Праваабарончы цэнтр «ВЯСНА»

Навіны за 5 верасьня 2018

05.09.2018 Народны мемарыял у Курапатах ёсць!

У Прэс-клубе ў сераду, 5 верасня, адбылася грамадская дыскусія “Курапаты: праблемы на шляху мемарыялізацыі”, арганізаваная мастацкай суполкай “Пагоня” Cаюзу мастакоў Беларусі і грамадзянскай ініцыятывай “Эксперты ў абарону Курапатаў”.

05.09.2018 Спецдакладчыкі праінфармаваныя пра пераслед актывістаў за акцыю салідарнасці з лідарамі РЭП

"Вясна" праінфармавала спецыяльных дакладчыкаў Савета па правах чалавека ААН пра пераслед грамадзянскіх актывістаў, якія правялі 24 жніўня акцыю салідарнасці з асуджанымі кіраўнікамі незалежнага прафсаюза РЭП Генадзем Фядынічам і Ігарам Комлікам.

05.09.2018 Ціск на "Белсат" працягваецца: журналістку аштрафавалі на 50 базавых велічыняў

Суд Смалявічскага раёна аштрафаваў журналістку Вольгу Чайчыц 1225 рублёў па ч.2 арт. 22.9 КаАП за сюжэт пра жыхароў мікрараёну Крыніца, якія выйшлі на пратэст супраць закрыцця крамы.

05.09.2018 Актывістак аштрафавалі за «віцебскую вахту» ў Курапатах

За ўдзел у пікетаванні рэстарацыі «Поедем поедим» ля Курапатаў суд Віцебскага раёну аштрафаваў Алену Янушкоўскую на 13 базавых велічыняў, у Першамайскім райсудзе г. Віцебску штрафамі па 12 базавых пакаралі Ірыну Захараву і Таццяну Севярынец.

05.09.2018 Вінярскі і Нікалайчык абскарджваюць прысуды за акцыю падтрымкі прафсаюза РЭП

Мінскія актывісты Вольга Нікалайчык і Максім Вінярскі падалі касацыйныя скаргі на прысуды раённых судоў за акцыю салідарнасці з лідэрамі прафсаюза РЭП 24 жніўня каля Дома правасуддзя.

05.09.2018 Журналіста-фрылансера аштрафавалі восьмы раз сёлета за супрацу з "Белсатам"

Суд Браслаўскага раёна пакараў журналіста-фрылансер з Глыбокага Зміцера Лупача штрафам у памеры 36 базавых велічыняў. Суддзя Аляксандр Вязіцкі прыцягнуў журналіста да адміністрацыйнай адказнасці за супрацу з незалежным тэлеканалам “Белсат” па арт. 22.9 КаАП Рэспублікі Беларусь.

05.09.2018 “Ляпіла на плот чыстыя лісты, з якіх утварыўся надпіс “Абудзіцеся – зачыніцеся”

Актывістку Маю Навумаву чакае суд за ўдзел у акцыі пратэсту каля рэстарана “Поедем поедим”, якая адбылася ў Курапатах 11 жніўня 2018 года. Яе вінавацяць во ўдзеле ў несанкцыянаваным масавым мерапрыемстве па ч.2 арт. 23.34 КаАП.