Праваабарончы цэнтр «ВЯСНА»

Навіны за Лістапад 2011

24.11.2011 Чэхія заклікае РБ спыніць рэпрэсіі

«Міністэрства замежных справаў Чэскай Рэспублікі шакаванае рашэньнем суду пакараць Алеся Бяляцкага, старшыню беларускага праваабарончага цэнтру «Вясна» чатырма з паловай гадамі зьняволеньня.

24.11.2011 Андрэю Падаляку прысудзілі штраф

Сёння, 24 лістапада, у магілёўскім судзе разглядалася справа бабруйскага актывіста Моладзі БНФ Андрэя Падаляка. Нагадаем, што маладога чалавека міліцыянты затрымалі позна вечарам нібыта за нецэнзурную лаянку і потым здзекваліся з яго ў аддзяленні.

24.11.2011 Дэпутаты бундэстага: працэс і прысуд над Бяляцкім - пагроза для ўсяго беларускага грамадства

Сумесную заяву з нагоды прысуду Алесю Бяляцкаму 24 лістапада зрабілі віцэ-спікер бундэстага Катрын Герынг-Экардт і дэпутат Марылуізэ Бэк ад імя фракцыі партыі «Саюз90/Зялёныя». «Прысуд вядомаму праваабаронцу Алесю Бяляцкаму – фарс з юрыдычнага пункту гледжання і трагедыя - з чалавечага», - гаворыцца ў заяве.

24.11.2011 Рада Еўропы: Бяляцкі павінен быць вызвалены без усялякіх умоваў

Рада Еўропы асуджае прысуд, вынесены Алесю Бяляцкаму. Пра гэта гаворыцца ў заяве генеральнага сакратара арганізацыі Турб'ерна Ягланда.

24.11.2011 Афіцыйны Парыж шакаваны прысудам Бяляцкаму

Афіцыйны Парыж шакаваны прысудам суда па справе беларускага праваабаронцы Алеся Бяляцкага і зноў заклікае неадкладна яго вызваліць. Аб гэтым заявіў афіцыйны прадстаўнік МЗС Францыі Бернар Валеро.

24.11.2011 Эштан і Фюле: Беларусь папоўніла сьпіс палітвязьняў

Мая Кацыянчыч, прэсавы сакратар вярхоўнага прадстаўніка Эўразьвязу ў пытаньнях зьнешняй палітыкі і палітыкі бясьпекі Кэтрын Эштан, сказала нашаму радыё ў сувязі з прысудам Алесю Бяляцкаму.

24.11.2011 Упаўнаважаны па правах чалавека ўраду Нямеччыны патрабуе вызваленьня Бяляцкага

Упаўнаважаны па правах чалавека ўраду Нямеччыны Маркус Ленінг патрабуе вызваленьня беларускага праваабаронцы Алеся Бяляцкага.

24.11.2011 “Перліна” беларускай праваабарончай супольнасці асуджаны да чатырох з паловай гадоў пазбаўлення волі

“Гэты прысуд з'яўляецца ганьбай для Еўропы, і мы ўсе павінны аб’яднацца ў нашым асуджэнні рэжыму Беларусі, - заявіў генеральны сакратар НХК Б’ёрн Энгесланд. - Еўрапейскія лідэры, у тым ліку нарвежскі ўрад, павінны запатрабаваць неадкладнага вызвалення Бяляцкага”.

24.11.2011 Саннікаў у калоніі пад Віцебскам. Адваката зноў не пусцілі

Адвакат не змог сёння сустрэцца з Андрэем Саннікавым ў калоніі «Віцьба-3». Па словах начальніка калоніі, з якім змог пагаварыць адвакат, кандыдат у прэзідэнты Андрэй Саннікаў на два тыдні змешчаны ў так званы карантын і сустрэча з адвакатам немагчымая.

24.11.2011 Бабруйчане патрабуюць свабоду Бяляцкаму і палітвязням

У Бабруйску ў апошнія часы даволі часта праходзяць стыхійныя міні-акцыі ў падтрымку палітвязняў. У розных раёнах горада, у асноўным на жылых дамах з’яўляюцца партрэты вязняў сумлення. Сябры “Маладых дэмакратаў” не пабаяліся выйсці на вуліцу з нацыянальным сцягам і партрэтамі Алеся Бяляцкага, Андрэя Саннікава і Яўгена Васьковіча.

24.11.2011 30 лістапада будуць судзіць Тацяну Севярынец і Ірыну Яскевіч

Віцебскіх актывістак вінавацяць у правядзенні несанкцыянаванага масавага мерапрыемства -- Народнага сходу 8 кастрычніка. Каб давесці справу да суду, супрацоўнікам міліцыі давялося двойчы перапісваць адміністрацыйныя пратаколы.

24.11.2011 Дзейны старшыня АБСЭ заклікаў вызваліць Бяляцкага ды іншых палітвязьняў

Дзейны старшыня Арганізацыі бясьпекі і супрацоўніцтва ў Эўропе (АБСЭ), літоўскі міністар замежных спраў Аўдронюс Ажубаліс выказаў глыбокую трывогу з нагоды выраку беларускаму праваабаронцу Алесю Бяляцкаму.

24.11.2011 У Салігорску міліцыя шукае распаўсюднікаў інфармацыі аб палітвязнях

Пасля публікацыі ў сеціве інфармацыі аб правядзенні пікета пад вокнамі суда Алега Бахту пачала расшукваць мясцовая міліцыя. На дадзены момант сувязь з самім актывістам адсутнічае, але, па словах яго паплечнікаў, ён не быў затрыманы.

24.11.2011 У Гародні пачаўся “перапіс службоўцаў”

У некаторых дзяржаўных установах Гародні пачаўся невытлумачальны перапіс службоўцаў. Кіраўнікі выклікаюць сваіх падначаленых з пашпартам і запаўняюць на іх адмысловую анкету. У ёй сярод іншага наступныя пытанні: якія і колькі замежных візаў у пашпарце, якім чынам яны рабіліся, колькі разоў чалавек выязджаў за мяжу і з якой мэтай, ці мае ён “карту паляка”.

24.11.2011 Брэсцкія ўлады забаранілі правядзенне пікетаў у рамках акцыі "За чыстае паветра»

Пікеты планаваліся на 25, 26 і 27 лістапада, каб прыцягнуць увагу грамадскасці горада да праблемы смуроду. Выклікае здзіўленне той факт, што у лісце пра забарону пікетаў улады узгадваюць пра зусім іншыя тэрміны правядзення акцыі і ў зусім іншых месцах.