Праваабарончы цэнтр «ВЯСНА»

Навіны за Студзень 2013

22.01.2013 Зацемкі з няволі. Пра паэзію веры і надзеі

З лістоў Алеся Бяляцкага з бабруйскай калоніі. "Знаёмая з Наваполацку Ірына Ж. напісала мне: “Я падумала, наколькі інакш перажываюць людзі, якія вераць Богу, усе непаразуменьні, няшчасьці, усю брыдоту, што абрушваецца на іх”. Яна чалавек назіральны, пісьменьніца, і з ёй цяжка не пагадзіцца. Яна даслала мне кнігу вершаў польскага паэта-сьвятара Яна Твардоўскага..."

22.01.2013 У Клімавічах затрымалі дэпутата райсавета?

Па словах жыхароў Клімавіч, якія выпадкова сталі сведкамі падзеі, затрымалі дэпутата райсавета Аўхіменку на вуліцы перад уваходам у арганізацыю, дзе ён працуе. Невядома, прадстаўнікі якой сілавой структуры яго затрымлівалі, бо супрацоўнікі праваахоўных органаў былі ў цывільным.

22.01.2013 Сябры Партыі БНФ паскардзіліся ў пракуратуру на галоўнага архітэктара Віцебска

У заяве гаворыцца пра перспектыўнае будаўніцтва Палаца ўрачыстых абрадаў. Рашэнне пабудаваць яго ў раёне гістарычнай забудовы партыйцы лічаць супрацьзаконным. І бачаць парушэнне правоў грамадзян у тым, што падобныя праекты не выносяцца на грамадскае абмеркаванне, а прымаюцца "кулуарна і непразрыста".

22.01.2013 Баранавічы: аддзел культуры не даў памяшканне для сустрэчы з гісторыкам Анатолем Тарасам

Начальнік аддзела культуры гарвыканкама Генадзь Чарняўскі напісаў ў сваім адказе, што “у планах масавай работы цэнтральнай бібліятэчнай сістэмы Вашы мерапрыемствы не прадугледжаны. У сувязі з вышэй сказаным, даць памяшканне для правядзення мерапрыемстваў пабочным арганізацыям (!!!) немагчыма.”

22.01.2013 “А будзе ў нас вольнасьць, якой не было...”. Да 150-ых угодкаў паўстаньня 1863 году

Cярод “белых плямаў” айчыннае гісторыі паўстаньне 1863 году ледзь ня сама неасьветленае. Паўстаньне 1863 году ў сьведамасьці нават больш-менш зацікаўленых разглядаецца праз міталягічную прызму савецкай па часе і расейскай па сутнасьці гістарыяграфіі. Якія ж стэрэатыпы характэрныя для гэтай канцэпцыі разгляду паўстаньня?

22.01.2013 Праваабарончая праграма “Людзьмі звацца!” на Радыё Рацыя

“Падзея тыдня”: дакументальную кнігу журналіста "Радыё Свабода" Валерыя Каліноўскага "Справа Бяляцкага" шырока прэзентуюць у розных гарадах Беларусі. “Асоба. Грамадства. Дзяржава”: госця рубрыкі актывістка “Маладога фронту” і жонка палітвязня Змітра Дашкевіча Наста Дашкевіч – пра апошнія навіны з жыцця свайго мужа ў засценках гарадзенскай турмы №1.

22.01.2013 Ці адкажуць чыноўнікі за «сьпіс невыязных»?

Маскоўскі суд Менску разгледзеў 21 студзеня пазоў старшыні юрыдычнай камісіі БХК Гары Паганяйлы да шэрагу дзяржаўных органаў аб кампэнсацыі маральнай шкоды з-за неправамернага ўнясеньня яго ў сьпісы невыязных з краіны. Рашэньне будзе агучана 23 студзеня.

21.01.2013 Зацемкі з няволі. Cловы падтрымкі ад сваякоў палітвязняў

З лістоў Алеся Бяляцкага з бабруйскай калоніі. "Найбольш уважліва я стаўлюся да лістоў сваякоў былых і цяперашніх палітзьняволеных. Хоць і пішуць яны часам вельмі лаканічна, але я з асаблівай увагаю прачытваю гэтыя радкі, напісаныя жонкамі, матулямі, бабулямі. Пішуць жанчыны..."

21.01.2013 Маніторынг падзей пасля парламенцкіх выбараў 2012

Маніторынг падзей пасля выбараў дэпутатаў Палаты прадстаўнікоў Нацыянальнага сходу Рэспублікі Беларусь пятага склікання

21.01.2013 Шклоўскі раён: гучныя кампаніі не зніжаюць злачыннасці

Таксама паказальна - нягледзячы на тое, што, па афіцыйных звестках, узровень беспрацоўя ў Шклоўскім раёне складае менш за 0,5% і імкліва набліжаецца да нуля, амаль 60% зарэгістраваных на тэрыторыі раёна ў 2012 годзе злачынстваў і іншых правапарушэнняў здзейснена непрацуючымі асобамі. Парадокс.

21.01.2013 Шэйман прызначаны кіраўніком справамі прэзідэнта

Адпаведны загад Лукашэнка падпісаў сёння, вызваліўшы Віктара Шэймана ад пасады памочніка прэзідэнта па асаблівых даручэннях.

21.01.2013 Ці палегчаць змены ў заканадаўстве працу грамадскіх арганізацый і партый?

Ужо ўвесну Палата прадстаўнікоў збіраецца разгледзець законапраект аб унясенні зменаў

21.01.2013 Бабруйск: Распранальні на Вадохрышча – толькі для міліцыі

"Я чуў, як некаторыя жанчыны прасіліся ў супрацоўнікаў лодачнай станцыі, каб іх пусцілі перапрануцца. Але ім адмовілі. Калі з будынка пачалі выходзіць мужчыны ў “купальных касцюмах”, людзі пачалі пытаць, хто гэта, і чаму ім дазволілі пераапрануцца ў камфортных умовах. Аказалася, гэта былі супрацоўнікі міліцыі".

21.01.2013 Гомельскія праваабаронцы зноў звярнуліся да міністра ўнутраных спраў па «цыганскаму пытанню»

Пры маніторынгу газеты «На страже» за шэсць апошніх месяцаў праваабаронцы выявілі артыкулы, якія, на іх погляд, абражаюць нацыянальную годнасць цыганоў. Гэтыя артыкулы пад загалоўкамі «Цыганка. Пазалаціла ручку», «Цыганкі. Зазірнулі ў госці» і іншыя.

21.01.2013 У цэнтры Віцебска ўзнялі нацыянальны сцяг у гонар Каліноўскага

Сябра КХП-БНФ Сяргей Каваленка з Віцебска паведаміў, што 20 студзеня а 18 гадзіне патрыёты Вялікага Княства Літоўскага - Беларусі ўзнялі бел-чырвона-белы сцяг у цэнтры Віцебска ў гонар 150-годдзя нацыянальна-вызвольнага паўстання Кастуся Каліноўскага: