Праваабарончы цэнтр «ВЯСНА»

Навіны за Студзень 2010

26.01.2010 Суд ня хоча разглядаць скаргу Яўгена Скрабца на незаконны прызыў у войска

Суд Ленінскага раёна Берасьця адмовіў Яўгену Скрабцу ў разглядзе скаргі на незаконныя дзеяньні прызыўной камісіі падчас асеньняга прызыву на тэрміновую службу ў войска.

26.01.2010 Шаноўныя наведвальнікі сайту!

Прыносім свае прабачэнні ў сувязі з тым, што па тэхнічных прычынах сайт часова быў не даступны для наведвання. Цяпер гэта праблема вырашана, і мы ізноў з вамі!

25.01.2010 Сяргей Мацкевіч на практыцы праверыць істотнасьць зьменаў у Выбарчым кодэксе

Кіраўнік Рабочае групы Асамблеі НДА Сяргей Мацкевіч вылучаны ў Менскую выбарчую камісію. Грамадзкі лідэр намераны праверыць на практыцы істотнасьць анансаваных зьменаў у Выбарчым кодэксе.

22.01.2010 Брэсцкі суд адхіліў скаргу заяўніка пікета на гарвыканкам

Суд Ленінскага раёна горада Брэста 22 студзеня пакінуў без задавальнення скаргу Сяргея Вакуленкі на рашэнне гарадскога выканаўчага камітэта не дазволіць яму пікет.

22.01.2010 З-за ціску ўладаў настаўнік выйшаў з апазіцыйнай партыі

Настаўнік з Вілейкі Сяргей Клімёнак прыняў рашэнне аб выхадзе з Аб'яднанай грамадзянскай партыі.

22.01.2010 Тры адмовы ў інфармацыі за адзін дзень

Журналісту недзяржаўнай рэгіянальнай газеты «Борисовские новости» Анатолю Мазгову на працягу аднаго дня адмовіліся прадаставіць інфармацыю ў трох дзяржаўных установах. З гэтай нагоды кіраўнік выдання накіраваў скаргу ў раённую пракуратуру.

22.01.2010 Старастаў на Піншчыне абавяжуць займацца "ідэалагічнай працай"

Старастаў Піншчыны чакаюць новыя абавязкі. Дэпутаты пінскага раённага савету прааналізавалі эфектыўнасць сваёй працы і прыйшлі да высновы, што на сельскія сходы ходзяць звычайна толькі настаўнікі, службоўцы выканкамаў і спецыялісты сельгаспадарак.

22.01.2010 Міліцыя затрымала 46 актывістаў непрызнаванага ўладамі Саюзу палякаў

Супрацоўнікі міліцыі затрымалі 46 актывістаў неафіцыйнага Саюзу палякаў пад кіраўніцтвам Анжалікі Борыс. Гэта адбылося па дарозе ў Івянец, куды актывісты арганізацыі накіроўваліся для падтрымкі кіраўніка Дома польскага Тэрэсы Собаль. Усе затрыманыя былі дастаўлены ў Валожынскі РАУС, дзе ў іх перапісалі пашпартныя зьвесткі і адпусьцілі праз тры гадзіны. Шэсьць кіроўцаў аўтамабіляў былі вызваленыя толькі пасьля ўмяшальніцтва польскага дыплямата.

21.01.2010 Лапіцкія судзяцца за мову

У Жодзіне бацькі школьніка Янкі Лапіцкага працягваюць змаганьне за права навучаць свайго сына на беларускай мове. Яны падалі ў суд на мясцовыя ўлады, якія не забясьпечылі ім беларускамоўнага навучаньня.

21.01.2010 ЦВК зацьвердзіў плян правядзеньня мясцовых выбараў

Вылучэньне кандыдатаў у дэпутаты мясцовых Саветаў Беларусі пачнецца 14 лютага. Гэта дата была зацьверджаная сёньня на паседжаньні Цэнтральнай выбарчай камісіі, якая прадставіла плян мерапрыемстваў па правядзеньні мясцовых выбараў. Скончыцца вылучэньне кандыдатаў у дэпутаты 15 сакавіка, а ўжо з 16 сакавіка пачнецца іх рэгістрацыя.

21.01.2010 Невядомыя пагражаюць Анджэю Пачобуту і яго сям’і

Гродзенскі журналіст звярнуўся з гэтай нагоды да Генеральнага пракурора Беларусі. Пра гэта ў гутарцы з карэспандэнтам службы маніторынгу БАЖ паведаміў сам Анджэй Пачобут, карэспандэнт «Gazety Wyborczej» і сябра ГА «БАЖ».

21.01.2010 “Хрыстос Забаронены”

У Менску пройдзе прэзэнтацыя дакумэнтальнага фільма “Хрыстос Забаронены”, які распавядае пра супрацьстаяньне савецкай сыстэмы і эвангельскіх вернікаў у БССР.

21.01.2010 Першыя затрыманні па дарозе ў Івянец

Супрацоўнікі ДАІ даставілі ў Шчучын 9 актывістаў непрызнаванага Саюза палякаў у Беларусі, якія ехалі мікробусам з Гародні ў Івянец, каб падрымаць мясцовы аддзел арганізацыі і ягоную старшыню Тэрэсу Собаль. Пра гэта паведамляе ў сваім livejournal Старшыня галоўнай рады Саюза Андрэй Пачобут.

20.01.2010 “Human Rights Watch” прызнала новых палітвязьняў у Беларусі

“Human Rights Watch” прызнала Мікалая Аўтуховіча, Уладзімера Асіпенку, Юрыя Лявонава (вызвалены ў жніўні 2009 году) і Арцёма Дубскага палітвязьнямі.

20.01.2010 Экалагічныя праблемы не абмяркоўваюць з грамадствам

Беларускія чыноўнікі не зацікаўленыя абмяркоўваць з грамадскасцю экалагічныя праблемы. Пра гэта ў інтэрвію Радыё Рацыя заявіла старшыня грамадскага аб’яднання “Экадом” Ірына Сухій, каментуючы справаздачу міністэрства прыродных рэсурсаў аб правядзенні ў Беларусі года роднай зямлі.