Праваабарончы цэнтр «ВЯСНА»

Навіны за Ліпень 2012

27.07.2012 Адвакат два дні не можа сустрэцца з Антонам Сурапіным

На працягу ўжо двух дзён, 25 і 26 ліпеня, адвакат не можа сустрэцца з Антонам Сурапіным, які знаходзіцца ў следчым ізалятары Камітэта дзяржбяспекі, паведаміла маці фатографа.

27.07.2012 У Пінску не бачна выбарчай актыўнасці

Нягледзячы на тое, што па двух пінскіх выбарчым акругах зарэгістраваліся пяць ініцыятыўных груп пазбору подпісаў за кандыдатаў у дэпутаты ПП НС, пакуль іх актыўнай дзейнасці не бачна. Прынамсі, ніхто з іх не выстаўляў пікеты па збору подпісаў.

27.07.2012 У Барысаве просяць адмяніць вылучэнне ў кандыдаты Гумінскага

Праваабаронца Ігар Леднік адправіў калектыву ААТ «Экран» зварот з просьбай адмяніць рашэнне аб вылучэнні кандыдатам у дэпутаты парламента па Барысаўскай сельскай выбарчай акрузе № 63 Віктара Гумінскага.

27.07.2012 Полацк: Цэнтрвыбаркам адмяніў рашэнне акруговай камісіі

Цэнтрвыбаркам задаволіў скаргу палачаніна Сяргея Рабцава, чыю ініцыятыўную групу не зарэгістравала Полацкая акруговая выбарчая камісія. Такім чынам, у перадвыбарчай гонцы ў Полацку ўдзельнічаюць 6 ініцыятыўных груп.

26.07.2012 Барысаў: раёнка апублікавала «кампрамат» на патэнцыйнага кандыдата

Газета Барысаўскага райвыканкама «Адзiнства» (рэдактар Вера Пратасевіч) апублікавала матэрыял, у якім ставіцца пад сумнеў законапаслухмянасць рэдактара незалежнай газеты «Барысаўскія навіны» Анатоля Букаса, які зарэгістраваў ініцыятыўную групу.

26.07.2012 Удзельнік выбарчай кампаніі звярнуўся да прыхільнікаў байкоту з "канкрэтнай прапановай"

Прапанова такая: каб зладзіць паказальную кампанію байкоту на Віцебшчыне, у Докшыцкай выбарчай акрузе №22. Там для такой кампаніі склаліся аптымальныя ўмовы, лічыць актывіст кампаніі "Гавары праўду", старшыня Глыбоцкай раённай суполкі Патыі БНФ Яраслаў Берніковіч.

26.07.2012 Івацэвіцкія камунальшчыкі не падпісаліся за вылучэнне свайго былога начальніка

Рабочыя філіяла Івацэвіцкай жыллёва-камунальнай гаспадаркі “Райводазабор” адмовіліся ставіць подпісы за вылучэнне кандыдатам у дэпутаты былога начальніка жыллёва-камунальнай гаспадаркі, дзейснага дэпутата Палаты прадстаўнікоў Леаніда Кавалевіча, якога так нахвальваў "Івацэвіцкі веснік".

26.07.2012 Журналіста “Еўрарадыё” адпусцілі. Справу накіравалі на дапрацоўку.

Сёння ў судзе Цэнтральнага раёна Мінска разглядалася адміністрацыйная справа журналіста “Еўрапейскага радыё” Віталя Ругайна, затрыманага 25 ліпеня і абвінавачанага ў брыдкаслоўі. Суддзя – Таццяна Ткачова.

26.07.2012 Сябра акруговай камісіі ад "Справядлівага свету" выключаць з яе складу?

Прадстаўнік Беларускай партыі левых "Справядлівы свет" Уладзімір Баршчэўскі быў уключаны ў склад акруговай камісіі па Аршанскай Дняпроўскай выбарчай акрузе № 27. Нягледзячы на тое, што ўжо адбылося 5 паседжанняў камісіі, ні ў адным з іх Уладзімір Адамавіч удзелу не прыняў.

26.07.2012 Акруговая камісія накіравала заяву Петрушэнкі ў пракуратуру

26 ліпеня камісія Аршанскай Дняпроўскай акругі № 27 разгледзела заяву Мікалая Петрушэнкі, актывіста «Нашага дома» і «Справядлівага свету», аб ануляванні рэгістрацыі яго ініцыятыўнай групы.

26.07.2012 Колькасць участкаў для галасавання скарачаецца ва ўсіх абласцях

Для правядзення парламенцкіх выбараў у гэтым годзе створана 6349 участкаў для галасавання, што на 178 менш, чым падчас папярэдняй парламенцкай выбарчай кампаніі. Паводле інфармацыі ЦВК, скарачэнне колькасці участкаў назіраецца па ўсіх абласцях, за выключэннем Мінска, дзе ў гэтым годзе з'явілася 19 новых участкаў.

26.07.2012 Раман Юргель выказаў недавер камісіі Ваўкавыскай выбарчай акругі

Гарадзенскі праваабаронца з БХК Раман Юргель падаў заявы ў Цэнтральную Выбарчую Камісію і ў Генеральную пракуратуру Рэспублікі Беларусь. Ён просіць правесці праверку па факце парушэння выбарчага заканадаўства і выявіць сапраўдны стан рэчаў, прыводзячы наступныя факты.

26.07.2012 ЦВК не прымае дакументы па пошце, каб не рэгістраваць «кандыдатаў-фантомаў»

Кіраўнік Цэнтрвыбаркама Лідзія Ярмошына на прэс-канферэнцыі 26 ліпеня патлумачыла, чаму выбарчая камісія не зарэгістравала ініцыятыўную групу па вылучэнні кандыдатам у дэпутаты актывіста кампаніі «Гавары праўду!» Івана Амельчанка.

26.07.2012 “Свае” калектывы вылучаюць “сваіх” кандыдатаў

Раённая газета «Голас Веткаўшчыны» паведаміла, што калектыў Веткаўскай раённай бальніцы вылучыў “свайго” кандыдата на выбары ў парламент па Буда-Кашалёўскай выбарчай акрузе №38 - старшыню Рэчыцкага райвыканкама Пятра Шостака. А раней рэчыцкага старшыню вылучыў калектыў камунальнікаў з Чачэрску, што таксама адносіцца да гэтай выбарчай акругі.

26.07.2012 Паўлу Севярынцу прапанавалі распісацца ў тым, што да яго не можа быць прыменена амністыя

Паўлу Севярынцу, аднаму з фігурантаў крымінальнай справы аб масавых беспарадках 19 снежня 2010, сустаршыні аргкамітэта па стварэнні партыі "Беларуская хрысціянская дэмакратыя", афіцыйна адмоўлена ў амністы.