Праваабарончы цэнтр «ВЯСНА»

Навіны за Ліпень 2012

27.07.2012 У Бабруйску зноў запрацуе “гарачая лінія” па выбарах

Паводле афіцыйнага паведамлення, патэлефанаваўшы на ўказаныя нумары тэлефонаў, жыхары горада змогуць “выказаць сваё меркаванне па грамадска важных пытаннях”. Як высветлілі мясцовыя праваабаронцы падчас апошніх прэзідэнцкіх выбараў, на "гарачай лініі" працавалі спецыялісты аддзелаў ідэалогіі.

27.07.2012 Бабруйск: Дзверы офіса свабоднага прафсаюза замуравалі (фота)

Дзверы офіса Свабоднага прафсаюза Беларускага на заводзе трактарных дэталяў і агрэгатаў (ТДіА) замуравалі - нягледзячы на пастанову Гаспадарчага суда Магілёўскай вобласці, які адмовіў заводу ў задавальненні іску аб прымусовым высяленні аб’яднання з памяшкання.

27.07.2012 У Магілёве звольнілі з працы аўтара здымкаў пра расталы маргарын

Уладзімір працаваў простым грузчыкам на магілёўскім хлебзаводзе №4. За сваю актыўную грамадзянскую пазіцыю і палітычную дзейнасць актывіст меў некалькі размоваў з адказным за ідэалогію на заводзе сп. Драздом, які прапаноўваў яму альбо стаць на шлях ісціны, альбо звольніцца па ўласнаму жаданню.

27.07.2012 Павел Сапелка: Цяперашняя сітуацыя з Антонам Сурапіным ў СІЗА КДБ нагадвае сітуацыю снежня 2010-га

У сітуацыі з нядопускам адваката да фотажурналіста Антона Сурапіна ў СІЗА КДБ юрыст-праваабаронца Павел Сапелка выказвае занепакоенасць магчымасцю паўтарэння долі арыштантаў Плошчы-2010: у той час як адвакаты “па тэхнічных прычынах” не маглі сустрэцца са сваімі падабароннымі, апошнія падвяргаліся катаванням.

27.07.2012 У Бабруйску пачаўся сезон пасквіляў?

Газета гарвыканкама “Бабруйскае жыццё” надрукавала артыкул пад назвай “Большое счастье господина Борзова”, у якім “перамывае косткі” аднаму з мясцовых грамадскіх актывістаў, які, аднак, не бярэ ўдзелу ў выбарах-2012. Падчас мінулай парламенцкай кампаніі гэтае выданне адзначылася злоснымі пасквілямі ў бок усіх дэмакратычных кандыдатаў у дэпутаты.

27.07.2012 НІСЭПД: Электарат стаў меньш давяраць праўладным кандыдатам

Апытанне НІСЭПД паказвае, што ў 2008 годзе за прыхільнікаў Лукашэнкі гатовыя былі галасаваць 43,5% рэспандэнтаў, сёлета – 27,6%. Узрасла падтрымка апазіцыйных кандыдатаў – 19,6% у 2008 і 28,2% цяпер. Варыянт “за іншага кандыдата” абрала 21,9% у 2008 і 27,4% у 2012.

27.07.2012 Затрыманьне на Дзень Незалежнасьці

На прыступках суда Першамайскага раёна Менска 27 ліпеня затрыманая вядомая актывістка і нязломны сцяганосец Ніна Багінская.

27.07.2012 Баранавічы: Падчас збору подпісаў – віншаванні з Днём Незалежнасці

У Баранавічах 27 ліпеня з’явіўся другі пікет па збору подпісаў насупраць гандлёвага цэнтру “Вясёлка”, які арганізаваў прэтэндэнт у дэпутаты Рыгор Грык. Яго ініцыятыўная група была зарэгістравана 20 ліпеня па Баранавіцкай-Усходняй выбарчай акрузе № 6.

27.07.2012 Жодзіна: У правядзеньні пікету 4 жніўня – адмовіць

Гарадзкія ўлады Жодзіна забаранілі мірны пікет, заяўлены на 4 жніўня праваабаронцамі з мэтаю патрабаваньня вызваленьня ўсіх палітвязьняў, а таксама вядомага праваабаронцы Алеся Бяляцкага.

27.07.2012 Слонім: Адміністратар рынка спрабавала спыніць пікет па зборы подпісаў

Сёння, 27 ліпеня, у Слоніме каля ўваходу на рынак “Косаўскі” быў наладжаны пікет па збору подпісаў за вылучэнне кандыдатам у дэпутаты Палаты прадстаўнікоў Івана Шэгі – лекара-траўматолага, кіраўніка слонімскай суполкі Партыі БНФ. Але адміністратар рынка спадарыня Скок, калі ўбачыла пікет, пачала выказваць сваё незадавальненне.

27.07.2012 Аляксандр Каляда: пікеты па збору подпісаў не маюць эфекту

Начальнік галоўнага ўпраўлення арганізацыйна-кадравай працы Брэсцкага аблвыканкама лічыць, што арганізаваныя пікеты для збору подпісаў за вылучэнне кандыдатаў у дэпутаты, не будуць плённымі: “Гэта, хутчэй, дадатковая магчымасць піяру, якая напэўна будзе выкарыстоўвацца менавіта з гэтай мэтай".

27.07.2012 Легендарны Мірон узняў бел-чырвона-белы сцяг у гонар палітвязняў

Змест паслання , напісанага Міронам: "На знак салідарнасці з палітвязнямі, якія годна трымаюцца ў турмах і ў сваім змаганні за нашу шматпакутную Радзіму бяруць прыклад з нацыянальнага героя Беларусі Кастуся Каліноўскага. З нашым святым бел-чырвона-белым сцягам мы абавязкова пераможам! Жыве Беларусь! Жыве вечна! Мірон".

27.07.2012 Салігорск: Пра выбары альбо добра, альбо нічога

Салігорскія праваабаронцы прааналізавалі інфармацыйныя матэрыялы мясцовых СМІ за апошні месяц і прыйшлі да высновы, што колькасць і якасць матэрыялаў выбарчай тэматыкі прама прапарцыйна залежнасці гэтых СМІ ад уладаў.

27.07.2012 Пасол ЗША пры АБСЭ запатрабаваў вызваліць Сурапіна і Дашкевіча

Амбасадар ЗША пры АБСЭ Іэн Кельлі у выступе на паседжаньні Пастаяннай Рады АБСЭ ў Вене 26 ліпеня 2012 году выказаў заклапочанасьць «сур’ёзным грэбаваньнем Беларусьсю сваіх міжнародных абавязальніцтваў, у тым ліку ў рамках АБСЭ ў галіне павагі да правоў чалавека, асноўных свабодаў і вяршэнства закона».

27.07.2012 Слонімскія дэмакраты плануюць вылучыць сваіх прадстаўнікоў ва ўсе ўчастковыя камісіі

Па словах кіраўнікоў слонімскіх суполак партый БНФ, БХД, АГП, “Справядлівы свет” — у камісіі на слонімскія выбарчыя ўчасткі плануецца вылучыць 49 чалавек: ад партыі БНФ — 20, ад БХД — 15, ад “Справядлівага свету” — 9 і ад АГП — 5. Але хто з іх і колькі туды трапяць — пакажа час.