Праваабарончы цэнтр «ВЯСНА»

Навіны за Жнівень 2013

22.08.2013 Былы дэпутат Клімавіцкага райсавета за крадзёж атрымаў штраф 30 базавых

Суд Клімавіцкага раёна ў адкрытым паседжанні разгледзеў крымінальную справу па абвінавачванню былога дэпутата Клімавіцкага райсавета Сяргея Аўхіменка ў здзяйсненні злачынства, прадугледжанага ч. 1 арт. 210 Крымінальнага кодэкса Рэспублікі Беларусь (крадзёж шляхам злоўжывання службовымі паўнамоцтвамі).

22.08.2013 У беларускіх хакейных клубаў – рознае стаўленне да роднай мовы

"Адказ з наваполацкага хакейнага клубу быў, калі параўноўваць з адказамі з іншых клубаў, да якіх звярталіся з такімі ж пытаннямі, больш якасным і грунтоўным, і ў ім чыталася шчырае жаданне і цікавасць у вырашэнні праблемы, разуменне складанай сітуацыі, у якой знаходзіцца як беларуская мова, так і беларускі хакей у сённяшні час".

22.08.2013 Суд накіраваў Ігара Пастнова на прымусовае лячэнне

У суд Віцебскага раёну, які прыняў рашэнне пра прымусовае псіхіятрычнае лячэнне для Ігара Пастнова, яго самога не прывезлі, не было на працэсе і адваката. У яго ёсць 10 дзён, каб абскардзіць накіраванне суду.

22.08.2013 Індывідуальныя прадпрымальнікі аб'явілі страйк

Сёння, 27 чэрвеня, у Беларусі абвешчаная забастоўка індывідуальных прадпрымальнікаў. Калі беларускія ўлады не прыслухаюцца да іх патрабаванняў, камерсанты не выключаюць магчымасці правядзення маршу пратэсту.

22.08.2013 Лекар Пасноў, якога зьмясьцілі ў псыхушку, абвясьціў галадоўку

Віцебскаму лекару Ігару Паснову не даюць магчымасьці абскардзіць рашэньне суда аб прымусовым лячэньні ў псыхіятрычным шпіталі.

22.08.2013 Нацыянал-бальшавікоў прысудзілі да штрафаў

22 жніўня ў судзе Цэнтральнага раёна г. Мінска завяршылася судовае пасяджэнне па абвінавачанні нацыянал-бальшавікоў Яўгена Контуша і Дзмітрыя Паліенка па артыкуле 23.34 КаАП (парушэнне парадку арганізацыі або правядзення масавых мерапрыемстваў).

22.08.2013 Мікалай Статкевіч нарэшце пачаў атрымліваць лісты і віншаванні

Да палітзняволенага, былога кандыдата ў прэзідэнты Мікалая Статкевіча ў рэшце рэшт пачалі даходзіць віншаванні з днём нараджэння і іншыя лісты, - паведамляе жонка палітыка Марына Адамовіч. Раней пасланні амаль цалкам блакаваліся ў Магілёўскай турме №4.

22.08.2013 Палітвязню Пракапенку вярнулі прадуктовыя перадачы

Начальства Магілёўскай калоніі №15 зняла забарону на прадуктовыя перадачы для Арцёма Пракапенкі. Пра гэта паведаміў яго бацька Анатоль Пракапенка.

22.08.2013 Прызначаныя даты разгляду касацыйных скаргаў праваабаронцаў “Вясны” ў Менгарсудзе

Прызначаныя даты разгляду касацыйных скаргаў праваабаронцаў ПЦ “Вясна” Тацяны Рэвякі і Уладзіміра Лабковіча на рашэнне суда Савецкага раёна Менска, паводле якога іх прызналі вінаватымі ў парушэнні арт.23.34 КаАП і пакаралі штрафам у памеры 3 млн. рублёў кожнага. Учора яны атрымалі па пошце адпаведныя паведамленні.

22.08.2013 Суд не агучвае свае рашэнне наконт прымусовага лячэння Ігара Пастнова

У судзе Віцебскага раёна 21 жніўня разглядалі магчымасць прымусовага псіхіятрычнага лячэння ўрача Ігара Пастнова. Высновы суда застаюцца таямніцай, але Ігар Пастноў па-ранейшаму не выходзіць на сувязь. Ёсць падставы меркаваць, што з псіхіятрычнай бальніцы яго не адпусцілі.

21.08.2013 Вярхоўны суд лічыць гомельскія суды некампетэнтнымі

Літаральна год, са жніўня 2012 і па цяперашні час, шукаў праўды ў судах мазырскі праваабаронца Уладзімір Целяпун. Праз суд ён абскарджваў рашэнне Мазырскага райвыканкаму «Аб масавых мерапрыемствах», паколькі лічыць, што дадзенае рашэнне не адпавядае заканадаўству і парушае правы грамадзян.

21.08.2013 Лідэраў «ГейБеларусі» выклікалі на "гутарку" ва Упраўленне па наркакантролі і супрацьдзеянні гандлю людзьмі

16 жніўня намеснік старшыні праваабарончага праекту «ГейБеларусь» Максім Дзмітрыеў быў выкліканы ў Упраўленне па наркакантролі і супрацьдзеянні гандлю людзьмі крымінальнай міліцыі МУС.

Павел Сапелка аб прэвентыўным наглядзе: «Караецца не злачынства, а нежаданне прадэманстраваць лаяльнасць паліцэйскім патрабаванням»

21.08.2013 Павел Сапелка аб прэвентыўным наглядзе: «Караецца не злачынства, а нежаданне прадэманстраваць лаяльнасць паліцэйскім патрабаванням»

Вынікам такога спецыфічнага клопату аб вызваленых з месцаў пазбаўлення волі асуджаных у Беларусі стала ўсталяванне за апошнія гады росту рэцыдыўнай злачыннасці на фоне павелічэння колькасці асоб, у дачыненні да якіх устаноўлены прэвентыўны нагляд.

21.08.2013 Ці лячыць Ігара Пастнова прымусова, вырашыць суд

Віцебскі ўрач-псіхіятар апынуўся на лячэнні ў псіхіятрычным шпіталі пасля апошняга відэавыступу, адрасаванага землякам. Лекары-псіхіятары двойчы збіраліся на кансіліўмы адносна Пастнова, і 21 жніўня яго павезлі ў суд Віцебскага раёну – каб прыняць пастанову пра прымусовае лекаванне.

21.08.2013 Вярхоўны суд падтрымаў адмову Мін’юста зарэгістраваць «Маладых дэмакратаў».

Вярхоўны суд Беларусі адмовіў у задавальненьні скаргі на адмову Міністэрства юстыцыі ў рэгістрацыі моладзевага грамадзкага аб’яднаньня «Маладыя дэмакраты».