Праваабарончы цэнтр «ВЯСНА»

Навіны за Чэрвень 2009

11.06.2009 Нязгодныя жанчыны ідуць да генпракурора

Група жанчын, нязгодных з прысудамі па грамадзянскіх ды крымінальных справах, маюць намер сёння накіравацца на прыём да генеральнага пракурора Беларусі Рыгора Васілевіча – у выпадку адмовы прымаць жанчынаў, грамадзянкі абяцаюць сабрацца на сталічнай Плошчы Свабоды ды падпісаць зварот у міжнародныя структуры.

11.06.2009 БХД абскарджвае адмову ў рэгістрацыі ў Вярхоўным судзе

10 чэрвеня кіраўніцтва “Беларускай Хрысьціянскай Дэмакратыі” накіравала скаргу ў Вярхоўны Суд на дзеянні Міністэрства юстыцыі падчас працэдуры дзяржаўнай рэгістрацыі БХД. Хрысьціянскія дэмакраты праз ВС патрабуюць зарэгістраваць партыю.

11.06.2009 Затрыманні на акцыі супраць высяленьня сям’і Жаны Абрамавай

У той час як міліцыянты затрымліваюць адных удзльнікаў пікету, на іх месца становяцца новыя актывісты.

11.06.2009 Валянцін Стэфановіч: “Гэты суд — спроба дыскрэдытаваць праваабарончы рух”

Першы дзень судовага працэсу над праваабаронцам Леанідам Сьвецікам пачаўся з таго, што з залі суду мусілі выйсьці незалежныя журналісты, якія пісалі пра зьяўленьне ў Віцебску ў 2006-07 гг. лістоў з пагрозамі ад імя “віцебскай філіі “Русского Национального Единства”, у датычнасьці да напісаньня й распаўсюду якіх вінавацяць Сьвеціка.

11.06.2009 Штрафы за акцыю ля адміністрацыі прэзыдэнта

10 чэрвеня суд Ленінскага раёну Менску аштрафаваў актывістаў кампаніі “Эўрапейская Беларусь” за акцыю салідарнасьці зь Мікалаем Аўтуховічам.

10.06.2009 Суд над праваабаронцам Леанідам Сьвецікам: новыя сюрпрызы

У Віцебскім абласным судзе сёньня слухаецца крымінальная справа па абвінавачваньні праваабаронцы Леаніда Сьвеціка.

10.06.2009 Лявон Вольскі: “Нічога мы не зменім, калі заб’ем чалавека, які здзейсніў нават вельмі страшнае злачынства. Апроч таго, гэта будзе нараджаць усё новую і новую крыважэрнасць” (Відэа)

Лявон Вольскі, легенда беларускага року, заснавальнік гуртоў “Мроя”, NRM і музычнага праекту “Крамбамбуля”, далучыўся да кампаніі супраць смяротнага пакарання, абвешчанай праваабаронцамі Беларусі.

10.06.2009 Незалежныя выданні ізноў спрабуюць вярнуцца ў дзяржаўную сістэму распаўсюду

Недзяржаўныя рэгіянальныя газеты ў чарговы раз звярнуліся да «Белпошты» і «Саюздруку» з прапановамі ўзнавіць супрацоўніцтва. На фоне нядаўняга паседжання грамадскай каардынацыйнай рады па СМІ рэдакцыі выданняў спадзяюцца на станоўчы вынік.

10.06.2009 Затрыманьні за акцыю ля адміністрацыі прэзыдэнта

Актывісты кампаніі “Эўрапейская Беларусь” затрыманыя падчас правядзеньня акцыі салідарнасьці зь Мікалаем Аўтуховічам.

10.06.2009 «На дне» па-аршанску

Сітуацыі накшталт сюжэта славутай п'есы Максіма Горкага "На дне" можна раз-пораз убачыць у Оршы, дзе створаны першы на Віцебшчыне цэнтр рэсацыялізацыі нядаўніх зняволеных, якія выйшлі з вязніцы паводле амністыі або вызваленыя ўмоўна-датэрмінова і маюць вострую патрэбу ў сацыяльнай адаптацыі.

10.06.2009 Дубскага аштрафавалі за “Свабоду Аўтуховічу”

Сёння, 10 чэрвеня, адміністратыўная камісія Асіповіцкага райвыканкаму пакарала Арцёма Дубскага штрафам у памеры 25 базавых велічыняў (875 тысяч рублёў).

10.06.2009 Прынятая рэзалюцыя круглага стла “Захаванне правоў чалавека ў Рэспубліцы Беларусь”

Удзельнікі круглага стала, правядзенне якога 9 чэрвеня ў Мінску ініцыявала партыя “Беларуская Хрысьціянская Дэмакратыя”, канстатавалі факты сістэмнага парушэння правоў на свабоду сумлення грамадзян Беларусі.

09.06.2009 Актывіста Антона Каліноўскага ў войска не забіраюць (Дапоўнена)

Раніцай 9 чэрвеня па вяртаньні з-за мяжы проста на памежным пераходзе быў затрыманы актывіст “Моладзі БНФ” Антон Каліноўскі. Як стала вядома, памежнікі пратрымалі яго больш за чатыры гадзіны. За гэты час у актывіста забралі на праверку ноўтбук і правялі асабісты дагляд. Інфармацыя пра тое, нібыта Антона Каліноўскага хочуць забраць у войска не падцвердзілася.

09.06.2009 Віншуем Івана Шылу з паспяховай здачай іспыту!

Іван, віншуем цябе з гэтай перамогай! Няхай і надалей жыццё цябе песціць прыемнымі момантамі, бо, без сумневаў, ты гэта заслужыў! Спадзяемся, што наведвальнікі spring96.org з задавальненнем далучаюцца да віншаванняў!

09.06.2009 “Не!” – бесчалавечнаму абыходжаньню з бяздомнымі жывёламі

Група валанцёраў распачала кампанію супраць жорсткага абыходжаньня з бяздомнымі жывёламі на Мінскім прадпрыемстве “Фаўна горада”. Трывожная сітуацыя на гэтым прадпрыемстве асветлена ў публікацыях на інфармацыйных сайтах. У сувязі з негуманным стаўленьнем да жывёл з боку кіраўніцтва “Фаўны горада” на адрас пракурора Маскоўскага раёна Мінска накіраваны зварот з просьбай правесці адпаведную праверку. Ініцыятары кампаніі запрашаюць ахвочых таксама адправіць аналагічныя звароты ў пракуратуру і падаюць адпаведны ўзор звароту.