Праваабарончы цэнтр «ВЯСНА»

Навіны за Жнівень 2013

20.08.2013 У Беларусі заблакаваны доступ да сайту Святланы Алексіевіч

Ужо больш за 10 дзён сайт alexievich.info не адчыняецца ў Беларусі.

20.08.2013 Уладзіміра Яроменку асудзілі на 3 месяцы арышту за парушэнне правілаў прэвентыўнага нагляду (адноўлена)

19 жніўня ў судзе Першамайскага раёна Мінска праходзіў суд над былым палітвязнем, актывістам “Маладога фронту” Уладзімірам Яроменкам. Пракурор запрасіў паўгады арышту. Прысуд будзе абвешчаны 20 жніўня ў 9-45.

20.08.2013 З урачом Ігарам Пастновым у псіхіятрычным шпіталі няма сувязі

Неўзабаве пасля чарговага відэазвароту на youtube.com , дзе Ігар Пастноў крытыкаваў працу віцебскіх медустановаў, яго змясцілі ў псіхіятрычны шпіталь. Дзе, дарэчы, ён і сам працуе ўрачом-псіхіятарам. Мабільны тэлефон у яго адразу забралі.

20.08.2013 Праваабарончая праграма “Людзьмі звацца!” на Беларускім Радыё Рацыя

“Хроніка пераследу”: аб праблемах, з якімі сутыкаюцца маладыя спецыялісты, чаму ў Бабруйску затрымалі лідара АГП Анатоля Лябедзьку і калі будзе разгледжаная касацыя палітвязня Андрэя Гайдукова. "Асоба. Дзяржава. Грамадства": госць рубрыкі - гісторык і выкладчык з Гародні Алесь Краўцэвіч.

20.08.2013 Салігорск: змаганне з незаконнымі пагрозамі аб унясенні ў спісы "невыязных" працягваецца

У спрэчцы паміж мясцовым прадстаўніком Беларускага Хельсінскага камітэту Леанідам Мархоткам і КУП “Разлікова-касавы цэнтр г.Салігорска” пракуратура Мінскай вобласці ўстала на бок дзяржаўнага прадпрыемства. Цяпер гэта называецца “мерай прафілактычнага характару ў адносінах да ўсіх плацельшчыкаў”.

20.08.2013 Мазыр: ананімныя працаўнікі аўтапарку просяць праваабаронцу не распаўсюджваць улёткі

Мазырскі праваабаронца Уладзімір Целяпун 18 жніўня атрымаў па пошце ліст ад невядомых супрацоўнікаў мясцовага аўтобуснага парку №2. На канверце і ў самім лісце няма ніводнага прозвішча і пасады супрацоўнікаў, але зваротны адрас пазначаны як аўтапарк.

20.08.2013 Свіныя бунты ў Бярозаўскім раёне працягваюцца (фота)

Другой вёскай, якая не пагадзілася на знішчэнне свінога пагалоўя, сталі Кабакі. Людзі накіравалі скаргі ў Адміністрацыю прэзідэнта, пракуратуру Бярозаўскага раёна, а таксама ў Бярозаўскі райвыканкам. Людзі выказваліся вельмі эмацыйна, з натоўпу ляцела ненарматыўная лексіка.

19.08.2013 Магілёўскія праваабаронцы абскардзілі забарону пікета ў падтрымку Алеся Бяляцкага

Адпаведную заяву ў суд Ленінскага раёна Магілёва падалі Барыс Бухель і Аляксей Колчын. Яны хочуць, каб суд прызнаў незаконным і адмяніў рашэнне кіраўніка спраў Магілёўскага гарвыканкама Ігара Аўсеенкі, які адмовіў у правядзенні пікетавання 5 жніўня 2013 года.

19.08.2013 Бялынічы: пададзена заяўка на пікет супраць замежных вайсковых баз

Бялыніцкія актывісты Партыі БНФ 19 жніўня падалі ў мясцовы райвыканкам заяўку на правядзенне пікету супраць размяшчэння на тэрыторыі Рэспублікі Беларусь замежных вайсковых баз і вайсковых аб’ектаў.

19.08.2013 Рэчыцкі дэпутат па-ранейшаму ігнаруе звароты грамадзян

Прадпісанне раённай пракуратуры на адрас старшыні Рэчыцкага раённага Савета дэпутатаў не дапамагло актывістам кампаніі “Гавары праўду!” высветліць пытанне наконт фарміраванная мясцовага бюджэта. Пра гэта паведаміў актывіст кампаніі, рэчыцкі прадпрымальнік Алег Шабетнік.

19.08.2013 У Астраўцы праходзяць слуханні наконт беларускай АЭС

Абмеркаванне справаздачы аб ацэнцы ўздзеяння на навакольнае асяроддзе (АУНА) Беларускай АЭС з удзелам літоўскіх грамадзян праходзіць 17 жніўня ў Астраўцы (Гродзенская вобласць), дзе ўзводзіцца атамная станцыя.

19.08.2013 Марына Адамовіч: Уся турма крычала «Жыве Беларусь»

Дзень нараджэння палітвязня Мікалая Статкевіча традыцыйна адсвяткавалі феерверкам каля сцен турмы.

19.08.2013 Сакратароў судовых пасяджэнняў навучаць правільна афармляць інфармацыйныя стэнды

Праваабаронца Міхаіл Мацкевіч накіраваў скаргу ў суд Цэнтральнага раёна г. Мінска ў сувязі з тым, што не знайшоў на інфармацыйным стэндзе інфармацыю аб адкрытым судовым пасяджэнні.

19.08.2013 Жлобінскія ўлады працягваюць знішчаць паркі і дрэвы (фота)

Жлобінскія ўлады перад “Дажынкамі-2013” працягваюць секчы зялёныя насаджэнні: гэтым разам былі знішчаныя дрэвы ў раёне паркавай зоны па вуліцы Карла Маркса. Толькі за выходныя былі ссечаны некалькі дзесяткаў яблынынь, а таксама старыя бярозы, акацыі, таполі.

19.08.2013 Дэпартамент выканання пакаранняў не знайшоў падставаў для адмены спагнанняў Алесю Бяляцкаму

Упраўленне дэпартамента па Магілёўскай вобласці пасля праведзенай праверкі прызнала пазбаўленне Алеся Бяляцкага чарговай перадачы, а таксама права на чарговае доўгатэрміновае спатканне законнымі.