Праваабарончы цэнтр «ВЯСНА»

Навіны за Сакавік 2010

24.03.2010 Бабруйск: На 40 месцаў у гарсавеце – 94 прэтэндэнты

На дэпутацтва ў Бабруйскім гарадскім Савеце прэтэндуюць 94 чалавекі. З іх шляхам збору подпісаў вылучаліся 27 кандыдатаў, ад працоўных калектываў – 55, ад палітычных партыяў – 10. Такая інфармацыя пададзена са словаў сакратара гарадской выбарчай камісіі Яўгена Кушнарова ў № 24 газеты "Бабруйскае жыццё" ад 24 сакавіка. Якім “таемным шляхам” вылучаліся яшчэ два кандыдаты, у выданні не паведамляецца.

24.03.2010 Кандыдатамі зарэгістраваныя сябры незалежнага прафсаюзу

Як паведаміў прадстаўнік Беларускага прафсаюзу працаўнікоў радыёэлектроннай прамысловасці (РЭП) па Менскай вобласці Мікалай Пахабаў, у Жодзіна ў якасці кандыдатаў у дэпутаты гарадскога Савета зарэгістраваныя два сябры незалежнага прафсаюзу - Аляксандр Валчанін і Аляксандр Камароўскі.

24.03.2010 Ідэалогія забудовы горада змянілася

Мінгарвыканкам: 8000 грамадзян адкрыта выказаліся супраць зносу прыватнага сектара

24.03.2010 Рэпартаж з суду над праваабаронцамі

У судзе Ленінскага раёну Менска прайшлі працэсы над праваабаронцамі, затрыманымі ўчора ля прэзыдэнцкай адміністрацыі. Справы Алеся Бяляцкага, Ірыны Тоўсьцік і Валянціна Стэфановіча разглядалі розныя судзьдзі.

24.03.2010 Самасейка пра сьмяротнае пакараньне

Нядаўняе выкананьне двух сьмяротных прысудаў актуалізавала праблему гэтага пакараньня, якая зьяўляецца адным са спрэчных момантаў у дыялёгу паміж Беларусьсю і Эўразьвязам.

24.03.2010 Баранавічы: Выбаркам “маральна рыхтуе” дэмактывістаў да нерэгістрацыі

Старшыня камісіі Юрый Шасцярнёў неаднаразова намякаў патэнцыйным кандыдатам Рыгору Грыку, Мікалаю Чарнавусу ды іншым, што ў іх няправільна складзена дэкларацыя пра прыбыткі, ці на тое, што яны сваёю рукою ставілі дату ў падпісных лістах, не называючы, праўда, прозвішчы людзей.

24.03.2010 Суд над Янам Міхайлавым адбудзецца 26 сакавіка

Перагляд крымінальнай справы моладзевага актывіста Яна Міхайлава за ўхіленьне ад службы ў войску прызначаны на пятніцу, 26 сакавіка, а 16 гадзіне ў судзе Менскага раёну.

24.03.2010 Міліцыя папярэджвае перад Днём Волі

Сёньня раніцай супрацоўнік Савецкага РАУС Гомелю наведаў кватэру мясцовага правабаронцы Анатоля Паплаўнага, але гаспадара кватэры дома не было. Тады міліцыянт запытаўся ў жонкі, ці не паехаў той у Менск. Пачуўшы ў адказ, што яшчэ не паехаў, супрацоўнік міліцыі папрасіў перадаць, каб праваабаронца заставаўся дома.

24.03.2010 Акцябрскі: Гендырэктар “Гомельхлебпраму” супраць кандыдата са “Справядлівага свету”

24 сакавіка ў г. п. Акцябскі адбылася рэгістрацыя кандыдатаў у дэпутаты Гомельскага аблсавета. Кандыдатамі зарэгістраваны генеральны дырэктар дзяржаўнага прадпрыемства “Гомельхлебпром” Н. Верамеева і прадстаўнік партыі “Справядлівы свет” С. Міхальчанка.

24.03.2010 У Магілёве затрыманыя нямецкія валанцёры

Як паведамілі мясцовыя правабаронцы, сёньня раніцай у педінстытуце Магілёву былі затрыманыя нямецкія валанцёры Зольвай Шорыс і Сюзана Паўль, якіх студэнты запрасілі на сустрэчу. Міліцыянты даставілі іх у Ленінскі РАУС па абвінавачанню ў незаконнай дзейнасьці. Валанцёркі прыехалі ў Беларусь каля 5-ці месяцаў таму на запрашэнне Фонду "Блакітныя берагі", грамадзскага аб'яднаньня, якое працуе з дзецьмі-інвалідамі з мастацікмі здольнасьцямі. Зараз старшыня фонду і дзьве грамадзянкі Нямеччыны знаходзяцца ў пастарунку. Зольвай Шорыс і Сюзане Паўль пагражае дэпартацыя.

24.03.2010 Жлобін: Прадстаўнікі “Справядлівага свету” дабіваюцца доступу да правасуддзя

Гомельскі абласны суд пакінуў без разгляду заяву з просьбай праверыць рашэнне Жлобінскага суда аб неўключэнні прадстаўніка партыі “Справядлівы свет” у Жлобінскую раённую выбарчую камісію.

24.03.2010 Пачаліся суды над праваабаронцамі

Пачаўся суд над праваабаронцамі. Судовы працэс над Алесем Бяляцкім праводзіць суддзя Надзея Навіцкая. Зараз абвешчаны перапынак у сувязі з заяўленым хадайніцтвам аб удзеле перакладчыка. Судовы працэс над Валянцінам Стэфановічам праводзіць суддзя суда Ленінскага раёну Менску па прозвішчы Хома.

24.03.2010 Скаргу заснавальнікаў газеты «Наш дом» да Мінінфармацыі адхілілі

Вышэйшы гаспадарчы суд адхіліў скаргу прыватнага ўнітарнага гандлёвага прадпрыемства «Витебский корунд» на Міністэрства інфармацыі, якое адмовілася разглядаць дакументы аб рэгістрацыі выдання «Наш дом».

24.03.2010 Больш як 181 тысяча жыхароў Беларусі знаходзяцца на наркалагічным уліку

Пра гэта 23 сакавіка на прэс-канферэнцыі ў Менску паведаміў начальнік упраўлення прафілактыкі галоўнага ўпраўлення аховы правапарадку і прафілактыкі міліцыі грамадскай бяспекі Міністэрства ўнутраны спраў Раман Мельнік.

24.03.2010 Салігорск: Першы этап рэгістрацыі -- 19 з 20 акругаў безальтэрнатыўныя

Незалежны прэтэндэнт Аляксей Валабуеў быў афіцыйна зарэгістраваны ў якасці кандыдата. Ён вылучаецца на адзінай акрузе, дзе будзе канкурэнцыя. У астатніх 19 акругах пераможцы ўжо фактычна вызначаныя.