Праваабарончы цэнтр «ВЯСНА»

Навіны за Лістапад 2007

23.11.2007 КДБ шукае арганізатараў акцыі пратэсту школьнікаў у Мазыры

Супрацоўнікі КДБ у Мазыры наведваюць школьнікаў і студэнтаў, якія ўдзельнічалі ў акцыі пратэсту 16 лістапада. Яны патрабуюць назваць прозьвішчы арганізатараў акцыі. У той дзень міліцыянты затрымалі дваццаць пяць чалавек на плошчы Леніна, сярод якіх былі 12-гадовыя школьнікі. У затрыманых знайшлі расьцяжку “Не — скасаваньню льготаў!”.

23.11.2007 "Витебский курьер" зачынілі канчаткова?

Віцебскі аблвыканкам адклікаў уласны дазвол на перарэгістрацыю ЗАТ “Выдавецкі дом "Витебский курьер", дадзены ў кастрычніку бягучага году. Недзяржаўная газэта, якая спыніла выхад увесну гэтага году паводле тэхнічных прычынаў і ўнутраных канфліктаў у рэдакцыйным асяродку, страчвае апошнюю магчымасьць аднаўленьня свае дзейнасьці.

22.11.2007 Цэнтральны камітэт Партыі камуністаў Беларускай накіраваў скаргу ў Вярхоўны Суд Рэспублікі Беларусь

У ёй гаворыцца, што ўпраўленне юстыцыі Гродзенскага і Гомельскага аблвыканкамаў адмаўляюць у пастаноўцы на ўлік арганізацыйных структураў партыі, спасылаючыся на рашэнне Вярхоўнага Суду.

22.11.2007 Кіраўніцтва Ленінскага РАУС Берасця прызнала неналежнымі ўмовы знаходжання ў ізалятары часовага ўтрымання (ІЧУ) раённага аддзела міліцыі. Гэта вынікае з афіцыйнага адказу прадстаўнікоў РАУС на скаргу мясцовага праваабаронцы Рамана Кісляка.

Заяўнікаў пікетаў у падтрымку беларускіх палітвязняў, што меліся адбыцца 25 лістапада ў Гродне, сёння выклікалі ў РАУСы розных раёнаў горада.

22.11.2007 Упраўленне ідэалагічнай работы Магілёва прызнала свае памылкі

Гэта стала вядома з пісьмовага адказа актывістам Свабоднага прафсаюза Беларускага спадарам Юрыю Новікаву і Сяргею Фаміну.

22.11.2007 ААН асуджае Беларусь за парушэнне правоў чалавека

Адпаведная рэзалюцыя была прынятая 21 лістапада. У падтрымку дакумента прагаласавалі 68 дзяржаваў, супраць – 32.

22.11.2007 Актывіста Партыі БНФ Вадзіма Канапацкага выклікаюць у КДБ

Намесьніку кіраўніка Менскай гарадзкой структуры Партыі БНФ Вадзіму Канапацкаму сёньня патэлефанаваў супрацоўнікі Камітэту дзяржаўнай бясьпекі. Мужчына назваў сябе і папрасіў Вадзіма Канапацкага як мага хутчэй наведаць установу КДБ з мэтаю "параўмаўляць".

22.11.2007 Скарга аршанцаў пакінута судом без задавальненьня

У судзе Аршанскага раёна і Воршы 21 лістапада разглядалася скарга на адмову ў правядзеньні пікету супраць адмены ільгот. Ад імя заяўнікаў акцыі скаргу ў суд падавалі ветэран вайны і працы Іван Шульга і былы дэпутат Вярхоўнага Савета 12 скліканьня Мікалай Дзямідаў. Месцамі для правядзеньня пікетаў заяўляліся пляцоўкі каля прахадной прадпрыемства “Оршааграпрадмаш” і каля гарадскога цэнтра культуры.

21.11.2007 Польскага ксяндза не пусцяць у Беларусь за крытыку

Адмова ў рэгістрацыі з'яўляецца "асабістай праблемай" настаяцеля рэчыцкага касцёла Святой Троіцы Гжэгожа Худзека, лічыць старшыня савета па рэлігіях і нацыянальнасцях пры Гомельскім аблвыканкаме Міхаіл Жукевіч.

21.11.2007 У Мінску ў выдавецтве “Беларускі кнігазбор” выйшла з друку кніга “Пра Івана Луцкевіча: успаміны, сведчанні”.

Яна прысвечана выдатнаму беларускаму дзеячу, аднаму з ідэолагаў Беларускага Адраджэння пачатку ХХ стагоддзя Івану Луцкевічу (1881 - 1919).

21.11.2007 Авечым шляхам

Многа стагоддзяў мы некуды ідзем. Невядома куды, мы нават не вызначыліся, хто ж мы. Гэта ва ўсходніх суседзяў цэнтральныя пытанні „Што рабіць?” і „Хто вінаваты?”. У нас зусім іншыя — „А хто там ідзе?” і „Хто смяецца апошнім?”. Расія — гэта агромністая раўніна, па якой носіцца ліхі чалавек. Па Беларусі так не палётаеш. Рэдкі паветраны шар даляціць да сярэдзіны Белавежскай пушчы!

21.11.2007 Ананіч узнагародзілі за расправу над незалежнай прэсай?

Першая намесніца міністра інфармацыі Беларусі Лілія Ананіч удастоеная вышэйшай узнагароды XV Міжнароднай прафесійнай выставы "Прэса-2008", якая адкрылася сёння ў Маскве.

21.11.2007 Менаблвыканкам дазволіў краязнаўчае падарожжа па месцах Слуцкага збройнага чыну

20 лістапада Мінскі аблвыканкам задаволіў заяўку савета РГА «Беларускае добраахвотнае таварыства аховы помнікаў гісторыі і культуры» (БДТАПГК) на правядзенне 24 лістапада краязнаўчага падарожжа па месцах Слуцкага збройнага чыну. Пра гэта БелаПАН паведаміў старшыня савета БДТАПГК Антон Астаповіч.