Праваабарончы цэнтр «ВЯСНА»

Навіны за 27 жніўня 2007

27.08.2007 27 жніўня 1937 году ў Менску адбыўся першы масавы расстрэл

Сёньня споўнілася 70 гадоў ад першага масавага расстрэлу прадстаўнікоў беларускай інтэлігенцыі. 27 жніўня 1937 году ў Менску закатавалі групу археолягаў, настаўнікаў, каталіцкіх сьвятароў — разам больш за пяцьдзясят чалавек. Сёньня ў Курапатах адбылася жалобная імпрэза ў памяць ахвяраў сталінскага тэрору.

27.08.2007 Пакараныя медыкі, якія накіроўвалі Крысціну Шацікаву на псіхіятрычнае абследаваньне і “лячэньне”

Як паведамлялася, у мінулы чацвер судовая калегія Магілёўскага абласнога суда адмовіла апазіцыянерцы ва ўзбуджэнні крымінальнай справы па факце яе выкрадання і пазапраўнага змяшчэння ў псіхіятрычную лякарню. Але праз два дні яна атрымала ліст, у якім начальнік абласнога ўпраўлення аховы здароў’я Валерый Малашка ўскосна ўсё ж прызнае факт парушэння яе правоў дактарамі Магілёўскай псіхлякарні.

27.08.2007 Павал Севярынец будзе слухаць радыё ў ізалятары часовага затрыманьня

27 жніўня начальнік упраўленьня міліцыі Ленінскага раёну Берасьця Юрый Карпінчык згадзіўся перадаць у камэру Паўла Севярынца кароткахвалевы радыёпрымач. Нагадаем, такое права пакараныя адміністратыўным арыштам маюць згодна з часткай 3 артыкула 18.7 Працэсуальна-выканаўчага кодэксу РБ.

27.08.2007 Суды ў Нясвіжы адбудуцца сёньня

Затрыманых у Нясвіжы ў суботу ўначы актывістаў Маладога фронту будуць судзіць сёньня. Насту Азарку, Насту Палажанку, Арцёма Дубскага і Аляксандра Жукава затрымалі за надпіс, зроблены на плоце - “Беларусь – гэта сьвятое!”. Яшч моладзевыя актывісты раздавалі ўлёткі ў падтрымку Насты Азаркі, крымінальная справа якой будзе разглядацца ў мясцовым судзе 4 верасьня.

27.08.2007 Міліцыя затрымала ўдзельнікаў сустрэчы пастара Сабілы з жыхарамі Гомеля

У нядзелю ўвечары ў Гомелі міліцыянты блякавалі прыватны дом на вуліцы Палескай,52, дзе праходзіла сустрэча жыхароў гораду з былым вязьнем ГУЛАГу, пастарам закрытай уладамі Беларускай эвангельскай царквы Эрнэстам Сабілам, і затрымалі 9 удзельнікаў сустрэчы.

27.08.2007 У Бярэсці працягваюць затрымліваць моладзь

Тры актывісты Руху “За Свабоду” былі затрыманыя ў Брэсце за расклейку ўлётак “Свабода Паўлу Севярынцу”.

27.08.2007 «Рэпарцёры без межаў» супраць «рэгулявання» інтэрнэт-СМІ

Праваабарончая арганізацыя "Рэпарцёры без межаў" 24 жніўня выказала занепакоенасць у сувязі з планамі беларускіх улад стварыць працоўную групу па вывучэнні сусветнага досведу ў галіне рэгулявання дзейнасці інтэрнэт-СМІ.