Праваабарончы цэнтр «ВЯСНА»

Навіны за 11 красавіка 2019

11.04.2019 «Адкрытым тэкстам сказалі, што я іх дастала». Міліцыя помсціць выкрывальніцы шарлатанаў

Гуліко Махнадзэ тры дні правяла ў ізалятары на Акрэсціна. Дзяўчыну затрымалі а 20-й гадзіне 7 красавіка, калі яна вярталася з працы і напаткала сталічных ашуканцаў, што збіраюць грошы, распавядаючы, што трапілі ў бяду. Замест таго, каб схапіць папрашаек, міліцыянты забралі ў пастарунак дзяўчыну.

11.04.2019 Трох віцяблян аштрафавалі на 102 рублі кожнага за фота з бел-чырвога-белым сцягам

У судзе Кастрычніцкага раёну Віцебска 11 красавіка разглядаліся адміністрацыйныя справы ў дачыненні Міколы Качурца і братоў Уладзімера і Яраслава Кійко. Тры розныя суддзі сінхронна пакаралі кожнага з актывістаў штрафам у памеры 4 базавых велічыняў – за фатаграфаванне з бел-чырвона-белымі сцягамі.

11.04.2019 У Брэсце суд змог аштрафаваць журналіста толькі на трэці раз

Суд Ленінскага раёна г. Брэста 11 красавіка разглядзеў чарговую адміністрацыйную справу журналіста Яўгена Скрабца па арт. 22.9 КаАП (за працу на замежны СМІ без акрэдытацыі).

11.04.2019 Суд у Глыбокім пакараў журналіста вялікім штрафам

Агулам па дзвюх адміністрацыйных справах на 40 базавых велічыняў аштрафаваў Глыбоцкі раённы суд незалежнага журналіста Змітра Лупача.

11.04.2019 Аюба Ціціева перавялі ў калонію-пасяленне ў Аргуне (Чачня)

Калегі-праваабаронцы з Расіі плануюць наведаць яго на наступным тыдні.

11.04.2019 Кіраўніку рэлігійнай абшчыны пагражаюць дэпартацыяй

У ПЦ "Вясна" звярнуўся грамадзянін Расійскай Федэрацыі Віталь Максімаў. Ён з'яўляецца членам зарэгістраванай у Расіі рэлігійнай арганізацыі «Царква аб'яднання». У Беларусі абшчына, у якой Віталь Максімаў з'яўляецца кіраўніком, не зарэгістраваная.

11.04.2019 Ніна Багінская: “Што вы збіраецеся знайсці ў маіх калготках?”

72-гадовая актывістка Ніна Багінская распавяла сайту palitviazni.info пра тое, як яе затрымлівалі ў Курапатах, пра галадоўку ў ізалятары часовага ўтрымання і ўмовы знаходжання ў няволі.

11.04.2019 Напярэдадні Еўрапейскіх гульняў КДБ актывізуе вярбоўку грамадзян

Жыхар Мінска звярнуўся ў Генпракуратуру Беларусі са скаргай на неправамоцныя дзеянні супрацоўніка КДБ, які шляхам шантажу і пагроз вымусіў яго пагадзіцца на добраахвотнае аказанне дапамогі органам дзяржаўнай бяспекі.