Праваабарончы цэнтр «ВЯСНА»

Навіны за Сьнежань 2009

18.12.2009 Новая адміністрацыйная справа за ўсталяваньне крыжоў

Пракуратура Віцебскага раёну абвінаваціла старшыню віцебскай абласной суполкі Партыі БНФ Кастуся Смолікава ў самаўпраўстве — за ўсталяваньне памятных крыжоў пад вёскай Паляі.

18.12.2009 Баранавіцкія праваабаронцы паскардзіліся ў пракуратуру

У Баранавічах заяўнікі пікету, прымеркаванага да гадавіны прыняцця Усеагульнай дэкларацыі правоў чалавека, накіравалі скаргу ў пракуратуру на дзеянні Баранавіцкага гарвыканкама, які ў вызначаны законам тэрмін не даў адказу прадстаўнікам дэмакратычнага руху.

18.12.2009 З ЛГБТ-актывістамі суд хацеў разабрацца хутка?

Сяргей Прадзед, адзін з затрыманых за акцыю каля амбасады Ірана ў Менску, 17 снежня быў выкліканы ў Савецкі РАУС. Там актывісту паведамілі, што суд над ім мусіць адбыцца “сёння”. У пратаколе, складзеным пасля затрымання, значылася іншая дата – 26 снежня. Трое актывістаў ЛГБТ-руху былі затрыманыя 16 снежня за акцыю пратэсту супраць пакарання смерцю геяў у Іране.

18.12.2009 У Беларусі плануецца адмяніць адтэрміноўку ад прызыву на тэрміновую воінскую службу для завочнікаў

У Беларусі плануецца адмяніць адтэрміноўку ад прызыву на тэрміновую воінскую службу для завочнікаў. Гэта прадугледжана папраўкамі ў закон аб воінскім абавязку і воінскай службе, прынятымі Палатай прадстаўнікоў у першым чытанні 18 снежня.

18.12.2009 Саюз палякаў: новыя рэпрэсіі

Супрацоўнікі аддзела па барацьбе з эканамічнай злачыннасцю Валожынскага раённага аддзела ўнутраных спраў у межах праверкі праводзяць допыт кіраўніцтва Івянецкага аддзела саюза палякаў на Беларусі на чале з Анжалікай Борыс.

17.12.2009 Еўрапарламент: У Беларусі няма істотнага прагрэсу ў сферы правоў і свабод

Парламент Еўрапейскага саюза шкадуе, што пасля шэрагу станоўчых крокаў беларускіх уладаў у краіне няма істотнага прагрэсу ў сферы правоў і свабод. Пра гэта гаворыцца ў рэзалюцыі Еўрапарламента, прынятай 17 снежня большасцю галасоў, паведамілі БелаПАН у прэс-службе парламента ЕС.

17.12.2009 Супрацоўнік міліцыі пагражаў выкраданнем актывістцы Паліне Дзьякавай

Пагрозы аб выкраданні Паліна Дзьякава атрымала проста падчас акцыі салідарнасці 16 снежня на Кастрычніцкай плошчы Менска.

16.12.2009 Гары Паганяйла: "Нельга ставіць дзяржаву ва ўмовы, калі яна сама павінна здзяйсняць забойствы"

Гары Паганяйла, юрыст Рэспубліканскага праваабарончага грамадскага аб'яднання "Беларускі Хельсінскі камітэт", у межах кампаніі “Праваабаронцы супраць смяротнага пакарання ў Беларусі” агучыў свае аргументы супраць пакарання смерцю.

16.12.2009 Міхась Ільін атрымаў адказ з пракуратуры

Пракуратура Ленінскага раёна Берасця адмовіла маладафронтаўцу Міхасю Ільіну ва ўзбуджэнні крымінальнай справы супраць супрацоўнікаў міліцыі і асобы ў цывільным, якія нанеслі яму цялесныя пашкоджанні. Адказ падпісаны следчым пракуратуры Аляксандрам Ярошыкам.

16.12.2009 Дзяўчына Дубскага: Вельмі ўдзячная салідарным

16 снежня у Беларусі ды суседніх дзяржавах адзначаюць Дзень салідарнасці з сем’ямі зніклых палітыкаў, а таксама тымі, хто у нашай краіне за сваю грамадзянскую пазіцыю церпіць пераслед уладаў. У гэты марозны зімовы дзень 22-гадовы актывіст Маладога фронту Арцём Дубскі вымушаны знаходзіцца ў папраўчай калоніі ў Магілёве.

16.12.2009 Журналістку «Нашай Нівы» затрымалі ў Мінску пры асвятленні вулічнай акцыі

Сябру ГА «БАЖ», супрацоўніцу газеты «Наша Ніва» Настассю Шамрэй затрымалі 16 снежня каля пасольства Ірана ў Мінску (вул. Няжданавай, 28).

16.12.2009 Падатковая патрабуе з гомельскага актывіста 10 мільёнаў

Інспэкцыя падаткаў і збораў Савецкага раёну Гомелю пісьмова запатрабавала ад актывіста Руху «За свабоду» Ўладзімера Кацоры сплаціць 10-мільённы доўг за зьліквідаванае ўладамі яшчэ ў 2003 годзе грамадзкае аб’яднаньне «Грамадзянскія ініцыятывы». На той падставе, што Кацора быў прызначаны старшынём ліквідацыйнай камісіі.

15.12.2009 Яшчэ адна незарэгістраваная партыя

Вярхоўны суд Беларусі сёньня не задаволіў скаргу аргкамітэту ў справе стварэньня Беларускай партыі працоўных. Стваральнікі партыі спрабавалі абскардзіць дзеяньні Міністэрства юстыцыі, якое адмовілася гэту партыю зарэгістраваць. Пасьля трох дзён слуханьняў суд палічыў, што міністэрства не парушыла заканадаўства.

15.12.2009 Адзіны мітынг на ўсю Беларусь

Адзіны мітынг, прымеркаваны да 61-й гадавіне прыняцця Усеагульнай дэкларацыі правоў чалавека і Міжнароднаму дню правоў чалавека, афіцыйна адбыўся ў Берасці. На стадыёне “Лакаматыў”, які мясцовыя ўлады вызначылі адзіным месцам для правядзеньня масавых мерапрыемтваў 10 снежна сабралася некалькі дзесяткаў чалавек, сярод якіх прадстаўнікі незалежных прафсаюзаў, праваабаронцы, актывісты партый і рухаў.

15.12.2009 БХД накіроўвае ў суд зыск супраць БТ

Лідэры партыі «Беларуская хрысціянская дэмакратыя», якой на мінулым тыдні Мінюст у другі раз адмовіў у дзяржаўнай рэгістрацыі, намераныя бліжэйшым часам накіраваць яшчэ адзін зыск супраць Першага канала дзяржаўнага тэлебачання. Пра гэта прэс-службе ГА «БАЖ» паведаміў сустаршыня БХД, сябра рады БАЖ Павел Севярынец.