Праваабарончы цэнтр «ВЯСНА»

Навіны за Верасень 2009

21.09.2009 Восьмая справа супраць выдаўца бюлетэню «Бойкі Клецк»

Супраць выдаўца бюлетэню «Бойкі Клецк», актывіста Руху «За свабоду» Сяргея Панамарова ў восьмы раз могуць распачаць крымінальную справу.

21.09.2009 Гомельскага журналіста зноў выклікаюць у пракуратуру

Незалежны журналіст з Гомеля, сябра ГА «БАЖ» Алег Ражкоў 18 верасня атрымаў позву ў Гомельскую абласную пракуратуру.

21.09.2009 “Дажынкі-2009”: каму - песні, каму - піва, а каму - кабінет следчага

Пад час рэспубліканскага фестывалю “Дажынкі-2009” у Кобрыне пры ўваходзе ў гарадскі парк быў затрыманы супрацоўнікамі наркакантроля Кобрынскага РАУС вядомы апазыцыянер Алесь Мех. Ён знаходзіўся там з 12-гадовым сынам Антонам.

21.09.2009 За ўсталяванне крыжоў – пад суд

19 верасня ў міліцыю выклікалі вілейскіх дэмактывістаў Уладзіміра Малерчука, Аляксея Сюдака і Алеся Наркевіча. На іх быў складзены пратакол аб адміністрацыйным правапарушэнні. Ім інкрымінуецца парушэнне Закону «Аб масавых мерапрыемствах» падчас усталявання крыжоў памяці рэпрэсаваных. На наступным тыдні справа будзе перададзена ў суд.

18.09.2009 Новы палітычны прызыўнік

21 верасьня актывіст "Маладога Фронту" Яўген Скрабец ідзе ў войска.

18.09.2009 Заява ГА “Беларуская асацыяцыя журналістаў” з нагоды грубых парушэнняў свабоды СМІ ў Мінску

ГА «Беларуская асацыяцыя журналістаў» пратэстуе ў сувязі з грубымі перашкодамі прафесійнай журналісцкай дзейнасці падчас акцый пратэсту 16 і 9 верасня і патрабуе прыцягнуць вінаватых да адказнасці.

18.09.2009 Эўразьвяз заклікаў беларускія ўлады спыніць разгоны дэманстрацыяў

Швэцыя, якая старшынюе зараз у Эўразьвязе, запатрабавала ад Менску спыніць гвалт супраць мірных дэманстрантаў.

17.09.2009 Мазырскі суд аштрафаваў праваабаронцу Паўла Ноздру

Мазырскі суд 16 верасня прызнаў праваабаронцу Паўла Ноздру вінаватым у парушэнні артыкула 28.5 КоАП (несвоечасовае прадастаўленне звестак у ваенкамат аб змяненні месца працы) і пакараў яго штрафам у памеры тры базавы велічыні (105 тыс. рублёў). Паводле версіі суда, малады чалавек у ліпені ўладкаваўся на новую працу і не паведаміў пра гэта ў ваенкамат.

16.09.2009 "Лібералізацыя" па-беларуску: нікога не судзіць, усіх затрымліваць і зьбіваць (Сьпіс, адноўлена)

Пад час мірнай акцыі, прымеркаванай да Дня салідарнасьці 16 верасьня на Кастрычніцкай плошчы Менска было затрымана больш за дваццаць чалавек. Пры затрыманьні і пазьней супрацоўнікі міліцыі моцна зьбівалі дэманстрантаў. Найбольш пацярпеў Мікалай Статкевіч.

16.09.2009 Масавы "хапун" у Гомелі

У Гомелі, непадалёку ад вуліцы Кірава пераапранутыя супрацоўнікі міліцыі прыкладна ў 16-40 накінуліся на групу гараджанаў, якія збіраліся прайсці ў цэнтр, і з выкарыстаннем фізічнай сілы закінулі іх ў аўтобус. Як паведаміў праваабаронца Анатоль Паплаўны, які таксама патрапіў у "варанок, " усіх іх павезлі ў Чыгуначны РАУС Гомеля. Прычыну затрыманьня нападаючыя не паведамляюць. Ніхто з іх не мае аніякіх апазнавальных знакаў. Затрымана прыкладна 15 чалавек.

16.09.2009 Затрымалі за расьцяжку

У Менску затрыманыя актывісты “Маладой Беларусі” Наста Машчава і Ягор Баброў. Яны вывешвалі расьцяжку “Свабоду палітвязьням” на Партызанскім праспэкце.

16.09.2009 Зьніклыя ў Беларусі

10 гадоў таму пры нявысьветленых абставінах ў Менску зьніклі палітык Віктар Ганчар і бізнэсовец Анатоль Красоўскі. Раней, 7 траўня 1999-га, зьнік былы міністар унутраных справаў Юры Захаранка. 7 ліпеня 2000 году зьнік тэлеапэратар Зьміцер Завадзкі.

16.09.2009 Вярхоўны суд пакінуў прысуд Сьвеціку бязь зьменаў

Віцебскі праваабаронца зьвярнуўся ў суд вышэйшай інстанцыі пасьля таго, як 16 ліпеня ў абласным судзе яго прызналі вінаватым у распальваньні міжнацыянальнай і рэлігійнай варожасьці.