Праваабарончы цэнтр «ВЯСНА»

Навіны за 26 красавіка 2010

26.04.2010 Баранавічы: Адзіны зарэгістраваны з дэмакратычных кандыдатаў Аляксандр Галькевіч перамог праўладнага кандыдата Міхаіла Шубіча

Адзіны зарэгістраваны з дэмакратычных кандыдатаў Аляксандр Галькевіч, сябра Беларускай партыі левых “Справядлівы свет”, на выбарах 25 красавіка перамог праўладнага кандыдата - галоўнага рэдактара дзяржаўнай газеты “Наш край”, сябра Баранавіцкага гарвыканкама Міхаіла Шубіча.

26.04.2010 Паведамленне для журналістаў

“Праваабаронцы за свабодныя выбары” запрашаюць на прэс-канферэнцыю, прысвечаную вынікам кампаніі па маніторынгу выбараў у мясцовыя Саветы дэпутатаў 26-га склікання. Прэс-канферэнцыя адбудзецца 26 красавіка ў офісе РПГА “Беларускі Хельсінкскі Камітэт” па адрасе: Мінск, вул. К.Лібкнехта, 68, офіс 1201. Пачатак – у 14 гадзін.

26.04.2010 Салігорск: Назіральнікаў выставілі за дзверы раённай камісіі

Праваабаронца так і не атрымаў адказу на пытанне, чаму менавіта ў гэты дзень і менавіта ён не можа прысутнічаць на паседжанні камісіі, у адрозненні ад назіральнікаў ад БРСМ і Белай Русі.

26.04.2010 Па папярэдніх дадзеных, ніхто з гомельскіх дэмакратаў не трапіў у дэпутаты

Здзівіла такое назіранне, што на адным участку на даму прагаласавалі 10 чалавек, а на другім участку — 165. «Здзівіла таксама вялікая колькасць — 255 сапсаваных бюлетэняў, то бок 16% ад агульнай колькасці бюлетэняў на адным з участкаў», - адзначыў давераная асоба кандыдата Калюкі Андрэй Аксенаў.

26.04.2010 Салігорск: Назіральнік-ідэолаг курыраваў дастаўку бюлетэняў з участка

Жана Карпец, сакратар намесніка старшыні Салігорскага выканкама па ідэалагічнай працы, прысутнічалана ў дзень выбараў на ўчастку №13 у якасці назіральніка. Пасля падвядзення вынікаў выбараў яна ж дастаўляла ў суправаджэнні сябраў камісіі бюлетэні выбаршчыкаў у выканкам.

26.04.2010 Барысаў: Прадказальны вынік

Па інфармацыі праваабаронцы Алега Мацкевіча, большасць выбаршчыкаў, якія прагаласавалі ў дзень выбараў, аддалі свае галасы за Зміцера Бабіцкага. Аднак у выніку агульнага падліку галасоў, у тым ліку, аддадзеных падчас датэрміновага галасавання, дэпутатам стаў дырэктар Барысаўскага дзяржаўнага політэхнічнага каледжа Уладзімір Шмакаў, які “апярэдзіў” Бабіцкага на 76 галасоў.

26.04.2010 Салігорск: Падлік назіралі за спінамі

У актавай зале школы №5 былі размешчаны адразу два ўчасткі. Адзін – безальтэрнатыўны і больш ліберальны і другі -- дзе вылучаўся дэмакратычны кандыдат Аляксей Валабуеў. Гэта і паўплывала на пыдыходы камісіі да магчымасцяў назіраць за працэсам падліку галасоў.

26.04.2010 Орша: Кандыдату ў дэпутаты не дазволілі назіраць падлік галасоў

Сябра Партыі БНФ Аляксандр Камінскі заявіў, што прыбыў назіраць за падлікам галасоў. Аднак старшыня ўчастковай камісіі разам з дзяжурыўшым супрацоўнікам міліцыі не дазволілі яму прысутнічаць у памяшканні падчас падліку галасоў і выставілі на вуліцу.

26.04.2010 Таіса Кабанчук: справа закрыта

Магілёўская абласная транспартная пракуратура вырашыла спыніць пераслед кіраўніцы Магілёўскай абласной арганізацыі Беларускай хрысціянскай дэмакратыі Таісы Кабанчук па абвінавачанні ў распаўсюдзе наркотыкаў ды супраціве міліцыянтам.

26.04.2010 Затрыманне журналіста на выбарчым участку

У дзень выбараў на 19-м участку мінскай выбарчай акругі № 30 у памяшканні гімназіі № 33 міліцыя затрымала журналіста газеты «Белорусы и рынок» Вадзіма Александровіча.

26.04.2010 Гарадок: Падлік галасоў праходзіў павольна

Палітычныя актывісты прынцыпова запатрабавалі ад сябраў участковай выбарчай камісіі няўхільна выконваць выбарчае заканадаўства. Акрамя таго, на ўсе парушэнні імі былі складзеныя пратаколы, якія яны неадкладна адправілі для рэагавання ў Гарадоцкую раённую пракуратуру. І такіх пратаколаў да канца назірання было складзена больш за дзесяць.