09.06.2009 Адвакат Сапелка паскардзіўся ў пракуратуру на дзеяньні сьледчых у справе Аўтуховіча

Адвакат Мікалая Аўтуховіча Павал Сапелка падаў скаргу ў пракуратару Беларусі на дзеяньні сьледзтва ў справе ягонага падабароннага.

09.06.2009 "Зялёныя" абураныя масавым усыпленьнем сабак у Менску

Беларуская партыя "Зялёныя" (БПЗ) патрабуе ад Палаты прадстаўнікоў Нацыянальнага Сходу Беларусі тэрміновага прыняцця закона, які абараняе жывёл ад жорсткага абыходжаньня. Такое патрабаваньне ўтрымоўваецца ў рэзалюцыі цэнтральнай рады БПЗ.

09.06.2009 Андрэя Пачобута папярэдзіў пракурор

Сябра апальнага Саюза палякаў у Беларусі, журналіста Андрэя Пачобута выклікалі ў пракуратуру Гарадзенскай вобласці. Яму зачыталі афіцыйнае папярэджанне аб недапушчэнні парушэння заканадаўства Беларусі. Пачобута папярэдзілі аб тым, што ён не мае права прадстаўляцца старшынёй Галоўнай Рады «Саюза палякаў у Беларусі», а таксама афіцыйна забаранілі карыстацца сімволікай СПБ.

09.06.2009 10 чэрвеня – суд над праваабаронцам Леанідам Свецікам

Разгляд крымінальнай справы віцебскага праваабаронцы Леаніда Свеціка ў Віцебскім абласным судзе прызначаны на 10 чэрвеня. Суддзёй у гэтай справе прызначана Галіна Урбановіч. Леаніда Свеціка вінавацяць у распальваньні расавай, нацыянальнай ці рэлігійнай варожасьці па ч.1 арт. 130 Крымінальнага Кодэксу Рэспублікі Беларусь.

08.06.2009 “Сьмерць” гуляла па Нямізе ў атачэньні пераапранутых міліцыянтаў

У пятніцу, 5 чэрвеня некалькі валанцёраў Беларускага Хельсінскага камітэта спрабавалі правесьці ў Менску тэатралізаваны пэрформанс за адмену ў Беларусі сьмяротнага пакараньня.

08.06.2009 Новая спроба легалізацыі ГА "Союз Чарнобыль-Беларусь"

Кіраўніцтва грамадскага аб'яднання "Союз Чарнобыль-Беларусь" (Кіеў) будзе спрабаваць паўторна зарэгістраваць арганізацыю ў Беларусі. Такое рашэнне прынята 8 чэрвеня на пасяджэнні праўлення аб'яднання.

08.06.2009 Падаткавая супраць газэты «Борисовские новости».

9 чэрвеня ў Барысаве паўторна будзе слухацца адміністратыўная справа супраць выдаўца недзяржаўнай мясцовай газеты «Борисовские новости».

08.06.2009 Удзельнікаў акцыі ў Ваўкавыску пакаралі штрафамі

У Ваўкавыску скончыўся суд над удзельнікамі акцыі, якая адбылася 16 траўня. Тады сябры АГП з Гародні і Ваўкавыску, пры падтрымцы сяброў Грамадзянскага Форуму выйшлі на вуліцы гораду з павялічанымі здымкамі Аўтуховіча, каб прыцягнуць увагу грамадзкасці да яго справы і галадоўкі, якую той трымае ў турме.

08.06.2009 Яўгена Скрабца выпусцілі са шпіталя

У пятніцу ўвечары берасьцейскага маладафронтаўца Яўгена Скрабца адпусьцілі са шпіталя. Нагадаем, некалькі дзён назад міліцыянты і супрацоўнікі ваенкамата ля пад'езду затрымалі Яўгена Скрабца і гвалтам адвезьлі ў вабласны шпіталь на абсьледваньне.

08.06.2009 Адбудзецца круглы стол на тэму “Захаванне правоў чалавека ў Рэспубліцы Беларусь”

9 чэрвеня на Ўправе Партыі БНФ (пр. Машэрава,8) праваабаронцы і палітыкі Валянцін Стэфановіч, Іна Кулей, Аляксандр Мілінкевіч, Віталь Рымашэўскі і Артур Фінькевіч абмяркуюць шэраг праблемаў – ад вызначэння статуса палітзняволенага да парушэнняў права на свабоду сумлення. У прыватнасці, будзе разглядацца і сітуацыя вакол царквы “Новае жыццё”.

08.06.2009 Разгляд адміністратыўнай справы Дубскага - 10 чэрвеня

Справу Арцёма Дубскага, якога абвінавацілі ў нанясеньні надпісаў “Свабоду Аўтуховічу!”, будзе разглядаць адміністратыўная камісія.

Разгляд адміністратыўнага пратаколу прызначаны на 9:30 10 чэрвеня.

08.06.2009 У Ваўкавыску судзяць салідарных з Аўтуховічам

У Ваўкавыску судзяць удзельнікаў акцыі ў падтрымку Аўтуховіча. Усяго іх восем чалавек: Юры Істомін, Зьміцер Бандарчук, Аляксандра Васілевіч, Алег Калінкоў, Міхаіл Ладуцька, Андрэй Ігнацюк, Павал Драчоў і Віталь Гуляк.

05.06.2009 Агляд-хроніка парушэньняў правоў чалавека ў Беларусі, травень 2009 году

У траўні ў Беларусі адбылося некалькі дэмакратычных акцыяў, якія праходзілі пад пільным вокам супрацоўнікаў праваахоўных органаў, з ужываньнем гвалту з іхняга боку. Так, 7 траўня ў 10 гадавіну з дня зьнікненьня апазіцыйнага палітыка былога міністра унутраных справаў Юрыя Захаранкі ў цэнтры сталіцы грамадзкасьць правяла ланцуг салідарнасьці. Затрыманьні адбыліся перад пачаткам акцыі, а па яе заканчэньні пачалася аблава - у розных месцах Менску затрымалі каля 30 актывістаў дэмакратычнага руху.

05.06.2009 Праваабарончай арганізацыі "Брэсцкая вясна" адмовілі ў рэгістрацыі

Брэсцкі аблвыканкам у чарговы раз адмовіў у рэгістрацыі праваабарончай арганізацыі "Брэсцкая вясна". Пра гэта "Еўрарадыё” паведаміў кіраўнік ініцыятыўнай групы па стварэнні арганізацыі Ўладзімір Вялічкін

05.06.2009 Праваабаронца з Баранавіч не можа атрымаць дакументы на беларускай мове

Праваабаронца Сяргей Гоўша, афармляючы ў спадчыну бацькоўскі дом, накіраваў у Берасцейскі гіпразем заяву, што хоча атрымаць дакументы на беларускай мове. Але ні Берасцейскі гіпразем, ні Ляхавіцкае, ні Баранавіцкае бюро тэхнічнай інвентарызацыі не здолелі справіцца з такім пажаданнем.