Праваабарончы цэнтр «ВЯСНА»

Навіны за Студзень 2016

26.01.2016 Пакаранне смерцю спараджае жорсткасць у грамадстве

Дзяржава, якая падтрымлівае смяротнае пакаранне, на самай справе, заяўляе аб тым, што забойства з'яўляецца прымальным спосабам вырашэння праблемаў грамадства. Няма чалавека – няма праблемы.

26.01.2016 Пакаранне смерцю не служыць правасуддзю

Зразумела, мёртвы чалавек не можа здзейсніць якіх-небудзь злачынстваў у будучыні. Аднак мэтай крымінальнага пакарання з'яўляецца не толькі папярэджанне здзяйснення новых злачынстваў як асуджаным, так і іншымі асобамі. Крымінальная адказнасць мае на мэце выпраўленне асобы, якая ўчынiла злачынства, а таксама «закліканае спрыяць аднаўленню сацыяльнай справядлівасці. Асуджэнне асобы, якая ўчынiла злачынства, з'яўляецца падставай для спагнання з яго як маёмаснай шкоды, так і матэрыяльнага пакрыцця маральнай шкоды». Як мы бачым, маральная шкода сваякам нявінна загінулым можа быць кампенсаваная матэрыяльна, а не пасродкам расстрэлу вінаватага.

26.01.2016 Смяротнае пакаранне ніяк не ўплывае на шэраг прычынаў, па якіх адбываюцца злачынствы

Заявы аб тым, што вышэйшая мера пакарання стрымлівае злачынцаў, зыходзяць з таго, што тыя людзі, якія здзяйсняюць забойствы і іншыя злачынствы, што караюцца пакараннем смерцю, загадзя рацыянальна думаюць пра верагоднасць таго, што іх караюць смерцю. Падобнае меркаванне грунтуецца на вельмі скажоным уяўленні пра злачынцаў і тых умовах, у якіх яны здзяйсняюць злачынствы. Большасць такіх злачынстваў здзяйсняецца ў стане стрэсу, падчас вялізнага эмацыйнага ўзрушэнне або пад уплывам наркотыкаў або алкаголю – гэта значыць тады, калі адсутнічае лагічнае мысленне і рацыянальныя меркаванні. Некаторыя з гэтых злачынстваў здзяйсняюцца вельмі неўраўнаважанымі асобамі або людзьмі з псіхічнымі захворваннямі. Ні пры якіх з гэтых абставінаў злачынцы не думаюць пра тое пакаранне, з якім яны могуць сутыкнуцца, калі іх зловяць.

26.01.2016 Неэфектыўнасць у папярэджанні планаваных злачынстваў

У грамадстве існуе меркаванне, што смяротнае пакаранне стрымлівае злачыннасць. Такія заявы часта робяць урады, якія ўжываюць смяротнае пакаранне. Аднак няма такіх статыстычных або іншых дадзеных.

26.01.2016 Непразрыстасць працэдураў, пакуты сваякоў

Не гледзячы на ўзятыя абавязальніцтвы як сябар Арганізацыі па бяспецы і супрацоўніцтву ў Еўропе (АБСЕ) «прадастаўляць грамадскасці інфармацыю адносна прымянення смяротнага пакарання», усе звесткі аб вынесеных і прыведзеных у выкананне прысудах з'яўляюцца засакрэчанымі.

26.01.2016 Забойства палітычных апанентаў, масавыя рэпрэсіі, небяспека наўмыснага забойства рукамі Закона

У 1999 годзе ў Беларусі зніклі Анатоль Красоўскі, Юрый Захаранка і Віктар Ганчар. Іх справы да сённяшняга дня не расследаваныя, нягледзячы на наяўнасць дастатковых сведчанняў аб дачыненні людзей у вышэйшым кіраўніцтве краіны, а таксама патрабаванні міжнароднай супольнасці зрабіць дзеля гэтага эфектыўныя захады.

26.01.2016 Выканаўцы – прафесійныя забойцы, якія забіваюць ад імя дзяржавы

У краінах, дзе смяротнае пакаранне дазволена, існуе інстытут легальных забойцаў, якія здзяйсняюць наўмыснае забойства.

26.01.2016 Судовая памылка і немагчымасць яе выпраўлення

Пазбегнуць памылак немагчыма. Незалежна ад таго, якія працэсуальныя гарантыі ўбудаваны ў судовую сістэму і якімі б ні былі дасягненні навукі і тэхналогіі, гэтай сістэмай заўсёды будуць кіраваць людзі – а людзям уласціва памыляцца. І гэтыя памылкі адбываюцца нашмат часцей, чым гэта сабе ўяўляе большасць.

26.01.2016 Баранавічы: суд над актывістамі, якія выявілі пратэрмінаваныя прадукты і былі абвінавачаны ў хуліганстве, працягнецца 29 студзеня

На першым паседжанні суда Баранавіцкага раёна 25 студзеня Рыгор Грык і Аляксандр Вайцешык, абвінавачаныя па арт.17.1 КаАП Рэспублікі Беларусь, пазнаёміліся з матэрыяламі справы, але не цалкам.

26.01.2016 Рабочых аварыйна-аднаўленчых брыгад засялялі ў прамерзлыя памяшканні

Рабочыя дадатковых аварыйна-аднаўленчых брыгад з Быхаўскага, Дрыбінскага і Касцюковіцкага РЭСаў былі накіраваныя ў Бабруйскі раён для узнаўлення электразабеспячэння падчас цыклону "Даніэла".

26.01.2016 ГУУС: фізічная сіла да актывістаў і журналіста ўжывалася для спынення супрацьпраўных дзеянняў

26 студзеня ГУУС дало сваю адзнаку па факце збіцця двух актывістаў і журналіста TUT.by у судзе Фрунзенскага раёна, якія прыйшлі на пасяджэнне па "справе графіцістаў".

26.01.2016 Amnesty International: Замяніце сьмяротны прысуд Генадзю Якавіцкаму

Міжнародная праваабарончая арганізацыя Amnesty International заклікае прэзыдэнта Беларусі зьмякчыць сьмяротнае пакараньне Генадзю Якавіцкаму.

26.01.2016 Справа графіцістаў: працяг 29 студзеня

Вадзім Жаромскі заявіў пра ціск на яго пад час следства і адзначыў, што допыты праходзілі без адваката.

26.01.2016 Таямніцы расстрэльнага калідора. Частка 2

Прадстаўнікамі кампаніі "Праваабаронцы супраць смяротнага пакарання ў Беларусі" збіраюцца ўспаміны і сведчанні былых супрацоўнікаў СІЗА №1, былых вязняў, сваякоў расстраляных, частка якіх і пакладзеныя ў аснову дадзенай публікацыі.

26.01.2016 Праваабарончая праграма “Вясна” на Беларускім Радыё Рацыя

"Падзея": У судзе Фрунзенскага раёна 25 студзеня пачаўся разгляд крымінальнай справы аб патрыятычных графіці. "Асоба": Праваабаронцы ўжо працяглы час збіраюць ўспаміны і сведчанні былых супрацоўнікаў СІЗА №1 і былых вязняў, сваякоў, на аснове якіх стартавала серыя публікацый “Таямніцы расстрэльнага калідора”.