Праваабарончы цэнтр «ВЯСНА»

Навіны за 16 ліпеня 2020

16.07.2020 Прадстаўнікі ПА АБСЕ раскрытыкавалі Беларусь за тое, што яна своечасова не адправіла запрашэнне на выбары

Прадстаўнікі Парламенцкай асамблеі АБСЕ падвергнулі крытыцы адсутнасць своечасовага запрашэння ад беларускіх уладаў для назірання за прэзідэнцкімі выбарамі.

16.07.2020 Шэраг краінаў выказаў занепакоенасць ходам перадвыбарнай кампаніі, а таксама масавымі затрыманнямі ў Беларусі

16 ліпеня Літва, ЗША і Вялікабрытанія выказалі сваё стаўленне да бягучай перадвыбарнай кампаніі і массавых затрыманняў мірных дэманстрантаў і журналістаў у Беларусі.

16.07.2020 Чацвер: суды над затрыманымі 14 ліпеня працягваюцца

16 ліпеня ў раённых судах Мінска (а таксама ў Брэсце, Пружанах і Барысаве) працягваецца разгляд адміністрацыйных спраў затрыманых 14 ліпеня удзельнікаў мірнай акцыі супраць нерэгістрацыі кандыдатамі на пост прэзідэнта Віктара Бабарыкі і Валерыя Цапкалы.

16.07.2020 Пераслед журналістаў на масавых мерапрыемствах працягваецца

Журналіст Радыё Свабоды Антон Трафімовіч збіраецца падаць заяву на збіццё пры затрыманні ў Следчны камітэт.

16.07.2020 Справу супраць актывісткі каманды Ціханоўскай з Віцебска – скасавалі

Суд Кастрычніцкага раёну Віцебску 14 ліпеня разгледзеў адміністрацыйную справу паводле ч. 3 арт. 23.34 КаАП у дачыненьні да актывісткі "Краіны для жыцьця" Юліі Барсуковай.

16.07.2020 ЦВК адказала на скаргі людзей у чарзе 15 ліпеня на нерэгістрацыю Бабарыкі і Цапкалы

Цэнтральная выбарчая камісія Беларусі адказала на шматлікія звароты са скаргамі на адмовы ў рэгістрацыі кандыдатамі ў Прэзідэнты Рэспублікі Беларусь Віктара Бабарыкі і Валерыя Цапкалы.

16.07.2020 У Слаўгарадзе за экстрэмізм пакаралі жанчыну з інваліднасцю

Суд Слаўгарадскага раёна аштрафаваў Анжаліку Калатазішвілі на 10 базавых велічынь за рэпост ў «Аднакласніках» фільма блогера NEXTA "Лукашэнка. Крымінальныя матэрыялы".

16.07.2020 Па падзеях 14 ліпеня ў Мінску ўзбуджаныя тры крымінальныя справы. Затрыманы мінчук Антон Шумаў

Праваабаронцам "Вясны" вядома, што ў межах крымінальнай справы за падзеі 14 ліпеня затрыманы мінчук Антон Шумаў. Ён падазраецца ў здзяйсненні злачынства, прадугледжанага ч. 1 арт. 342 Крымінальнага кодэкса.

16.07.2020 Як паўплываюць на працэс галасавання рэкамендацыі медыкаў: глядзім разам

Рэкамендацыі Міністэрства аховы здароўя па прадухіленні распаўсюду COVID-19 пад час выбараў накладаюць адбітак не толькі на дзейнасць сябраў участковых выбарчых камісій, але і на паводзіны выбаршчыкаў і назіральнікаў.

16.07.2020 Кіраўнікоў штаба Віктара Бабарыкі выклікаюць у Генеральную пракуратуру

Кіраўніцу штаба Віктара Бабарыкі Марыю Калеснікаву і юрыста штаба Максіма Знака выклікалі ў Генеральную пракуратуру. Інфармацыю "Радыё Свабода" пацвердзілі ў прэс-службе Віктара Бабарыкі. Прычыны выкліка пакуль невядомыя.

16.07.2020 У ААН сочаць за сітуацыяй у Беларусі і заклікаюць улады краіны да стрыманасці

Як піша TUT.BY, прадстаўнік Генеральнага сакратара ААН Стэфан Дзюжарык пракаментаваў падзеі ў Беларусі, звязаныя з прэзідэнцкімі выбарамі.

16.07.2020 Ціханоўская: Перастанце здзекавацца з майго мужа і ціснуць на яго!

Пасля выхаду з карцара Сяргея Ціханоўскага змясцілі не ў тую камеру, у якой ён знаходзіўся раней, а ў камеру на 15 чалавек. Зняволеныя зноў адмовіліся яго прымаць і зноў запатрабавалі «доказаў» супраць чутак пра нібыта «нізкі сацыяльны статус».

16.07.2020 Міліцыянты з Мастоў напісалі заяву на Аляксандра Мілюка за абразу

Як паведаміў каардынатар ініцыятыўнай групы Святланы Ціханоўскай Аляксандр Мілюк з Мастоў, 15 ліпеня да яго дадому з аглядам прыйшлі супрацоўнікі міліцыі. Агляд жылога памяшкання актывіста праводзіўся ў рамках праверкі па артыкуле 369 Крымінальнага кодэкса Рэспублікі Беларусь "абраза прадстаўніка ўлады".