Праваабарончы цэнтр «ВЯСНА»

Навіны за 24 сакавіка 2011

24.03.2011 Анджэю Пачобуту забаранілі выезд з Беларусі

Пра гэта журналіст даведаўся, калі паспрабаваў трапіць на канферэнцыю «Як дэмакратызаваць Беларусь?», якая прайшла сёння ў Варшаве.

24.03.2011 Затрыманага ў Оршы галоўрэда расійскага інфармагенцтва «Свабода» даставілі ў суд

Аляксандр Лашманкін накіроўваўся ў ноч на 24 сакавіка ў Мінск на цягніку Чалябінск — Брэст. Супрацоўнікі беларускага МУС знялі яго на станцыі Орша. Гэта першы прыпынак пасля мяжы.

24.03.2011 Актывістаў Віцебшчыны папярэджваюць пра недапушчальнасьць ўдзелу ў забароненых акцыях

Віцебскага каардынатара руху “За свабоду” Хрыстафора Жаляпава выклікалі на прафілактычную гутарку ў Чыгуначны РАУС. Яўгену Пальчэўскаму кіраўніцтва сельгаспрадпрыемства, на якім ён працуе, загадала перапыніць адпачынак і 25 сакавіка абавязкова выйсці на працу.

24.03.2011 Суд па справе Мікіты Ліхавіда пераносіцца на 29 сакавіка

Чарговае судовае паседжанне па справе пачнецца а 10-й гадзіне 29 сакавіка ў судзе Партызанскага раёну Мінска. Суд перанесены ў сувязі з неяўкай адваката па прычыне хваробы дзіцяці. Прапанову скарыстацца паслугамі іншага адваката Мікіта Ліхавід не прыняў.

24.03.2011 “Пошта салідарнасці”: усім палітвязням – віншаванне з Днём Волі

Актывісты “Гавары праўду!” Магілёўскай вобласці ў межах кампаніі “Пошта салідарнасці” ажыццяўляюць абыход кватэр і прапаноўваюць жыхарам далучыцца да акцыі салідарнасці і даслаць віншавальную паштоўку са словамі падтрымкі палітычным вязням.

24.03.2011 З бабруйскімі актывістамі правялі “прафілактычную размову”

Намеснік начальніка УУС бабруйскага гарвыканкама Сяргей Малішэўскі правёў вечарам 23 сакавіка “прафілактычную размову” з некалькімі бабруйскімі актывістамі. Некалькі чалавек выклікалі 25 сакавіка ў 16.30 да начальніка падаткавай інспекцыі.

24.03.2011 Актывіст з Асіповічаў піша аповесць аб падзеях на Плошчы

Дэмакратычны актывіст з Асіповічаў Ігар Сімбіроў зараз заняты працай над напісаннем дакументальнай аповесці, у якой ён распавядае аб падзеях, што адбываліся напярэдадні, падчас і пасля мітынгу на плошчы Незалежнасці.

24.03.2011 Уладзімір Малей: “Станоўчыя вынікі працы – натхняюць”

Пра тое, як працуюць і якімі справамі ў рэгіёнах займаюцца абаронцы правоў чалавека, распавядае вядомы на Берасцейшчыне праваабаронца Уладзімір Малей.