Праваабарончы цэнтр «ВЯСНА»

Навіны за Жнівень 2015

21.08.2015 Завяршыўся першы этап Праваабарончай гуманітарнай місіі ва Украіне

За два з паловай месяцы больш за 20 беларускіх валанцёраў паспелі дапамагчы арганізацыі “Станцыі Харкаў” у працы з вымушанымі перасяленцамі з зоны АТА. У планах – пашырэнне місіі на іншыя ўкраінскія гарады.

21.08.2015 У Кобрыне з’явіліся налепкі з заклікам байкатаваць выбары (фота)

Налепкі і графіці з заклікам да байкоту цяперашніх прэзідэнцкіх выбараў апошнімі днямі рэгулярна з’яўляюцца і ў іншых невялікіх гарадах Брэсцкай вобласці (Жабінцы, Камянцы, Высокім, Лунінцы), дзе не былі заўважаныя сябры ініцыятыўных груп альтэрнатыўных прэтэндэнтаў у прэзідэнты Беларусі.

21.08.2015 Гродзеншчына: беларускамоўныя сайты райвыканкамаў з’явяцца пасля мадэрнізацыі сайту аблвыканкаму (дакумент)

Грамадскі актывіст са Слоніма Іван Шэга атрымаў пісьмовы адказ на свой ліст-зварот да старшыні Гродзенскага аблвыканкама, у якім ён пытаўся, чаму сайт Слонімскага і сайты іншых райвыканкамаў маюць толькі рускі і англійскі варыянты.

20.08.2015 “Падарунак” на дзень народзінаў: Следчы камітэт прад’явіў абвінавачванні фігурантам па “справе графіцістаў”

Сёння Максіму Пякарскаму і Вадзіму Жаромскаму прад’явілі абвінавачванні па ч. 2 арт. 339 КК за нанясенне беларускамоўных графіці і запэцкванне бігборду.

20.08.2015 Гомель: суд аштрафаваў пастара за правядзенне набажэнства

У Гомелі 20 жніўня суд Цэнтральнага раёна прыняў рашэнне прызнаць пастара Царквы Божай «Пераўтварэнне» (Преображение) Сяргея Нікалаенку вінаватым у парушэнні парадку правядзення масавага мерапрыемства (ч.2 арт. 23.34 КаАП). Святара пакаралі штрафам у памеры 20 базавых велічынь.

20.08.2015 Беларуская партыя левых “Справядлівы свет” вылучыла 70 прадстаўнікоў ва ўчастковыя выбаркамы ў Брэсцкай вобласці

Як паведаміў старшыня абласной структуры партыі Леанід Майструк, вылучэнне актывістаў ва ўчастковыя выбарчыя камісіі па выбарах прэзідэнта адбываецца ў Брэсце, Баранавічах, Пінску, Кобрыне, Століне, Івацэвічах.

20.08.2015 Каманда Таццяны Караткевіч будзе збіраць подпісы да апошняга

Прыкладна 120 000 подпісаў сабрана зараз за прэтэндэнтку ў прэзідэнты Таццяну Караткевіч, адзначаюць сябры яе ініцыятыўнай групы. Масавая здача дакументаў у камісіі запланавана на заўтра. Тады ж адбудзецца і заключны пікет каля мінскай Ратушы.

20.08.2015 Жлобінскія чыноўнікі не прайшлі тэст на дэмакратыю ў ААН

Міжнародныя эксперты не пагадзіліся з чыноўнікамі, якія забаранілі аўтару правесці ў 2007 годзе пікет пратэсту супраць пераследу экс-кандыдата ў прэзідэнты Аляксандра Казуліна.

20.08.2015 На матчы БАТЭ — "Партызан" затрымалі заўзятара ў майцы з “Пагоняй”

Пры гэтым міліцыя не адрэагавала на вялікі імперскі сцяг, вывешаны фанатамі сербаў, хоць гэты сімвал нерэкамендаваны УЕФА для праносу на стадыёны.

20.08.2015 У Бабруйску перад выбарамі ажыў Каардынацыйны савет

У Бабруйску зноў збіраўся Каардынацыйны савет грамадскіх арганізацый і палітычных партый. Звычайна ён актывізуецца падчас выбарчых кампаній дзеля таго, каб заклікаць бабруйчан "галасаваць за стабільнасць".

20.08.2015 Бярозаўка: чарговы ператрус па справе флэш-мобу

На гэты раз прадстаўнікі прадстаўнікі аддзелу крымінальнага вышуку па Лідскім раёне наведаліся ў кватэру Юрыя Дзяшука -- грамадскага актывіста і журналіста-фрылансера. Ператрус праводзіўся з санкцыі раённага пракурора ў рамках расследавання крымінальнай справе па факце флэш-мобу.

20.08.2015 У Бялынічах супрацоўнікаў мясцовага райспажыўтаварыства абавязалі збіраць подпісы за Мікалая Улаховіча

Па інфармацыі, атрыманай з неафіцыйных крыніц, 19 жніўня кіраўніцтва Бялыніцкага райспажыўтаварыства выклікалі ў Магілёў у аблспажыўсаюз, дзе ім была пастаўлена задача тэрмінова актывізаваць сбор подпісаў за вылучэнне кандыдатам на пасаду прэзідэнта прэтэндэнта Мікалая Улаховіча.

20.08.2015 У фрыланс-журналіста з Бярозаўкі забралі камп’ютар і прынтар

19 жніўня ў Бярозаўцы (Гродзенская вобласць, Лідскі раён) два супрацоўнікі міліцыі ў цывільным правялі ператрус у кватэры, дзе жыве журналіст-фрылансер Юрый Дзяшук.

20.08.2015 Павел Сапелка: Надпіс з выявамі не парушае груба грамадскі парадак і не выказвае відавочнай непавагі да грамадства

З’яўленне новых палітвязняў прымушае аналізаваць некаторыя аспекты крымінальнага пераследу, якія выклікаюць дыскусіі ў грамадстве і ў СМІ. Каментар юрыста Паўла Сапелкі адносна крымінальных справаў супраць новых палітвязьняў.