Праваабарончы цэнтр «ВЯСНА»

Навіны за 1 ліпеня 2020

01.07.2020 МЗС – праваабаронцам: Беларускі бок гатовы запрасіць міжнародных назіральнікаў

У адказе за подпісам намесніка Міністра замежных спраў Рэспублікі Беларусь Алега Краўчанкі паведамляецца, што пытанне аб накіраванні запрашэнняў у адрас міжнародных арганізацый да назірання за прызначанымі на 9 жніўня выбарамі Прэзідэнта Рэспублікі Беларусь знаходзіцца на разглядзе.

01.07.2020 Віцебская вобласць: склад УВК не надта адрозніваецца ад кампаніі 2015 года

У межах кампаніі “Праваабронцы за свабодныя выбары” правялі параўнальны аналіз фарміравання ўчастковых камісій у Віцебскай вобласці падчас прэзідэнцкай выбарчай кампаніі ў 2015 і гэтым годзе.

01.07.2020 У Гродне на 15 сутак асудзілі Сяргея Ціханоўскага, на 10 — Дзмітрыя Фурманава. Як гэта было?

Распачаўся адміністрацыйны разгляд справы па артыкуле 23.4 КаАП (непадпарадкаванне законным патрабаванням службовай асобы) ў дачыненні да Сяргея Ціханоўскага. Прычына — інцыдэнт 29 траўня ў Гродне, з-за якога Ціханоўскага затрымалі, а потым завялі крымінальную справу.

01.07.2020 Эксперты ААН патрабуюць спыніць рэпрэсіі супраць пратэстоўцаў у Беларусі перад выбарамі

Эксперты ААН 1 ліпеня запатрабавалі, каб Беларусь устрымалася ад гвалту супраць мірных дэманстрантаў напярэдадні прэзідэнцкіх выбараў 9 жніўня. Яны заклікалі ўрад адмовіцца ад палітыкі адвольных арыштаў, гвалту і запалохвання ў дачыненні да актывістаў грамадзянскай супольнасці.

01.07.2020 Лічба дня: на колькі супадаюць склады УВК Фрунзенскага раёна ў параўнанні з выбарамі-2019

Назіральнік кампаніі "Праваабаронцы за свабодныя выбары" Аляксей Лойка параўнаў склады фрунзенскіх УВК падчас парламенцкай кампаніі восенню 2019 года з іх складамі, якія будуць працаваць на выбарах прэзідэнта сёлета.

01.07.2020 Бяроза: абскардзіць неўключэнне ў камісіі зноў немагчыма

Старшыня Рады Брэсцкай абласной арганізацыі партыі БНФ Зміцер Шыманскі абскадзіў у суд Бярозаўскага раёна рашэнне Бярозаўскага райвыканкама, у якім двое вылучэнцаў абласной арганізацыі не былі ўключаныя ў склад участковых выбарчых камісіяў (УВК) участкаў для галасавання №9 (Анатоль Белеянко) і №11 (Тамара Шчапёткіна) Бярозаўскага раёна па выбарах прэзідэнта.

01.07.2020 Сітуацыя з правамі чалавека ў Беларусі. Чэрвень 2020

У цэлым, эксперты ПЦ "Вясна" адзначаюць, што выбарчая кампанія праходзіць на фоне бесперапынных рэпрэсій, у атмасферы запалохвання грамадства. У чэрвені назіралася рэзкае пагаршэнне агульнай сітуацыі з правамі чалавека ў краіне.

01.07.2020 Блог Паўла Сапелкі: Порцыя жаху

Мабыць, на тым тыдні стала ясна, што свабодных выбараў дакладна не будзе, як бы аптымістычна ні настройваліся неспрактыкаваныя выбаршчыкі і кандыдаты. Зразумела, што не прывыкаць, але ўсё роўна гняце - не, не адсутнасць выбараў, я-та ўжо даўно ўсё зразумеў, а тое, як усё гэта скончылася для тых, хто сваю порцыю жаху ўжо атрымаў.

01.07.2020 Блогер Зміцер Казлоў (Шэры кот) прызнаны палітычным зняволеным

Блогера Зміцера Казлова (Шэры кот), у адносінах да якога ўзбуджана крымінальная справа па ч. 1 арт. 342 КК (Арганізацыя ці актыўны ўдзел у групавых дзеяннях, якія груба парушаюць грамадскі парадак), праваабарончая супольнасць Беларусі прызнае палітычным зняволеным.

01.07.2020 Экстранае паведамленне адваката Мікалая Статкевіча

30 чэрвеня з лідарам Беларускага Нацыянальнага Кангрэсу і кіраўніком партыі «Народная Грамада» Мікалаем Статкевічам у СІЗА МУС №1 у Менску, куды ён пераведзены з ізалятара часовага ўтрымання, сустрэўся ягоны абаронца - адвакат Уладзімір Сазанчук.

01.07.2020 Смаргонь: Большасць несапраўдных подпісаў аказалася ў падтрымку Лукашэнкі

29 чэрвеня Смаргонская раённая выбарчая камісія на сваім пасяджэнні зацвердзіла вынікі праверкі подпісаў выбаршчыкаў раёна за рэгістрацыю кандыдатамі ў прэзідэнты. Найбольшая лічба несапраўдных подпісаў аказалася ў падтрымку дзеючага прэзідэнта – 175 з 3084 правераных.