Праваабарончы цэнтр «ВЯСНА»

Навіны за 3 лістапада 2010

03.11.2010 Орша: Вынікі фармавання ўчастковых камісій - таямніца за сям'ю пячаткамі

Таямніцаю за сям'ю пячаткамі засталася інфармацыя пра тое, ці патрапілі ў склад камісій прадстаўнікі апазіцыі. Прысутнаму на паседжанні першаму сакратару Аршанскай гарадской партыі «Справядлівы свет» Мікалаю Дзямідаву параілі атрымаць гэтую інфармацыю з мясцовай газеты

03.11.2010 Драгічын: Прадстаўнікі палітычных партый - у мінімуме

Ва ўчастковыя выбаркамы ўключаны пяць з шасці вылучаных прадстаўнікоў ад КПБ і двое - ад Партыі БНФ (было вылучана 5 чалавек). Партыйныя вылучэнцы будуць працаваць толькі ў камісіях, створаных непасрэдна ў раённым цэнтры.

03.11.2010 Аршанскі раён: Працэдура дэмакратычная, але апазіцыя за бортам УВК

Практычна ўсе галасаванні былі аднагалоснымі, праходзілі без абмеркавання кандыдатур, а за бортам, як і варта было чакаць, засталіся прадстаўнікі апазіцыі. Усе чацвёра адхіленых кандыдатаў прадстаўляюць партыю левых «Справядлівы свет».

03.11.2010 Праваабаронцы атрымалі палёгку на 500 тысяч рублёў

Калегія Магілёўскага абласнога гаспадарчага суду зьменшыла на 500 тысяч рублёў камунальныя даўгі Магілёўскага праваабарончага цэнтру. Камунальнікі праз суд намагаюцца спагнаць з праваабаронцаў 13 мільёнаў 658 тысяч рублёў запазычанасьці за арэнду сядзібы.

03.11.2010 Камітэт па правах чалавека зарэгістраваў чарговую скаргу з Віцебска

Напрыканцы верасня бягучага году Камітэт па правах чалавека ААН зарэгістраваў пад №1987/2010 скаргу грамадскага актывіста з Віцебска Анатоля Стамброўскага. Адзначым, што больш за 70% скаргаў віцяблянаў у Камітэт па правах чалавека ААН тычацца забароны ці перашкодаў з боку ўладаў у правядзенні палітычнымі ці грамадскімі актывістамі масавых мерапрыемстваў - шэсцяў, мітынгаў і пікетаванняў.

03.11.2010 “Сваякі маюць права маліцца за нябожчыка і пахаваць яго па царкоўных канонах”

Сьвятар Беларускай праваслаўнай царквы, які пажадаў не называць сваё імя, пракаментаваў адмову Дэпартамента па выкананьні пакараньняў МУС, аддаць маці пакаранага растрэлам Андрэя Жука цела яе забітага сына, каб яна магла пахаваць яго па праваслаўным звычаяў, але і паведаміць, дзе ён пахаваны”.

03.11.2010 Віцебскае “Народнае слова” тыражуе памылку ЦВК

У апошнім нумары газеты размешчана паведамленне пра тое, колькі подпісаў здалі патэнцыйныя кандыдаты на прэзідэнцкую пасаду. Колькасць подпісаў, сабраных за Някляева, пададзена няправільна. Памылка трапіла на старонкі газеты ўжо пасля таго, як ЦВК прызнаў: выпадкова аказаліся няўлічанамі менавіта 32 005 подпісаў, сабраныя ў Віцебскай вобласці.

03.11.2010 Шклоў: Апазіцыянераў ва ўчастковых камісіях не будзе

Як распавёў назіральнік Міхаіл Кучарэнка, прадстаўнікі альтэрнатыўных прэтэндэнтаў у кандыдаты і апазіцыйных палітычных партый і грамадскіх арганізацый у склад участковых выбарчых камісій у Шклоўскім раёне не вылучаліся.

03.11.2010 Мазыр: Ва ўчастковыя камісіі трапілі ўсяго чатыры апазіцыянеры

Разглядала кандыдатуры створаная пры райвыканкаме “працоўная група”. “Адкуль узялася гэтая структура ні на сайце выканкама, ні ў мясцовай прэсе раней не паведамлялася. Гэтая “працоўная група “ падрыхтавала праект рашэння па ўтварэнні ўчастковых выбарчых камісій ў Мазырскім раёне. Дакумент загадзя быў падрыхтаваны і з ім можна было азнаёміцца перад пачаткам паседжання”, – паведаміў назіральнік Уладзімір Целяпун.

03.11.2010 Баранавічы: Назіральнік Сяргей Гоўша накіраваў скаргу ў ЦВК

На думку Сяргея Гоўшы, Баранавіцкая ТВК парушае адзін з галоўных прынцыпаў правядзення выбараў – прынцып адкрытасці і галоснасці, штучна ствараючы перашкоды для ажыццяўлення назіральнікам сваіх паўнамоцтваў.

03.11.2010 Слонім: На паседжанні па фармаванні УК не пажадалі бачыць незалежнага журналіста

За 10 хвілін да пачатку паседжання журналіст незалежнай “Газеты Слонімскай” патэлефанаваў кіруючай справамі Слонімскага райвыканкама Алене Мачалінай і папрасіў дазволу папрысутнічаць на паседжанні па фармаванні ўчастковых камісій. Але спадарыня Мачаліна сказала, што паседжанне ўжо ідзе, таму журналіст на яго спазніўся. Хаця да пачатку паседжання заставалася яшчэ 10 хвілін.

03.11.2010 У Верхнядзвінскім і Гарадоцкім раёнах вызначыліся з месцамі для агітацыі

У Верхнядзвінску, на думку мясцовай актывісткі Валянціны Болбат, месцы для сустрэч з кандыдатамі вызначаныя нязручна. А актывіст з Гарадка Леанід Гаравы звяртае ўвагу на тое, што на ўвесь райцэнтр вызначана адзінае месца – плошча Леніна - дзе кандыдатам прапанавана сустракацца з электаратам. Для жыхароў аддаленых мікрараёнаў гэта не дужа зручна.

03.11.2010 ЦВК паслядоўна не знаходзіць парушэнняў заканадаўства падчас збору подпісаў за Лукашэнку

Канфлікт у Азёрах узнік тады, калі адзін з прадстаўнікоў мясцовага СВК загадаў падначаленым прынесці пашпарты і збіраў подпісы за Лукашэнку ў працоўны час. Больш таго, у падпісных лістах было прозвішча іншага сябра ініцыятыўнай групы.

03.11.2010 Менгарвыканкам адмовіў у правядзеньні 7 лістапада пікета за перайменаваньне станцыі метро "Плошча Леніна"

Адказ папярэднюю заяву атрымаў 2 лістапада кіраўнік Менскай гарадзкой арганізацыі "Малады Фронт" Эдуард Лобаў. Суб'екты моладзевай кааліцыі "Новае Пакаленьне" меліся правесьці 7 лістапада, у гадавіну бальшавіцкага перавароту, на плошчы Незалежнасьці пікет са зборам подпісаў за перайменаваньне станцыі мэтро "Плошча Леніна".

03.11.2010 Мазыр: Выбарчая камісія не знайшла хібаў толькі ў подпісах за Лукашэнку

Па інфармацыі Уладзіміра Целяпуна, 20% подпісаў былі адабраны загадзя сакратаром камісіі і перададзены сябрам камісіі для праверкі ў асобным кабінеце без удзелу назіральніка.