19.07.2010 Сяргея Каваленку суд апраўдаў упершыню

Віцебскага актывіста, які адбывае пакараньне ў ізалятары часовага ўтрыманьня і галадуе на знак пратэсту, у пятніцу прывозілі ў Першамайскі раённы суд.

17.07.2010 Сёмая спроба “Брэсцкай вясны“

Праваабарончае грамадскае аб’яднанне “Брэсцкая вясна” правяла чарговы ўстаноўчы сход, на якім былі выпраўлены хібы, вызначаныя абласным упраўленнем юстыцыі.

16.07.2010 Абласны суд пакінуў у сіле апраўдальны прысуд верніку Дзмітрыю Смыку

Гомельскі абласны суд 16 ліпеня разгледзеў пратэст пракуратуры на рашэнне суда Цэнтральнага раёна, які апраўдаў чальца абшчыны "Сведкі Іеговы" Дзмітрыя Смыка па артыкуле 435 Крымінальнага кодэкса (ухіленне ад прызыву).

16.07.2010 Інмакулада Гансалес: “Тукам падчас арышту страціў 40 кілаграмаў вагі”

Позна ўвечары 15 ліпеня галкіпер нарвежскай каманды па футзалу IOF Гі Франсуа Тукам дабраўся да Іспаніі. Урэшцэ завяршыўся паўтарамесяцовы бязглузды арышт чалавека, які не здзейсьніў аніякага злачынства.

16.07.2010 Прызначана дата разгляду касацыйнай скаргі Яўгена Якавенкі

23 ліпеня Гомельскі абласны суд будзе разглядаць касацыйную скаргу на прысуд Яўгену Якавенку, вынесены судом Цэнтральнага раёна Гомеля. Пачатак судовага паседжання – 9.30 раніцы.

16.07.2010 Кіма аштрафавалі за "падушкі"

Суд Першамайскага раёна Менска аштрафаваў актывіста Андрэя Кіма за “бой падушкамі” на 17 500 рублёў.

16.07.2010 За падушкі -- затрыманьне

Увечары 15 ліпеня падыходы да Нацыянальнай бібліятэкі ў Менску кантралявалі людзі ў цывільным. Яны затрымлівалі тых, у каго аказвалася з сабой падушка, і вялі у міліцэйскія аўтобусы. Агулам затрымалі каля 70 чалавек з тых, хто хацеў паўдзельнічаць у "бітве падушкамі", прымеркаванай да 600-годдзя Грунвальдзкай бітвы і не дазволенай гарадзкімі ўладамі.

15.07.2010 Адвакат Панамарова падаў хадайніцтва аб спыненні крымінальнай справы супраць актывіста

Сёння, 15 ліпеня, дэмакратычны актывіст з Клецка Сяргей Панамароў наведаўся ў пракуратуру Менскай вобласці. Выдаўцу незалежнага бюлетэня “Бойкі Клецк” паведамілі, што следства па крымінальнай справе супраць яго скончана і азнаёмілі з абвінавачваннем у абразе прадстаўнікоў улады. Пра гэта паведаміў адвакат Панамарова Павел Сапелка.

15.07.2010 Праваабаронцы – супраць дыфамацыйных артыкулаў Крымінальнага кодэкса

Улады Беларусі павінны прывесці дыфамацыйныя артыкулы Крымінальнага кодэкса ў адпаведнасць з міжнароднымі стандартамі ў галіне свабоды прэсы і свабоды выказванняў. Такі заклік з боку праваабаронцаў прагучаў сёння на круглым стале “Сітуацыя ў медыяпрасторы Беларусі напярэдадні прэзідэнцкай кампаніі: рэаліі і перспектывы”. Вядомыя беларускія журналісты, праваабаронцы і палітыкі збіраліся, каб дамовіцца пра выпрацоўку агульнай стрэтэгіі ўзаемадзеяння падчас выбараў.

15.07.2010 Далучыцца да петыцыі за адмену сьмяротнага пакараньня можа кожны

У 2009 годзе стартавала кампанія "Праваабаронцы супраць сьмяротнага пакараньня", мэтай якой ёсьць спыненьне сьмяротнай кары ў краіне і далучэньне Беларусі да агульнаеўрапейскіх каштоўнасьцяў. Прадстаўнікі праваабарончай супольнасьці краіны падрыхтавалі адпаведную петыцыю. Гэты зварот за подпісамі вядомых беларускіх дзеячоў і праваабаронцаў 10 сьнежня 2009 году, у Міжнародны дзень правоў чалавека, быў перададзены ў Адміністрацыю Прэзідэнта Рэспублікі Беларусь і Парламент. Зараз збор подпісаў працягваецца і кожны грамадзянін Беларусі можа далучыцца да петыцыі. Ініцыятары кампаніі спадзяюцца, што ўлады Беларусі пяройдуць да рашучых дзеяньняў, накіраваных на спыненьне выкананьня сьмяротных прысудаў.

15.07.2010 Алесю Ясюк затрымалі за еўрастужачкі

Сёньня ў Менску супрацоўнікі міліцыі затрымалі актывістку “Еўрапейскай Беларусі” Алесю Ясюк. Зараз яна знаходзіцца ў РУУСе Заводскага раёна сталіцы.

14.07.2010 Пратэстанцкі пастар просіць Мінюст праверыць прафесійную якасць суддзі

13 ліпеня актывіст аргкамітэта Партыі БХД, пастар пратэстанцкай царквы "Новае пакаленне" з Навагрудку Ўладзімір Качагур адправіў заяву ў Мінюст.

Ён папрасіў праверыць на прафесійную прыдатнасць суддзю Валер'я Раманоўскага. Раней суддзя аштрафаваў пастара на 700 тысяч рублёў за нібыта праведзеныя па яго месцы жыхарства набажэнствы.

14.07.2010 Каваленку пакаралі дысцыплінарнай ізаляцыяй

8 ліпеня віцебскага актывіста Сяргея Каваленку падверглі дысцыплінарнай ізаляцыі на 10 сутак па пастанове Першамайскага РУУСа Віцебску. Зараз ён адбывае пакаранне ў Ізалятары часовага ўтрымання.

14.07.2010 Заўтра адбудзецца допыт Сяргея Панамарова ў абласной пракуратуры

15 ліпеня дэмакратычнага актывіста з Клецка, выдаўца незалежнага бюлетэня "Бойкі Клецк" Сяргея Панамарова выклікаюць на допыт у Менскую абласную пракуратуру. Па словах сп.Панамарова, ён будзе пераведзены са статуса падазраванага ў статус абвінавачанага, пра што ён даведаўся ад пракурора.

14.07.2010 Вялейскі інтэрнэт-рэсурс вінавацяць у "абразах" і "паклёпах"

Указ № 60, якім ад 1 ліпеня рэгулюецца нацыянальны сэгмэнт сеткі Інтэрнэт, яскрава дэманструе ўсю двухсэнсоўнасьць дэкляраванага "дзяржаўнага клопату" пра беларускіх інтэрнэт-карыстальнікаў. Цягам толькі першага тыдня апрабаваныя розныя спосабы ўзьдзеяньня на сайты, якія патэнцыйна трапляюць у шэраг "нядобранадзейных". Сярод першых мішэняў — "Хартыя-97", "Віцебскі кур'ер" і рэгіянальны рэсурс vialejka.org.