Праваабарончы цэнтр «ВЯСНА»

Навіны за Лістапад 2011

23.11.2011 Стэфановічу прызначылі два суды на 2 сьнежня

23 лістапада Партызанскі суд Менску пачаў разгляд скаргі намесьніка старшыні праваабарончага цэнтру "Вясна" Валянціна Стэфановіча адносна штрафу, вынесенага яму падатковай інспэкцыяй Партызанскага раёну. Суд перанёс разгляд скаргі на 2 сьнежня.

23.11.2011 Маці Кавалёва просіць абараніць абвінавачаных у тэракце ад смяротнага пакарання

Любоў Кавалёва звяртаецца да сусветнай грамадскасці праз інтэрнэт. На адмысловым сайце размешчана яе адозва, пад якой можа падпісацца кожны, хто выступае супраць смяротнага пакарання Ўладзіслава Кавалёва і Дзмітрыя Канавалава, якіх вінавацяць у мінскім тэракце 11 красавіка.

23.11.2011 Кэтрын Эштан і Штэфан Фюле заклікалі неадкладна вызваліць Алеся Бяляцкага

Кэтрын Эштан і Штэфан Фюле выступілі сёння з наступнай заявай: «Мы сур’ёзна занепакоеныя затрыманнем і судовым пераследам міжнародна вядомага беларускага праваабаронцы Алеся Бяляцкага за меркаванае ўхіленне ад выплаты падаткаў.

23.11.2011 Адтэрміноўка адменена, прафсаюзны актывіст пойдзе ў войска

Старшыню магілёўскай гарадской арганізацыі незалежнага прафсаюза радыёэлектроннай прамысловасці Паўла Варашылава забіраюць у войска. 25 чысла ён мусіць прыйсці ў ваенкамат для вырашэння апошніх арганізацыйных момантаў, а 29 яго адправяць у войска.

23.11.2011 Журналістаў не пусцілі працаваць на мяжу

Позна ўвечары 22 лістапада на выездзе з Гародні супрацоўнікі міліцыі затрымалі здымачную група Белсату і карэспандэнтку Радыя Рыцыі. Журналісты мелі намер распавесці пра падзеі на пасежным пераходзе Брузгі. Як паведамляе ў ЖЖ poczobut, іх даставілі ў Кастрычніцкі РАУС. Падрабязнасьці высвятляюцца.

23.11.2011 Пакараныя за сувязь са «Свабодай»

Ад 16 лістапада ў штрафным ізалятары Івацэвіцкай калёніі трымае галадоўку палітвязень Мікалай Аўтуховіч. Сёньня ў праваабарончую арганізацыю «Плятформа» трапіў допіс ад ананімнай крыніцы, што адміністрацыя калёніі паабяцалі Аўтуховічу, а таксама двум іншым вязьням Ігару Міхнаўцу і Сяргею Глушаку, якія таксама незаконна кінутыя ў штрафны ізалятар, што яны ўжо ня выйдуць з-за кратаў. Асуджаных, якім нядоўга засталося да вызваленьня, абяцаюць судзіць і накінуць дадатковы тэрмін.

23.11.2011 Чорны спіс дзейнічае: Адменены канцэрт Вайцюшкевіча ў мінскай кавярні

Канцэрт Змітра Вайцюшкевіча ў мінскай кавярні «Містраль» адменены за некалькі гадзінаў да пачатку. Пра гэта музычнаму парталу «Тузіну Гітоў» паведаміў сам сьпявак: «Ізноў было тэлефанаванне зверху, нас імкнуцца загнаць усё глыбей у падполле», — сказаў Зміцер. Дырэкцыя кавярні факт адмены мерапрыемства пацвердзіла, без тлумачэння прычынаў.

22.11.2011 Фокусы ад "Аршанскай газеты"

Дзяржаўныя СМІ да такой ступені маніпулююць падачай інфармацыі, што часам сэнс скажаецца да супрацьлеглага. У апошнім нумары «Аршанская газета» змясціла матэрыял пад загалоўкам «Растуць дамы». Аўтар адразу дзівіць чытача размахам будаўніцтва. А бліжэй да канца артыкула як бы няўзнак паведамляецца, што гадавое заданне выканана на 39,8%.

22.11.2011 Зінаіда Міхнюк абскарджвае дзеянні міліцыянтаў і рашэнне суду

Упраўленне ўнутраных спраў Брэсцкага абвыканкама не знайшло парушэнняў з боку супрацоўнікаў міліцыі, што затрымлівалі Зінаіду Міхнюк у дзень правядзення ў Брэсце Народнага схода 8 кастрычніка.

22.11.2011 Судовы працэс па справе Алеся Бяляцкага: дзень шосты

Сёньня ў будынку суда Маскоўскага раёна Мінска працягнецца працэс старшыні Праваабарончага цэнтру “Вясна” Алеся Бяляцкага.

22.11.2011 Гародня: завочныя суды і немагчымасць абскарджання

Гарадзенскія суды трывала ўзялі на ўзбраенне новую тактыку – завочна выносіць пастановы па адміністрацыйных справах, а потым цягнуць з высыланнем копій пастановаў, каб прыцягнутыя да адказнасці асобы не мелі нават тэарэтычнай мажлівасці іх абскардзіць. У гэтым пераканаліся прадстаўнікі “Маладога Фронту” Алесь Кіркевіч і Вераніка Велігор.

22.11.2011 Сілавікі апраўдваюцца за Крупскі інцыдэнт

УУС Мінаблвыканкама паспяшалася аспрэчыць інфармацыю аб масавых затрыманнях маладых людзей на дыскатэках ў Крупках і раёне, размясціўшы на сваім сайце афіцыйнае аспрэчанне. Нажаль, абвяржэнне ўскосна пацвярджае апублікаваную пра інцыдэнт інфармацыю.

22.11.2011 Брэст: аблвыканкам «паўшчуваў» гарадскія ўлады, але забароны пікету не адмяніў

Кіраўнік Брэсцкай абласной рэгіянальнай арганізацыі Свабоднага прафсаюза Беларускага (СПБ) Валянцін Лазарэнкаў атрымаў адказ з аблвыканкама на скаргу, датычную дзеянняў гарадскіх уладаў, якія забаранілі правядзенне пікету пад лозунгам “За годную працу”, які быў намечаны на 7 кастрычніка.

22.11.2011 У Магілёве арганізатар Народнага схода абскарджвае адміністрацыйнае пакаранне

Кіраўнік магілёўскай абласной арганізацыі Аб’яднанай грамадзянскай партыі Уладзімір Шанцаў падаў скаргу на пастанову суддзі Ленінскага раёна Магілёва Аксаны Ратнікавай у Магілёўскі абласны суд у сувязі з вынесеным яму штрафам за арганізацыю Народнага сходу.

22.11.2011 На Кастрычніцкай плошчы забаронена збірацца ўжо больш за двое

Увечары, 21 лістапада пры спробе сабрацца на Кастрычніцкай плошчы Менска на штодзённую малітву па палітычных зняволеных, супрацоўнікі праваахоўных органаў "разагналі" двух прысутных - Юлію Фралову і Таццяну Зялко.