Праваабарончы цэнтр «ВЯСНА»

Навіны за 24 ліпеня 2012

24.07.2012 БРСМ ідзе на новыя выбары пад старым лозунгам

У Мінску ўжо з’явіліся білборды з заклікам “Зрабі свой выбар”. Гэты лозунг выкарыстоўваўся на прэзідэнцкіх выбарах-2010, калі БРСМ падтрымліваў кандыдатуру Аляксандра Лукашэнкі.

24.07.2012 У Ваўкавыску зарэгістраваная група графа Прушынскага

На паседжанні акруговай камісіі Ваўкавыскай выбарчай акругі № 48 зарэгістраваныя тры ініцыятыўныя групы ў падтрымку вылучэння кандыдатаў у дэпутаты. Сярод іх - група графа Аляксандра Прушынскага, пенсіянера, які пражывае ў Мінску.

24.07.2012 На Магілёўшчыне колькасць выбарчых участкаў зменшылася на 30

На Магілёўшчыне ўтворана 809 выбарчых участкаў. У параўнанні з мінулымі парламенцкімі выбарамі іх колькасць зменшылася на 30. На скарачэнне ўчасткаў паўплывала негатыўная дэмаграфічная сітуацыя і новае адміністрацыйна-тэрытарыяльнае дзяленне.

24.07.2012 Гомельская вобласць: Сайты раёнак байкатуюць выбары

Напрыклад, інфармацыя ў Рагачоўская раённай газеце «Свабоднае слова» – узор лаканічнасці: «на паседжанні акруговай камісіі разглядаліся тры заявы аб рэгістрацыі ініцыятыўных груп... былі зарэгістраваны дзве групы».

24.07.2012 У раёнках Гомельшчыны працягваецца датэрміновы “піяр”

Яшчэ адзін патэнцыйны «рагачоўскі» кандыдат - дэкан эканамічнага факультэта Гомельскага дзяржаўнага ўніверсітэта імя Францыска Скарыны Уладзіслаў Шчэпаў датэрмінова распавёў пра сябе выбарцам на старонках Кармянскай «Зары над Сожам».

24.07.2012 У Гомелі збіраюць подпісы за бясплатны Wi-Fi у цэнтры горада

Актывісты грамадзянскай кампаніі «Наш дом» пачалі збор подпісаў у рамках моладзевай акцыі «Гомель-Сonnect».

24.07.2012 Бяляцкі ня выведзены з шэрагу «злосных парушальнікаў»

Жонка палітвязьня Алеся Бяляцкага Натальля Пінчук расказала «Свабодзе», што днямі быў атрыманы адказ з упраўленьня Дэпартамэнту пакараньняў па Магілёўскай вобласьці на скаргу, накіраваную ў Дэпартамэнт выкананьня пакараньняў МУС Беларусі.

24.07.2012 Мінск: Зарэгістраваны ініцыятыўныя групы Янукевіча, Мілінкевіча і Лябедзькі

Старшыня ПБНФ Аляксей Янукевіч вылучаецца ў сталічнай Аўтазаводзкай акрузе № 92, лідэр руху «За свабоду» Аляксандр Мілінкевіч за дэпутацкае крэсла збіраецца змагацца ва Уручскай акрузе № 109. Ініцыятыўныя групы па вылучэнні кандыдатам у дэпутаты лідэра АГП Анатоля Лябедзькі зарэгістраваныя адразу ў трох акругах Мінска.

24.07.2012 Салігорск: збіраць подпісы будуць толькі кандыдаты ад уладаў

У панядзелак 23 ліпеня на Салігоршчыне была зарэгістравана апошняя ініцыятыўная група. Агулам па двух Салігорскіх выбарчых акругах ажыццяўляць збор подпісаў будуць чатыры каманды прэтэндэнтаў на кандыдатства. Усе яны з’яўляюцца прадстаўнікамі уладаў.

24.07.2012 Баранавічы: Назіральнік абскардзіць дзеянні старшыні акруговай камісіі Латышавай

Пасля завяршэння 23 ліпеня другога пасяджэння камісіі Баранавіцкай-Заходняй выбарчай акругі № 5 назіральнік Сяргей Гоўша звярнуўся да яе старшыні Таццяны Латышавай з просьбай паглядзець пратакол №1 пасяджэння камісіі. У гэтым яму было адмощлена ў катэгарычнай форме.

24.07.2012 Жыхарка Маладзечна патрабуе прыцягнуць да адказнасці суддзю

Ужо паўгады Алеся Садоўская адстойвае свае правы, звяртаючыся ў мясцовыя і рэспубліканскія органы ўлады. Гэтым разам яна падала скаргу ў Маладзечанскую пракуратуру на незаконныя дзеянні суддзі Інэсы Южык.

24.07.2012 Слуцк: Абласны суд разгледзіць скаргу па скандальнай справе пра рыдлёўкі

На 6 жніўня ў Менскім абласным судзе прызначаны разгляд касацыйнай скаргі грамадскай актывісткі Зінаіды Цімошак, якую суд Слуцкага раёна абавязаў сплаціць дэпутатам 2 мільёны 800 тысяч рублёў за маральны ўрон.

24.07.2012 Пінск: да сельскай акругі дадаліся 19 выбарчых участкаў

Паколькі ў Пінскую сельскую выбарчую акругу №15 уваходзіць частка горада, рашэнне аб утварэнні выбарчых участкаў прымае Пінскі гарвыканкам. Раней газета “Палеская праўда” паведаміла аб утварэнні 68 участкаў для галасавання ў Пінскім раёне, такім чынам агульная іх колькасць дасягнула 87.

24.07.2012 Праваабарончая праграма “Людзьмі звацца!” на Радыё Рацыя

Госць рубрыкі "Асоба. Дзяржава. Грамадства" – каардынатар праграм Міжнароднага праваабарончага руху Канстанцін Баранаў з Расіі - распавядзе, як у міжнароднай супольнасці ўзнікла ідэя абвяшчэння 4 жніўня Днём салідарнасці з грамадзянскай супольнасцю і праваабарончым рухам Беларусі.

24.07.2012 Прысуд Парфянкову пакінулі ў сіле, але прымусова лячыць ад алкагалізму ня будуць

Касацыйная скарга грамадскага актывіста Васіля Парфянкова на прысуд аб арышце на 6 месяцаў за невыкананне ўмоваў прэвентыўнага нагляду, устаноўленага судом (артыкул 421 КК РБ) пакінутая без задавальненьня.