Праваабарончы цэнтр «ВЯСНА»

Навіны за 21 студзеня 2009

21.01.2009 “Брэсцкая вясна” спрабуе зарэгістравацца

Днямі дакумэнты на рэгістрацыю праваабарончага грамадзкага аб’яднаньня “Брэсцкая вясна” будуць накіраваныя ў аблвыканкам. 15 студзеня адбыўся ўстаноўчы сход па стварэньню грамадзкага аб’яднаньня, кіраўніком якога быў абраны праваабаронца Ўладзімір Вялічкін. Ягоным намесьнікам стаў Уладзімір Малей.

21.01.2009 Ці зарэгіструюць баранавіцкую філію ГА «БАЖ»?

Пытанне «аб адмове ў пастаноўцы на ўлік баранавіцкай філіі ГА “Беларуская асацыяцыя журналістаў”» значылася ў павестцы дня паседжання Баранавіцкага гарвыканкама, якое адбылося 20 студзеня.

21.01.2009 Дзяржпрэса ператварае скаржнікаў у "скандалістаў"

Пяцёра пакрыўджаных уладай жыхароў пасёлка Коханава пайшлі на прыём да карэспандэнтаў абласнога "Віцебскага рабочага". Як кажуць, на сваю галаву.

21.01.2009 Грамадскія арганізацыі і апазіцыйныя партыі вінавацяць ў мінаванні будынка

Вінаватых ў ілжывым мінаванні будынка, што адбылося 20 траўня 2007 года, гарадзенская міліцыя шукае сярод прадстаўнікоў апазіцыйных партый і арганізацый. Абласная пракуратура ўзяла справу на асабісты кантроль і вымусіла праваахоўныя ворганы падысці да яе расследвання з усёй адказнасцю.

21.01.2009 Урад Беларусі павінен выканаць 12 рэкамендацый Міжнароднай арганізацыі працы

У Менску знаходзіцца група экспертаў Міжнароднага бюро працы на чале з дырэктарам Кары Тапіёлам і генеральным сакратаром Міжнароднай канфедэрацыі прафсаюзаў Гайям Райдэрам.

21.01.2009 Пікеты за “Вольнае Глыбокае”

Мясцовыя актывісты падалі ў Глыбоцкі райвыканкам заяўку на правядзеньне пікетаў дзеля падтрымкі адзінай у рэгіёне незалежнай газэты.

21.01.2009 Актывіста Руху палічылі вінаватым у акцыі, якой не было

Мінскі абласны суд пакіну без зменаў рашэнне Клецкага суда пра пакаранне Сяргея Панамарова буйным штрафам. Па словах актывіста Руху "За Свабоду", супрацоўнікі Клецкай пракуратуры ў гутарцы з ім выказалі шчырае здзіўленне рашэннем абласнога суда і параілі звяртацца ў Вярхоўны суд. Юрысты лічаць, што праўда на баку Сяргея Панамарова.

21.01.2009 Партал TUT.BY узмацніў кантроль за выказваннямі на форумах

Найбуйнейшы беларускі інтэрнет-партал TUT.BY узмацніў кантроль за выказваннямі наведнікаў на форумах.

21.01.2009 Празь пяць гадоў беларускамоўныя школы зьнікнуць цалкам?

Толькі 1,9 адсотка гарадзкіх першаклясьнікаў краіны навучаецца сёлета па-беларуску. Гэта ў трыццаць разоў менш, чым у 1993-94 навучальным годзе. У сувязі з такой сытуацыяй Рада Таварыства беларускай мовы заклікала бацькоў, грамадзкіх актывістаў і палітыкаў ужо цяпер заняцца стварэньнем беларускамоўных клясаў і школ для наступнага навучальнага году.

21.01.2009 Моладзевага актывіста Ігара Салаўя незаконна забіраюць у войска

Актывісту руху «За Свабоду» Ігару Салаўю выпісалі даведку на адпраўку у войска, нягледзячы на хворае сэрца. Ігара Салаўя не хочуць браць у войска прадстаўнікі зенітна-ракетнай часткі №15994, што пад Івацэвічамі, куды яго накіраваў ваенны камісарыят Пінска, паведамляе старонка milinkevich.org