актывіст з'яўляецца адміністратарам суполкі "Стоп падатак" у сацыяльнай сетцы "УКантакце".

27.12.2013 Гродзеншчына: у тэрытарыяльныя камісіі прадстаўнікоў апазіцыі не ўключылі

Фарміраванне Гродненскай гарадской і абласной выбарчых камісій прайшло 27 снежня без усялякіх нечаканасцяў і сенсацый, адзначаюць праваабаронцы Раман Юргель і Віктар Сазонаў. Вылучэнцы ад апазіцыйных партый у камісіі не патрапілі.

27.12.2013 Баранавіцкая гарадская камісія створана за 4 хвіліны

Баранавіцкая гарадская выбарчая камісія складаецца з 13 сяброў: 2 партыйцы і 5 ад грамадскіх арганізацый, 3 ад працоўных калектываў і 3 шляхам збору подпісаў. Колькасць усіх пададзеных кандыдатур у склад гарадской камісіі не агалошвалася, а зацверджаныя кандыдатуры не абмяркоўваліся.

27.12.2013 «Талерантная журналістыка» ад сеткі міратворчых арганізацый

Навагодні падарунак журналістам падрыхтавала Усходне-Еўрапейская Сетка грамадскіх міратворчых арганізацый – брашуру «Талерантная журналістыка», якая запрашае чытачоў разам з аўтарамі паразважаць пра прынцыпы сацыяльна адказнай журналістыкі.

27.12.2013 Жодзіна: зменаў у фармаванні гарадзкой камісіі па выбарах у мясцовыя Саветы дэпутатаў не адбылося

На агульным паседжанні прэзыдыумаў Жодзінскага гарадзкога Савета дэпутатаў і Жодзінскага выканаўчага камітэту 26 снежня адбылося паседжанне па фармаванні раённай выбарчай камісіі і зацверджанне кандыдатур у склад Жодзінскай гарадзкой камісіі па выбарах у мясцовыя Саветы дэпутатаў.

27.12.2013 Салігорск: працэдура ўтварэння тэрытарыяльнай выбарчай камісіі засталася таямніцай

Сябру БХК Леаніду Мархотка ўдалося патрапіць на паседжанне па ўтварэнні Салігорскай раённай выбарчай камісіі, аднак прынцып яе фармавання і прозвішчы абраных членаў камісіі для грамадскасці засталіся таямніцай.

26.12.2013 У Магілёве актывіст АГП атрымаў трое сутак зняволення

Сёння, 26 снежня, Антон Касцоў пайшоў у Кастрычніцкі РАУС Магілёва для разбіральніцтва з нагоды забранага ў яго на кватэры падчас ператрусу ноўтбука, аднак з міліцыі хлопец больш не выйшаў. Акрамя таго, стала вядома, што хлопцам тэрмінова зацікавіўся ваенкамат і пажадаў яго адправіць на зборы.

26.12.2013 Мазыр: на паседжанне па фарміраванні раённай камісіі праваабаронцу не пусцілі

«Як толькі я сёння зайшоў у выканкам, каб трапіць на паседжанне і толькі распрануў паліто, як прыйшла начальнік аддзелу арганізацыйна-кадравай працы райвыканкаму Вераніка Байкова і ўручыла мне ліст, дзе было напісана ад імя Мазырскага райсавету дэпутатаў, што на паседжанні мне прысутнічаць нельга», - паведаміў Уладзімір Целяпун.

26.12.2013 Брэсцкая абласная камісія: з 13 сябраў – 3 партыйцы, у тым ліку і ад БНФ

Увогуле, было прапапанававана 18 кандыдатур, якіх вылучалі грамадскія аб'яднанні (8 чалавек) , палітычныя партыі (6 чалавек), а таксама грамадзяне шляхам падачы заяў (3 чалавекі) і працоўныя калектывы (1 чалавек).

26.12.2013 У мінчаніна за акцыю "Стоп- падатак" забралі BMW

У мінчаніна Дзмітрыя Прыгарава падчас акцыі "Стоп-падатак" 20 снежня на праспекце Незалежнасці супрацоўнікі Цэнтральнага РУУС забралі аўтамабіль BMW абсалютна свавольным чынам - без усялякіх тлумачэнняў і складання адпаведных дакументаў.

26.12.2013 Вынікі-2013: Палітыка і правы чалавека

Сайт Радыё "Свабода" падвынікаваў у лічбах становішча ў галіне правоў чалавека ў Беларусі за 2013 год па такіх паказчыках, як рэйтынг прэзыдэнта, выбар грамадзянаў паміж аб'яднаньнем з Расеяй і ўступленьнем ў ЭЗ, колькасьць сьмяротных прысудаў, колькасьць палітвязьняў, адміністратыўны перасьлед і затрыманні журналістаў.

26.12.2013 27 сьнежня — новая акцыя кіроўцаў супраць падатку на аўто

«Мы правядзем акцыю пратэсту супраць увядзеньня падатку на аўто 27 сьнежня ў 18.00!» — гаворыцца ў новаўтворанай групе, якая зьявілася «уКантакце» замест выдаленай суполкі напярэдадні.

26.12.2013 Баранавічы: пікет супраць карупцыі мясцовых чыноўнікаў (фота)

У Баранавічах 26 снежня Мікалай Чарнавус арганізаваў пікет супраць карупцыі мясцовых чыноўнікаў. Арганізатар пікету трымаў у руках плакат “Старшыні Дзічкоўскі, Язубец – непатапляемыя. Старшыня аблвыканкама Сумар абмануў Прэзідэнта. Карупцыянер у парламенце. Ганьба!!!”

26.12.2013 The Economist: у Беларусі высокія рызыкі сацыяльных хваляванняў у 2014 годзе

Часопіс The Economist аднёс Беларусь да групы краін з высокімі рызыкамі ўзнікнення сацыяльных хваляванняў у 2014 годзе. Пра гэта гаворыцца ў апублікаваным часопісам даследаванні цэнтра Economist Intelligence Unit (EIU).

26.12.2013 “Разважанні пра гільяціну” Альбера Камю

«Злачынцу забіваюць, бо гэта рабілася на працягу стагоддзяў, але, зрэшты, забіваюць яго спосабамі, устаноўленымі ў канцы XVIII стагоддзя. Як звычайна, паўтараюць аргументы, якія былі на працягу стагоддзяў, рызыкуючы ўступіць у супярэчнасць з мерамі, прыняцце якіх становіцца непазбежным у сувязі з грамадскай эвалюцыяй у кірунку міласэрнасці».