Праваабарончы цэнтр «ВЯСНА»

Навіны за 5 лістапада 2015

05.11.2015 У Гродне абвінавачанне запатрабавала смяротнага прысуду для Івана Куляша

Івана Куляша вінавацяць адразу ў трох забойствах з прымяненнем сякеры, крадзяжы і рабаванні. Дзяржаўнае абвінавачванне патрабуе выключнай меры пакарання – расстрэлу. 28-мі гадовы Іван Кулеш -- выхаванец дзіцячага дому, жыў без сям’і, скончыў усяго 9 класаў школы.

05.11.2015 Жыхарцы Круглага адмовілі ў працаўладкаванні з-за грамадскай актыўнасці

Грамадскай актывістцы з Круглага Зінаідзе Мілешчанка мясцовы райвыканкам адмовіў у прыёме на працу старшынёй гаражнага кааператыва. Самае цікавае, што раней самі супрацоўнікі райвыканкама ўгаворвалі яе ўзначаліць гаражны кааператыў “Будаўнік”.

05.11.2015 У Баранавічах нарэшце з’явіўся доўгачаканы беларускамоўны клас

У Баранавіцкай гімназіі № 4 з 2 лістапада 2015 года стаў працаваць доўгачаканы беларускамоўны 6 “Д” клас. У гэтым класе навучаюцца толькі дзве дзяўчынкі – Яся Малашчанка і Аліса Філіпчык.

05.11.2015 У Брэсце падтрымалі штогадовую кампанію “Станем за журналістыку!”

Сёлета яна прысвечана ўзмацненню кантролю над Інтэрнэтам у Беларусі і, у прыватнасці, праблеме, якая звязана з блакаваннем незалежных беларускіх сайтаў.

05.11.2015 Ігар Аліневіч: Турма – не нагода, каб здавацца і адракацца ад сябе

Былы палітвязень Ігар АЛІНЕВІЧ распавядае сайту palitviazni.info пра фарміраванне свайго светапогляду і тое, як стаў анархістам, пра сваю крымінальную справу, жыццё за кратамі і пасля вызвалення.

05.11.2015 Лябедзьку чакае чарговы суд

На 12 лістапада прызначаны новы судовы працэс па падзеях, якія адбываліся каля будынка КДБ 29 кастрычніка.

05.11.2015 Актывістам БХД забаранілі збіраць подпісы ля Камароўскага рынку

Тэрыторыя каля Камароўскага рынка ўзята пад асаблівы кантроль. Яе інспектуюць ахоўнікі на прадмет магчымай грамадскай дзейнасці.

05.11.2015 Мікалай Аўтуховіч: Рэабілітацыі палітвязняў не будзе

Былы палітычны зняволены Мікалай Аўтуховіч даў ацэнку прыпыненню еўрапейскіх санкцый і прагназуе, ці пойдуць беларускія ўлады на рэабілітацыю палітвязняў.

05.11.2015 Міхаіл Жамчужны знаходзіцца ў карантыне папраўчай калёніі

Пасьля разгляду касацыйнай скаргі і ўступленьня прысуду ў законную сілу віцебскі актывіст Міхаіл Жамчужны апынуўся ў карантыне ў папраўчай калёніі №14 у пасёлку Навасады Барысаўскага раёну Менскай вобласьці.

05.11.2015 Cуд аштрафаваў Алену Луцковіч за публічную заяву пра фальшаваньне выбараў

4 лістапада судзьдзя Акцябрскага раённага суду Ўладзімер Васілеўскі аштрафаваў на 2 мільёны 700 тысяч рублёў назіральнацу на выбарах Алену Луцковіч.

05.11.2015 Бярозаўскай міліцыі прыйшлося знізіць заяўлены кошт паслуг па ахове пікету

Тамара Шчапёткіна, Таццяна Тарасевіч і Сяржук Русецкі -- арганізатары пікету, які адбыўся 27 ліпеня ў Бярозе, былі выкліканы ў мясцовы РАУС для перазаключэння дамовы на аплату паслуг міліцыі па ахове масавага мерапрыемства.