Праваабарончы цэнтр «ВЯСНА»

Навіны за Красавік 2010

25.04.2010 Полацк: Дзіўная еднасць пры датэрміновым галасаванні

Трохі дзіўным чынам размеркаваліся галасы выбаршчыкаў пры асобным падліку вынікаў датэрміновага і асноўнага галасавання ў Полацку.

25.04.2010 Магілёў: Дэмакрат перамог на 2 з 9 участкаў

У Магілёве кандыдат у дэпутаты ў абласны Савет дэпутатаў па Машэкаўскай выбарчай акрузе №34 ад аргкамітэта “Партыі Свабоды і Прагрэса” Юры Стукалаў перамог на 2 з 9 выбарчых участка. Пра гэта паведаміў адзін з лідэраў партыйнага аргкамітэта Алесь Сілкоў.

25.04.2010 Магілёў: Пратаколы з вынікамі галасаванняў спачатку вязуць у адміністрацыі раёнаў

“Каля будынка адміністрацыі шмат народа, - гаворыць Аляксей, - стаіць міліцэйскі кардон. Унутр адміністрацыі прапускаюць толькі кіраўніцтва ўчастковых выбарчых камісій з усімі дакументамі. Супрацоўнікі міліцыі правяраюць па спісу тых, хто прыйшоў здаваць дакументы”.

25.04.2010 Берасце: назіральніку не дазвалялі сачыць за падлікам галасоў

Кандыдат у дэпутаты і праваабаронца Уладзімір Вялічкін падчас падліку галасоў на выбарчым участку ў гарадской сярэдняй школе № 10 спрабаваў ўпэўніцца ў тым, што агучаныя лічбы адпавядаюць рэчаіснасці. Аднак зрабіць гэта яму не далі.

25.04.2010 Брэст: Пусты выніковы пратакол загадзя падпісаны ўсімі сябрамі камісіі

На выбарчым участку № 113 па Брэсцкай выбарчай акрузе № 16 (СШ №35) давераная асоба кандыдата ў дэпутаты Ігара Маслоўскага Сяргей Срэднікаў зафіксаваў, што пусты выніковы пратакол быў загадзя падпісаны ўсімі сябрамі выбарчай камісіі, за выключэннем старшыні.

25.04.2010 Бабруйск: Кандыдата не пусцілі на падлік галасоў

Кандыдата ад БСДП “Грамада” Андрэя Стасяловіча, які балатуецца па Гімназічнай выбарчай акрузе № 29, не пусцілі на падлік галасоў на двух участках – №№ 84 і 85.

25.04.2010 Бяроза: Кандыдат персанальна сачыў за галасаваньнем сваіх працаўнікоў

На выбарчым участку №6 Бярозаўскай-Ленінскай акругі №6 практычна на працягу ўсяго часу галасаваньня знаходзіўся кандыдат у дэпутаты Гоган В.А., хаця згодна выбарчага заканадаўства такога права ў кандыдатаў няма.

25.04.2010 Кандыдату не дазволілі бачыць падлік галасоў

Калі падлік пачаўся, кандыдат падышоў да стала бліжэй, але старшыня камісіі загадала яму вярнуцца на вызначае месца, а калі М. Уласевіч сказаў, што адтуль нічога не відаць, паклікала супрацоўніка міліцыі.

25.04.2010 Салігорск: Тэрытарыяльная камісія выдаліла назіральніка Леаніда Мархотку

Назіральніка Леаніда Мархотку выдалілі з паседжаньня Салігорскай раённай тэрытарыяльнай выбарчай камісіі.

25.04.2010 Мазыр: Акруговая камісія “раптоўна” пераехала

Акруговая выбарчая камісія ў 20.00 “раптоўна” - без аніякага папярэджання кандыдатаў у дэпутаты, іх давераных асобаў, выбаршчыкаў - памяняла месца знаходжання. З памяшкання сярэдняй школы № 5 па вул.Палеская, 22 камісія перабралася ў кабінет №202 райвыканкама. Пра гэта паведаміў кандыдат у дэпутаты Гомельскага абласнога Савета, сябра Партыі БНФ Уладзімір Целяпун.

25.04.2010 Менск:Вынікі раздзельнага падліку галасоў не абвяшчаюцца

Старшыня ўчастковай камісіі Мікалай Чэрнік катэгарычна адмовіўся абвяшчаць вынікі раздзельнага падліку галасоў: асобна датэрміновага галасавання, галасавання на даму і ў дзень асноўнага галасавання. Пасля гэтага ён на вачах назіральнікаў занатаваў пад тэлефонную дыктоўку лічбы і працэнты.

25.04.2010 Магілёў: Праваабаронцу Аляксея Колчына выдалілі з выбарчага участка

“Калі пачаўся падлік галасоў я ўстаў і падыйшоў бліжэй, каб бачыць працэдуру падліку, - гаворыць Аляксей, - старшыня выбарчай камісіі загадаў мне заняць месца для назіральнікам, на што я адказаў, што там нічога не бачна”. Пасля таго як Аляксей адмовіўся падпарадкавацца жаданню старшыні выбарчай камісіі той загадаў супрацоўніку міліцыі выправадзіць яго з участка.

25.04.2010 Магілёў: За паўгадзіны да сканчэння галасавання пачалі падлічваць нявыкарыстаныя бюлетэні

У Магілёве на выбарчым участку №59, што ўваходзіць у склад Педагагічнай выбарчай акругі №13 па выбарах дэпутатаў у гарадскі Савет дэпутатаў, невыкарыстаныя бюлетэні пачалі падлічваць за паўгадзіны да сканчэння галасавання.

25.04.2010 Мікалай Лазавік – назіральніку: Калі вас не пусцяць у тэрытарыяльную камісію, то яны будуць мець рацыю

Патэлефанаваўшы 24 красавіка ў Цэнтрвыбаркам, назіральнік распавёў Лазавіку, як яго раней не пускалі ў дзень галасавання ў тэрытарыяльную камісію, заяўляючы, што ён можа прысутнічаць назіральнікам у дзень выбараў толькі на пасяджэнні тэрытарыяльнай камісіі. Далей Сяргей Гоўша выказаў сваё меркаванне наконт таго, што праца камісіі па прыёму выбарчых бюлетэняў і пратаколаў з участкаў і праводзіцца ў рэжыме пасяджэння. А інакш - як яна можа прымаць пратаколы і галасаваць аб прыняцці ці непрыняццці гэтых дакументаў? Таму назіральнік і запытаўся, якога меркавання ў гэтым пытанні прытрымліваецца М.Лазавік.

25.04.2010 Менск: У спісе для галасавання на даму было чатыры нябожчыкі

Назіральніку Аляксею Хадыку ад Партыі БНФ на 73-м выбарчым участку Мірашнічэнкаўскай выбарчай акругі № 43 Савецкага раёна Менску ўдалося далучыцца да адной з дзвюх групаў членаў камісіі, якія выйшлі са скрынкамі на галасаванне на даму, на якое па словах старшыні камісіі, было пададзена 120 заяў, аб чым сведчыў адпаведны спіс.