Праваабарончы цэнтр «ВЯСНА»

Навіны за Сьнежань 2012

24.12.2012 Андрэй Бандарэнка: Зарэгістравалі новую арганізацыю, працуем далей

Актывісты ўстановы «Платформа», якая займалася абаронай правоў вязняў і была закрытая ўладамі, заявілі пра пачатак дзейнасці ад імя новай праваабарончай установы «Платформ інавэйшн».

24.12.2012 Калядная паштоўка Алесю Бяляцкаму

Журналіст, аўтар кнігі “Справа Бяляцкага” Валер Каліноўскі апублікаваў у сваім блогу на сайце Радыё “Свабода” віншаванне з Калядамі, якія ўжо другі год палітвязень сустракае за кратамі.

24.12.2012 У Віцебску рабочых прымусяць працаваць на Каляды

Адпаведны факс разаслала кіраўнікам прадпрыемстваў адміністрацыя Першамайскага раёну Віцебска.

24.12.2012 У Смалявічах затрыманыя журналісты

Сяргей Вазняк, Мікалай Петрушэнка, Вячаслаў Пяшко і Лола Бурыева знаходзяцца цяпер у Смалявіцкім РАУСе. Іх не пусцілі на сустрэчу з дэпутатам і адвялі ў міліцыю.

24.12.2012 Брэст: міліцыянты шукаюць незалежную журналістку, каб прывесці яе ў пракуратуру

Пра тое, што супрацоўнікі міліцыі цікавяцца месцам знаходжання Аліны Літвінчук, распавёў старшыня Брэсцкай абласной арганізацыі Аб’яднанай грамадзянскай партыі Уладзімір Вуек, у кватэры якога апошнім часам жыла журналістка.

24.12.2012 З Калядамі і Новым годам, шаноўныя сябры!

Праваабарончы цэнтр “Вясна” зычыць вам, каб 2013-ы стаў часам апраўданых надзеяў і чаканняў, каб усе перашкоды развеяў вецер пераменаў, а ўсялякі крок наперад быў плённым і радасным! Шчыра дзякуем усім за разуменне і падтрымку ў вельмі няпростыя для нас дні 2012-га. Будзем разам у новым годзе!

23.12.2012 Васіль Парфянкоў: "У пошуках волі" (відэа)

Новы фільм з сэрыі "Хроніка суднага часу" зьявіўся ў інтэрнэце. Стужка "У пошуках волі" прысьвечаная палітзьняволенаму Васілю Парфянкову, які адбывае пакараньне ў г. Баранавічы.

22.12.2012 Прымусовая падпіска на Салігоршчыне стала штодзённасцю

Прымусовая падпіска на дзяржаўныя друкаваныя выданні ў Салігорскім раёне ўжо стала сумнай традыцыяй, якая паўтараецца напрыканцы кожнага году. І гэты снежань не стаў выключэннем. Мясцовыя праваабаронцы адзначаюць падвойны ціск на грамадзян.

22.12.2012 Слонімцы павіншавалі палітвязняў са святамі (фота)

Слонімцы падпісалі ўсім беларускім палітвязням лісты, у якіх павіншавалі іх з надыходзячымі святамі, а таксама пажадалі найхутчэйшага вызвалення з-за кратаў. За некалькі дзён да гэтага кіраўнікі слонімскіх суполак дэмакратычных партый таксама асобна выслалі ўсім палітзняволеным віншавальныя паштоўкі.

21.12.2012 Далучыся да віншавання палітвязняў!

Майстар народных рамёстваў, аўтар работ-выцінанак “Усеагульная дэкларацыя правоў чалавека” Вольга Бабурына запрашае наведаць дабрачынны майстар-клас па выразанні з паперы розных нескладаных узораў —сняжынак, ялінак, вазонаў, вожыкаў і іншага і па вырабе самаробных калядных паштовак. Ён адбудзецца ў суботу, 22 снежня, у 16.30 на сядзібе Партыі БНФ па адрасе: Мінск, вул.Чарнышэўскага, 3.

21.12.2012 Звольнены віцебскі лекар публічна звярнуўся да кіраўніка вобласці

Атрымаўшы дакумент пра звальненне, Ігар Пастноў запісаў відэазварот да Аляксандра Косінца. Але ў ім няма просьбы пра заступніцтва ці чагосці падобнага: звольнены лекар гаворыць пра бяспраўе медычных работнікаў, якіх можна выгнаць "як сабаку".

21.12.2012 Свіслач: працягваюцца суды і складанне пратаколаў за ўдзел у Дні памяці паўстанцаў

Працягваецца “свіслацкая карная эпапея” за ўдзел у традыцыйным Дні памяці паўстанцаў 1863 году, які прайшоў у Свіслацкім раёне 27 кастрычніка. Найбольш абсурдна выглядае сітуацыя з Валерам Кісялём, на якога складзены пратакол паводле артыкулу “незаконны ўдзел у масавым мерапрыемстве”, але якога ўвогуле не быў на фэсце ў Свіслачы і які знаходзіўся ў гэты дзень у Мінску.

21.12.2012 Брэст: беларускамоўны клас атрымаў падарункі ад дырэктара беларускай службы радыё “Свабода”

Навучэнцы беларускамоўнага 2 “Б” класа пачатковай школы № 34 горада Брэста атрымалі перад Калядамі і Новым годам ад дырэктара беларускай службы Радыё “Свабода” Алеся Лукашука падарункі -- беларускамоўныя дзённікі на будучы навучальны год, фламасцеры і іншыя вучнёўскія прыналежнасці.

21.12.2012 Дэпутат Аляксандр Юркевіч ад сустрэчы з рабочымі ўхіліўся

Не дачакаліся сустрэчы з дэпутатам Палаты прадстаўнікоў Аляксандрам Юркевічам рабочыя Адкрытага акцыянернага аб’яднання “Бярозабуд”. Больш за месяц таму яны напісалі яму зварот, дзе прасілі прыехаць на сустрэчу, каб разам з кіраўнікамі прадпрыемства і раёна, рабочымі за круглым сталом абмеркаваць далейшы лёс прадпрыемства і калектыва.

21.12.2012 У Берліне прайшла акцыя салідарнасці з беларускімі палітвязнямі

Нагодай стала два гады са дня мінулых прэзідэнцкіх выбараў. Менавіта 19 снежня 2010 адбылося масавае парушэнне правоў чалавека - на мірнай акцыі было затрымана каля 700 чалавек, дзясяткі актывістаў былі жорстка збітыя міліцыянтамі.