Праваабарончы цэнтр «ВЯСНА»

Навіны за 24 сьнежня 2009

24.12.2009 З Калядамі і Новым годам!

Шчыра віншуем усіх з Калядамі і Новым годам! Няхай з Калядным святым вечарам у Ваш дом прыйдуць добры настрой, надзеі на новыя цуды, дабрабыт, гармонія і спакой! Зычым, каб 2010-ы стаў для Вас годам, шчодрым на здароўе, шчасце, узаемаразуменне і сяброўскую падтрымку! Вясёлых святаў!

24.12.2009 «Грамадзянская супольнасьць - 2009»: Асамблея НДА Беларусі ўзнагародзіла выбітных актывістаў

Прадстаўнікі найбольш заўважных у 2009 годзе грамадзкіх ініцыятываў атрымалі сымбалічныя ўзнагароды ад Асамблеі Няўрадавых Дэмакратычных Араганізацыяў. Сярод ляўрэатаў – БХК, праваабарончы цэнтар «Вясна», прадстаўнікі суполкі «Жжысты - Кобрынскаму дзіцячаму дому», Незарэгістраваная арганізацыя Дзядоў Марозаў і Сьнягурак ды інш. Антыгероем імпрэзы адзінадушна быў прызнаны Мін'юст, які цалкам заслужана стаў пераможцам намінацыі «Нерэгістрацыя году».

24.12.2009 ЛГБТ-актывістаў пакаралі штрафамі

23 снежня суддзя суду Савецкага раёну Аксана Рэлява разгледзела адміністратыўныя справы актывістаў ЛГБТ-руху Сяргея Андросенкі і Сяргея Прадзеда. За акцыю пратэсту каля амбасады Ірана ў Менску, што ладзілася 16 снежня, актывістаў пакаралі штрафамі: С.Андросенку - у 25 базавых велічыняў (825 тыс.руб.), Сяргея Прадзеда – у 10 базавых велічыняў (350 тыс.руб.).

24.12.2009 З Беларусі высылаюць трох польскіх ксяндзоў

Святары павінны выехаць з Беларусі да канца года, таму што з імі не былі падоўжаныя кантракты. Як паведамляе «Польскае радыё» са спасылкай на «Gazeta Wyborcza», афіцыйнай прычынай «ссылкі» стала тое, што святары праводзілі службы на польскай мове.

24.12.2009 У. Лабковіч: Што насамрэч адбылося з выбарчым заканадаўствам?

“Пры любых, нават самых каардынальных зьменах, пры палітычнай волі ўлады магчымыя фальсыфікацыі выбараў. У сваю ж чаргу любое выбарчае заканадаўства дазваляе правесьці свабодныя і дэмакратычныя выбары. Таму ўсе залежыць ад практыкі прымяненьня выбарчага заканадаўства, якую мы пабачым на бліжэйшых мясцовых выбарах”. Юрыст Уладзімір Лабковіч аналізуе практыку прымянення выбарчага заканадаўства ў Беларусі.

24.12.2009 У Камітэце ААН па правах чалавека зарэгістраваная скарга гомельскіх актывістаў апазіцыі

У Камітэце ААН па правах чалавека зарэгістравана скарга гомельскіх актывістаў апазіцыі Аляксандра Процкі і Андрэя Толчына.

24.12.2009 Прызначаны суд па справе зялёнага Леніна

Hазгляд крымінальнай справы актывіста БХД Юрыя Казака адбудзецца ў Наваградку ў аўторак 29 снежня, пачатак у 10.00.

24.12.2009 Партрэт праваабаронцы

Газета "Новы час" змясціла артыкул Аляксандра Тамковіча, прысьвечаны беларускаму правабаронцу Алесю Бяляцкаму, з ініцыятывы якога была створана грамадская праваабарончая арганізацыя. Галоўнай яе задачай была салідарная падтрымка першых палітычных зняволеных. А яшчэ юрыдычная дапамога ахвярам палітычных рэпрэсій, збор і распаўсюд праваабарончай інфармацыі, прававая адукацыя.