Праваабарончы цэнтр «ВЯСНА»

Навіны за Красавік 2010

28.04.2010 Менск: Сацыял-дэмакраты атрымалі дзесятую частку галасоў

Трое кандыдатаў у дэпутаты ад Беларускай сацыяльна-дэмакратычнай партыі (Грамада) атрымалі на выбарах у Менску ад 8% да 12% галасоў выбаршчыкаў, заняўшы сярод усіх прэтэндэнтаў па акругах два другіх і адно трэцяе месца.

28.04.2010 Старшыня акруговай камісіі - кандыдату: “Чаго вы парыцеся, даўно вядома хто будзе дэпутатам!”

"Старшыня камісіі спадар Кажэмякін сказаў, каб я пакінула скаргу, а камісія разгледзіць яе пазней. Я была абурана гэтымі паводзінамі і пачала выказваць сваё незадавальненне, на што ён мне спакойна сказаў: “Чаго вы парыцеся, ужо даўно вядома хто будзе дэпутатам!”

28.04.2010 Еўрасаюз занепакоены асобнымі аспектамі датэрміновага галасавання ў Беларусі

Еўрасаюз занепакоены асобнымі аспектамі датэрміновага галасавання ў Беларусі, гаворыцца ў заяве пасольства Вялікабрытаніі, якое прадстаўляе ў Мінску старшыню ЕС Іспанію.

28.04.2010 Папярэднія высновы маніторынгу выбараў дэпутатаў мясцовых Саветаў дэпутатаў дваццаць шостага склікання

І. Утварэнне выбарчых камісій па выбарах дэпутатаў мясцовых Саветаў дэпутатаў дваццаць шостага склікання

28.04.2010 Міхасёў: Дэпутаты-прызначэнцы чатыры гады ўвогуле нічога ня робяць

На мясцовых выбарах, якія скончыліся ў нядзелю, было абрана больш за 20 тысяч дэпутатаў. Зь іх толькі 11 чалавек – чальцы апазыцыйных партыяў. Госьць “Начной Свабоды” – дэпутат Бараньскага гарсавету Віктар Міхасёў, сябра БСДП (Грамада), – адзін зь нешматлікіх прадстаўнікоў апазыцыі ў мясцовых саветах.

28.04.2010 Прызыўніка Якавенку спрабуюць асудзіць за ўхіленьне ад войска

У судзе Цэнтральнага раёну г. Гомеля 26 красавіка распачаўся крымінальны працэс па абвінавачваньні актывіста ствараемай партыі БХД Яўгена Якавенкі ва ўхіленні ад службы ў войску па частцы 1 артыкула 435 Крымінальнага Кодэксу.

28.04.2010 Пакараны штрафам яшчэ адзін удзельнік акцыі салідарнасьці

Актывіст грамадзянскай кампаніі "Еўрапейская Беларусь" Алег Ладуцька аштрафаваны за акцыю салідарнасці з палітвязнямі Мікалаем Аўтуховічам і Уладзімірам Асіпенкам.

28.04.2010 Брэсцкі гарвыканкам забараніў апазіцыі правесці 1 мая дэманстрацыю

Брэсцкі гарвыканкам не задаволіў заяўку гарадскіх арганізацый Беларускай сацыял-дэмакратычнай партыі (Грамада) і Беларускай партыі левых "Справядлівы свет" на правядзенне 1 мая дэманстрацыі.

27.04.2010 Рада Эўропы чакае ад Беларусі мараторыю на сьмяротнае пакараньне

"Увядзеньне мараторыю на сьмяротную кару — той захад, якога мы ўсе чакаем ад Беларусі", — заявіла старшыня Камітэту міністраў Рады Эўропы, кіраўнік МЗС Швайцарыі Мішлін Кальмі-Рэй, адкрываючы 26 красавіка сэсію Парлямэнцкай асамблеі Рады Эўропы (ПАРЭ).

27.04.2010 Праверка новаўвядзення ў выбарчы закон: аспрэчыць рашэнне адміністрацыі ў судовым парадку немагчыма

Прадстаўнікі Гарадзенскай абласной арганізацыі Партыі БСДГ звярталі ўвагу суду на той факт, што фізічнай і тэарэтычнай магчымасці абскардзіць рашэнне адміністрацыі Свіслацкага раёну ў вызначаным парадку не існавала, паколькі склады камісій былі надрукаваныя ў афіцыйным друку пазней трох дзён.

27.04.2010 Юрый Чавусаў: Канчатковы вынік у руках аднаго чалавека

Палітолаг адзначыў, што змены, унесеныя ў беларускі выбарчы кодэкс, ніяк не змянілі ні працэдуру падліку галасоў, ні схему вызначэння вынікаў выбараў.

27.04.2010 Баранавічы: Да сотні ўжо зусім недалёка

Баранавіцкая аб’яднаная газета “Наш край” паведаміла сваім чытачам цікавую навіну пра вынікі выбараў у мясцовыя Саветы ў горадзе і ў раёне. Дык вось, па папярэдніх выніках, у горадзе прынялі ўдзел у галасаванні 77, 2 працэнта выбаршчыкаў, а ў раёне – 96,8 працэнты!

27.04.2010 У Бабруйскай гарадской камісіі праблемы з матэматыкай

Па інфармацыі Бабруйскай гарадской выбарчай камісіі 25 красавіка ва ўсіх 40 выбарчых акругах г.Бабруйска выбары дэпутатаў у гарадскі Савет дэпутатаў адбыліся. У новы склад Савета ўвайшлі 35 жанчын і 52 мужчыны, 14 чалавек - дэпутаты мінулага склікання. Як на 40 дэпутацкіх месцаў аказалася мінімум 87 дэпутатаў -- загадка.

27.04.2010 Падчас бегу на 100 метраў памёр салдат тэрміновай службы

Радавы Н., прызваны ў студзені 2010 года на службу ва Узброеныя сілы Рэспублікі Беларусь, падчас спартыўна-масавых мерапрыемстваў, якія праводзіліся ў вайсковай частцы 25 красавіка, раптоўна памёр.

27.04.2010 Брэст: Кандыдат сумняваецца, што за гадзіну на даму магло прагаласаваць 498 выбаршчыкаў

Як падкрэслівае Л. Дзенісенка, за гадзіну і нават за дзень фізічна немагчыма абыйсці такую вялікую колькасць выбаршчыкаў – 498 чалавек. Датэрмінова на выбарчым участку № 43 прагаласавала 235 выбаршчыкаў, у дзень галасавання на ўчастку прагаласаваў 231 выбаршчык, улічваючы той факт, што з гэтымі грамадзянамі працавала 13 асобаў-сябраў выбарчай камісіі.