09.07.2010 Напад на Артура Фінькевіча. Хлопец знаходзіцца ў шпіталі

Артур Фінькевіч і Аляксандар Лыкшын крочылі ў бок управы БНФ праспэктам Машэрава. Раптам да іх падбеглі некалькі чалавек, пырснулі ў вочы невядомай вадкасьцю і зьбілі з ног.

08.07.2010 Агляд-хроніка парушэньняў правоў чалавека ў Беларусі, чэрвень 2010 году

8 чэрвеня прадстаўнікі Праваабарончага цэнтру “Вясна” і Беларускага Хельсінскага камітэту правялі адмысловую прэс-канферэнцыю, прысьвечаную аналізу сітуацыі за першае паўгодзьдзе бягучага году. Адзначана, што за гэты час ніякіх пазітыўных зьменаў, датычных выкананьня правоў чалавека, у краіне не адбылося, а з набліжэньнем прэзідэнцкіх выбараў сітуацыя становіцца больш складанай

08.07.2010 Улады Кубы пагадзіліся вызваліць 52 палітвязняў

Кубінскія ўлады пагадзіліся выпусціць на свабоду 52 палітвязняў, паведамляе AFP ў сераду, 7 ліпеня. Гэта першы выпадак вызвалення такой вялікай групы палітвязьняў з моманту прыходу да ўлады на Кубе Рауля Кастра ў 2008 годзе, адзначае агенцтва.

08.07.2010 “Гавары праўду” выйграла суд у Менгарвыканкаму

У сераду Менскі гаспадарчы суд адмовіў у задавальненьні пазову, пададзенага Менгарвыканкамам аб ліквідацыі адукацыйнай установы «Рух наперад», якая арганізавала кампанію «Гавары праўду».

07.07.2010 Прапановы ў закон “Аб альтэрнатыўнай службе”

Моладзевыя актывісты з арганізацый “Маладыя дэмакраты”, “Рух будучыні”, а таксама беларускія студэнты, прадставілі свае прапановы па змесце закона “Аб альтэрнатыўнай службе”. Дакумент плануецца перадаць на разгляд у Міністэрства працы.

07.07.2010 Жанна Літвіна: «Апошнім часам медыясфера апынулася ў эпіцэнтры рэпрэсій…»

Старшыня ГА «БАЖ» Жанна Літвіна выступіла з дакладам на Канферэнцыі Нацыянальнага форуму грамадзянскай супольнасці «Дарожная мапа Усходняга партнёрства для Беларусі», які 5–6 ліпеня прайшоў у Мінскім Міжнародным адукацыйным цэнтры імя Йаханэса Рау.

07.07.2010 Суд адмовіўся разглядаць пазоў палітыка да міліцыі

Старшыня Цэнтральнага суду Гомелю Рыгор Дзьмітрэнка вярнуў без разгляду грамадзкаму актывісту й палітыку Юр’ю Варонежцаву ягоны пазоў да ўправы дазнаньня УУС Гомельскага аблвыканкаму.

07.07.2010 Івана Крука асудзілі, нават не дапытаўшы сьведкі

Астравецкаму актывісту Івану Круку прысудзілі 1 мільён 50 тысяч рублёў штрафу за паклёп падчас выбарчай кампаніі на чыноўніка з райвыканкаму.

07.07.2010 “Дарожная мапа Ўсходняга партнэрства для Беларусі”: падсумаваньне рэкамендацый

5-6 ліпеня ў Менску адбылася канфэрэнцыя Нацыянальнага Форуму грамадзянскае супольнасьці “Дарожная мапа Ўсходняга партнэрства для Беларусі”. У Форуме ўзялі ўдзел прадстаўнікі больш як 100 арганізацыяў грамадзянскай супольнасьці. З канкрэтнымі прапановамі па разьвіцьці праграмы Ўсходняга партнэрства, якія могуць быць у далейшым вынесеныя на высокі эўрапейскі ўзровень, выступілі шэраг аб’яднаньяў, сярод якіх Асамблея НДА, БАЖ, АГТ-ЦСІ, “Альтэрнатыўная моладзевая палітыка” ды інш.

07.07.2010 Сёння — 10 гадоў з часу знікнення Дзмітрыя Завадскага

Роўна дзесяць гадоў таму бясследна знік вядомы беларускі аператар Дзмітрый Завадскі.

Раніцай 7 ліпеня 2000 года Завадскі, які ў той час працаваў на расійскім тэлеканале ОРТ (зараз — Першы канал), адправіўся ў Нацыянальны аэрапорт "Мінск" сустракаць свайго калегу — журналіста Паўла Шарамета. З таго часу аператара ніхто не бачыў. Яго аўтамабіль быў знойдзены ў аэрапорце.

06.07.2010 Ці перагледзяць барысаўскія чыноўнікі рашэньне пра месцы правядзеньня масавых мерапрыемстваў?

Праваабаронцы з Барысава Марына Статкевіч і Алег Мацкевіч абскарджваюць рашэньне райвыканкаму пра вызначэньне месцаў правядзеньня масавых мерапрыемстваў у горадзе. Тым часам мясцовыя дэмактывісты абскарджваюць штрафы за парушэньне парадку арганізацыі й правядзеньня такіх мерапрыемстваў.

06.07.2010 Заблакаваны сайт “Віцебскага курьеру”

Кіраўніцтва газеты лічыць, што блакаванне сайту звязанае з уступленнем у сілу Указу № 60.

06.07.2010 Сяргея Панамарова падазраюць у абразе прадстаўнікоў улады

Сяргей Панамароў 9 ліпеня а 10 гадзіне мусіць з'явіцца да следчага па асабліва важных справах сп. Азарэвіча ў абласную пракуратуру, што месціцца ў Мінску па адрасе Шчадрына, 1.

06.07.2010 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з чатырох паасобных рубрык: “Хроніка пераследу”, “Падзея тыдня”, “Інтэрвію са змагаром за дэмакратычныя каштоўнасьці” і “Захаваем жыцьцё”. Час выхаду праграмы ў эфір – 15-05. Таксама ў гэты час яе можна слухаць праз інтэрнэт: http://www.racyja.com/pages/listen.html

06.07.2010 У Мінску з’явяцца таксі для людзей з абмежаванымі магчымасцямі

Служба сацыяльнага таксі на базе дзяржаўнага прадпрыемства “Мінсктранс” пачне працаваць у Мінску ад 1 жніўня, паведамляе БЕЛТА. Спецыяльна для гэтай службы пераабсталююць 10 машын. Найперш арыентуюцца на інвалідаў-вазочнікаў і інвалідаў з парушэннямі апорта-рухальнага апарату.