Праваабарончы цэнтр «ВЯСНА»

Навіны за Люты 2013

19.02.2013 Беларусь ігнаруе рашэнні Камітэта ААН па правах чалавека

Беларусь упарта ігнаруе рашэнні Камітэта ААН па правах чалавека ў дачыненні да грамадзян, чые правы мусяць быць адноўленыя. Гэтыя рашэнні носяць рэкамендацыйны характар, апраўдваюцца чыноўнікі.

19.02.2013 Аршанскі дэпутат даў несапраўдны нумар тэлефона жадаючым задаць яму пытанні

Якое ж было здзіўленне тых, хто тэлефанаваў, калі высветлілася, што гэты тэлефон належыць жыхарцы Оршы Галіне Л., якая пражывае па вуліцы Міра і зусім не знаёмая ні з самім дэпутатам Дзедушкінымым, ні з яго памочнікам Аленай Чумачэнка, а таму ніякага запісу на прыём весці не можа.

19.02.2013 У Віцебску маліліся за палітвязняў

Увечары 18 лютага актывісты аргкамітэту па стварэнні партыі "Беларуская Хрысціянская Дэмакратыя" ў межах марафону "Хваля Салідарнасці" правялі супольную малітву за палітвязняў. Такія малітвы на Ўспенскай горцы ў Віцебску, каля крыжа Ефрасінні Полацкай, праводзяцца не ўпершыню.

19.02.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня” - круглы стол па тэме “Справы зніклых – без тэрміну даўніны”. Госць рубрыкі "Асоба. Дзяржава. Грамадства" – журналіст Аляксандр Тамковіч, які нядаўна выдаў кнігу “Жыццё пасля кратаў”.

18.02.2013 У Магілёве памочніка пракурора дэпрэміравалі за непрафесіяналізм, а потым прызналі "Лепшым па прафесіі"

Магчыма такім чынам улады спрабуюць кампенсаваць сваім супрацоўнікам раней панесеныя, у сувязі з іх некампетэнтнасцю, грашовыя страты. Ганаровым званнем з уручэннем дыплома і грашовай прэміі ў памеры пяці базавых велічынь быў узнагароджаны і памочнік пракурора Ленінскага раёна Кірыл Абрамаў.

18.02.2013 Міклаш Харашці: Я зацікаўлены ў тым, каб непрадузята паказаць сітуацыю ў Беларусі

"Я зацікаўлены ў тым, каб у сваім дакладзе непрадузята паказаць сітуацыю ў Беларусі, у тым ліку пазіцыю беларускага ўрада, яго бачанне існых праблем і шляхі іх вырашэння", — заявіў спецдакладчык па сітуацыі ў Беларусі Савета па правах чалавека (СПЧ) ААН Міклаш Харашці 18 лютага на сустрэчы з беларускімі журналістамі ў Кіеве.

18.02.2013 Ліда: суд за ўскладанне кветак на месцы пахавання ксяндза Адама Фалькоўскага

На Гарадзеншчыне пачата чарговая адміністрацыйная справа за ўшанаванне памяці паўстанцаў 1863 года. На гэты раз абсурднай рэпрэсіўнасцю вырашылі вызначыцца лідскія ўладныя органы. У сераду, 20 лютага, у Лідзе адбудзецца суд над Аляксандрам Калышкам, старшынёй грамадскага аб’яднання “Польскай культуры зямлі Лідскай”.

18.02.2013 Магілёўскі абласны суд не зняў з прафуліку КДБ Алега Аксёнава

“Я буду дамагацца таго, каб мяне знялі з прафуліку КДБ, на які мяне паставілі па надуманных прычынах супрацоўнікі дадзенай установы. Буду абскарджваць рашэнні мясцовых судоў да самога Вярхоўнага суда”, - кажа Алег Аксёнаў.

18.02.2013 Памежніку, які не паведаміў пра шведскі самалёт, далі 2 гады калоніі

Вайсковец быў прызнаны вінаватым у тым, што парушыў службовыя абавязкі і не паведаміў пра самалёт-парушальнік у адпаведныя падраздзяленні Мінабароны.

18.02.2013 Затрыманых студэнтаў-«вікіпэдыстаў» адпусьцілі

Затрыманыя на вакзале ў Берасьці Руслан Ясаеў (студэнт БДЭУ) і Улад Гурыновіч (студэнт ЭГУ) выйшлі на свабоду. Некалькі гадзінаў іх трымалі на памежным пераходзе ў Берасьці.

18.02.2013 Аляксандра Баразенку выклікаюць у пракуратуру

“У межах праверкі” незалежнага тэлеаператара просяць з’явіцца ў Мінскую гарадскую пракуратуру ў сераду 20 лютага. Адпаведная позва была накіраваная журналісту на адрас па месцы прапіскі.

18.02.2013 У Лукашэнкі просяць інфармацыю пра колькасць памілаваных сярод прысуджаных да расстрэлу

Брэсцкі праваабаронца Раман Кісляк просіць Аляксандра Лукашэнкі даць інфармацыю пра колькасць памілаваных сярод прысуджаных да смяротнага пакарання ў Беларусі за апошнія 19 гадоў.

18.02.2013 Упраўленне юстыцыі не рэагуе на неправамерныя дзеянні Салігорскага суда

Новы спосаб супрацьдзеяння жадаючым скардзіцца ў Камітэт ААН пачаў дзейнічаць на практыцы. Салігорскі маладафронтавец Андрэй Тычына атрымаў адказ Галоўнага упраўлення юстыцыі Мінскага аблвыканкаму на сваю скаргу аб нявыдачы вызначэння Мінскага абласнога суда судом Салігорскага раёна.

18.02.2013 У Віцебску суд за расцяжку “Свабоду палітвязням” перанесены на 21 лютага (дадаліся фота)

Адміністратыўныя справы сябраў ствараемай партыі БХД Аляксея Кішчука і Станіслава Лаўрэнава будуць разгледжаныя 18 лютага ў судзе Кастрычніцкага раёна Віцебска.

18.02.2013 Віцебскія прыхільнікі БХД накіравалі каля двух дзесяткаў лістоў палітвязням (фота)

"Супольнае напісанне лістоў да палітвязняў – гэта працяг "Хвалі салідарнасці”, шэрагу акцый, якія праводзяцца ў падтрымку палітвязняў", -- распавяла Тацяна Севярынец, віцебская каардынатарка аргкамітэту па стварэнні партыі БХД.