Праваабарончы цэнтр «ВЯСНА»

Навіны за Верасень 2018

04.09.2018 Amnesty International адзначае “чорную паласу” ў сітуацыі з свабодай слова ў Беларусі

Міжнародная праваабарончая арганізацыя Amnesty International выступіла з заявай, у якой яна заклікае "адмяніць усе існуючыя неапраўданыя абмежаванні для СМІ ў Беларусі."

04.09.2018 Праваабарончая праграма "Вясна" на Беларускім Радыё Рацыя

“Каментар эксперта”: ПЦ “Вясна” апублікаваў аналітычны агляд пра сітуацыю з правамі чалавека ў Беларусі за жнівень гэтага года. Чаму так рэзка пагоршылася сітуацыя з правамі чалавека ў жніўні і чаго ад уладаў чакаць надалей? Распавядае юрыст арганізацыі Павел Сапелка.

04.09.2018 Трэнінг 8 верасня: адкрый для сябе беларускі суд

Праваабарончая арганізацыя Human Constanta шукае валанцёраў і валанцёрак для назірання за судамі па ўсёй краіне (не толькі юрыстаў_к). Дэдлайн падачы заяўкі - 6 верасня.

04.09.2018 Прысуд па Курапатах будзе абскарджаны ў Камітэт ААН па правах чалавека

31 жніўня ў Мінскім гарадзкім судзе была разгледжаная скарга старшыні Партыі БНФ Рыгора Кастусёва. Палітык патрабаваў ад суду вышэйшай інстанцыі скасавання рашэння суда Партызанскага раёну Менску ад чацвёртага ліпеня, які пакараў Рыгора Кастусёва штрафам на 735 рублёў па арыкуле 23.34 Кодэкса аб адміністратыўных правапарушэннях.

04.09.2018 Лідары прафсаюза РЭП падалі скаргі на прысуд

Трэцяга верасня лідары незалежнага прафсаюза РЭП Генадзь Фядыніч і Ігар Комлік падалі апеляцыйныя скаргі на прысуд ад 24 жніўня 2018 г., якім іх прызналі вінаватымі па арт. 243 Крымінальнага кодэкса Рэспублікі Беларусь (ухіленне ад выплаты падаткаў).

04.09.2018 На фэсце “Камяніца” не пажадалі бачыць праваабарончыя ініцыятывы

Чаму не адбылася Пляцоўка сацыяльных актыўнасцяў на фэсце “Камяніца”.

04.09.2018 Фотажурналістку аштрафавалі за здымак дэсантнікаў у фантане

Журналістку Ірыну Арахоўскую аштрафавалі на Br 490 за публікацыю фотарэпартажа пра Дзень дэсантніка на Belsat.eu.

03.09.2018 Судзяць удзельнікаў акцыі пратэсту каля рэстарана «Поедем поедим»: штрафы і суткі

У судзе Мінскага раёна 3 верасня адбудзецца разгляд адміністрацыйных спраў удзельнікаў акцыі пратэсту каля рэстарана «Поедем поедим» у Курапатах.

03.09.2018 Журналістцы пагражаюць прымусовай дастаўкай у суд

Журналістка-фрылансер Тамара Шчапёткіна ў суботу, 1 верасня, атрымала паведамленне з Баранавіцкага РАУС пра тое, што 4 верасня павінна з'явіцца ў суд за матэрыял на “Радыё Рацыя”.

03.09.2018 Сітуацыя з правамі чалавека ў Беларусі. Жнівень 2018

24 жніўня ў дачыненні да актывістаў незалежнага прафсаюза РЭП Генадзя Фядыніча і Ігара Комліка вынесены абвінаваўчы прысуд на падставе ч. 2 арт. 243 КК Рэспублікі Беларусь (ухіленне ад выплаты сум падаткаў, збораў у асабліва буйным памеры).

03.09.2018 Відэаблогера Пятрухіна затрымалі і адвезлі на медычны агляд

Прыкладна ў 8-45 3 верасня на на аўтобусным прыпынку да Пятрухіна падышлі нейкія людзі, зачыталі пастанову. Відавочца затрымання паведаміў праваабаронцам, што чуў пра некую экспертызу. Сэнсу пастановы не разабраў, сказаў, што за Пятрухіным сачылі.

03.09.2018 Адміністрацыйны пераслед у жніўні (аналіз)

Паводле звестак праваабаронцаў за мінулы месяц да адміністрацыйнай адказнасці было прыцягнута 20 чалавек. 17 х іх атрымалі буйныя штрафы на агульную суму 543 базавыя велічыні, двое – Максім Вінярскі і Павел Севярынец - пакараныя арыштамі на 10 сутак.