Праваабарончы цэнтр «ВЯСНА»

Навіны за Сьнежань 2009

04.12.2009 Маладзёвая сустрэча да святкавання Міжнароднага дня правоў чалавека

У нядзелю 6 снежня 2009 г. у Мінскім міжнародным адукацыйным цэнтры (пр. газеты "Праўды", 11) адбудзецца адкрытая сустрэча, прымеркаваная да святкавання Міжнароднага дня правоў чалавека.

04.12.2009 Больш за мільён рублёў штрафу за фатаздымкі

Актывістка “Маладой Беларусі” Наста Машчава пакараная на 30 базавых велічыняў судом Завадзкога раёну Менску. У часе пэрфомэнса 2 сьнежня каля ўнівэрмагу “Беларусь” дзяўчына рабіла фатаздымкі. У судзе ёй патлумачылі, што яна ня мела права фатаграфаваць без акрэдытацыі.

04.12.2009 Затрымалі Паўла Яловіка

Ахова аўтамабільнага рынку “Малінаўка” у Менску затрымала актывіста прадпрымальніцкага руху Паўла Яловіка.

04.12.2009 Марына Коктыш застаецца без акрэдытацыі пры Палаце прадстаўнікоў

Вярхоўны суд адхіліў скаргу галоўнага рэдактара «Народнай волі» Іосіфа Сярэдзіча і Марыны Коктыш на рашэнне суда першай інстанцыі, які не захацеў узбуджаць грамадзянскую справу з-за адмовы Палаты прадстаўнікоў акрэдытаваць журналістку.

04.12.2009 Палітжаўнер Іван Шыла камісаваны рашэннем медычнай камісіі

Прычына камісіі — моцная алергія, магчыма, на мясцовую ваду. Вайсковыя дактары палічылі, што Іван з такім захворваннем не можа працягваць службу. Тым не менш, 10 месяцаў салігорскі маладафронтавец паспеў адслужыць.

04.12.2009 Астаповіч хоча прыцягнуць да крымінальнай адказнасьці “рэстаўратараў”

Старшыня Беларускага таварыства аховы помнікаў гісторыі і культуры Антон Астаповіч зьвяртаецца да грамадзкасьці з чарговай канстатацыяй замаху на архітэктурны помнік Менска.

04.12.2009 Таццяну Шапуцьку адлічылі з юрфаку БДУ

Прэс сакратарка «Маладога фронту» Таццяну Шапуцька 3 снежня была адлічаная з Беларускага дзяржаўнага ўніверсітэту. Яна навучалася на другім курсе юрыдычнага факультэту па спецыяльнасці «юрыст палітолаг».

03.12.2009 Да дня Усеагульнай дэкларацыі правоў чалавека: Абараняць свае правы ў вялікім і малым, паўсюль і заўсёды

Нашая краіна абавязалася перад усім сьветам паважаць, абараняць і забясьпечваць правы чалавека. Але наколькі гэтыя міжнародныя абавязкі выконваюцца? Спынімся на адным з найважнейшых палажэньняў Дэкларацыі -- артыкуле 3: “Кожны чалавек мае права на жыцьцё, на свабоду і на асабістую недатыкальнасьць.”

03.12.2009 Ужо 2 месяцы шукаюць вынікі праверкі па фактах парушэння правоў журналістаў

Вынікі праведзенай ГУУС Мінгарвыканкама праверкі па фактах парушэння правоў журналістаў супрацоўнікамі правахоўных органаў не могуць знайсці ўжо амаль два месяцы

03.12.2009 Недзіцячыя арышты за акцыю з яйкамі

Сёння суд Заводскага раёну Менска вынес прысуд затрыманым учора актывістам “Маладой Беларусі”. Суддзя Някрасава А.Т. пакарала арыштамі на 15 сутак Паўла Пракаповіча і Ягора Баброва. Андрэю Кузьмінскаму прысудзілі 7 сутак.

03.12.2009 Затрыманым пагражаюць крымінальнай справай

Чатыром актывістам “Маладой Беларусі” пагражаюць крымінальнай справай за абразу прэзідэнта. Як распавяла Рацыі прэсавая сакратарка “Маладой Беларусі” Кася Галіцкая, актывістаў затрымалі падчас правядзення акцыі каля ўнівермагу “Беларусь”.

02.12.2009 Валянцін Стэфановіч: Для адмены смяротнага пакарання рэферэндум не патрэбны - дастаткова ўнесці змены ў заканадаўства

Вырашальным у пытанні адмены смяротнай кары будзе толькі меркаванне народа. Так, паводле інфармацыі БЕЛТА, заявіў прэзідэнт Лукашэнка ў інтэрв'ю італьянскай газеце La Stampa. Пры гэтым кіраўнік дзяржавы спаслаўся на вынікі рэферэндуму 1996 году, дадаўшы, што “рашэнне рэферэндуму згодна з Канстытуцыяй можа адмяніць толькі новы рэферэндум”. Праваабаронцы, каментуючы гэтую заяву прэзідэнта, сцвярджаюць, што з юрыдычнага пункту гледжання для адмены смяротнага пакарання рэферэндум не патрэбны.

02.12.2009 Андрэй Хадановіч: “Смяротнае пакаранне адвеку было спробай трымаць чалавека ў рамках, нагнятаючы пачуццё страху” (відэа)

Андрэй Хадановіч, беларускі паэт, перакладчык, старшыня Беларускага ПЭН-цэнтру, далучыўся да кампаніі супраць смяротнага пакарання ў Беларусі.

02.12.2009 У Мінску затрымалі актывістаў «Маладой Беларусі»

Настасся Машчава, Ягор Баброў, Андрэй Кузьмінскі і Павел Пракаповіч былі затрыманыя каля універмага «Беларусь».

02.12.2009 Праваабаронцы падрыхтавалі альтэрнатыўны даклад у ААН

Беларускія праваабаронцы падрыхтавалі альтэрнатыўны ўнівэрсальны даклад па сытуацыі ў Беларусі, які перадалі ў Раду правоў чалавека ААН. З гэтай нагоды адбылася сустрэча ў Прадстаўніцтве ААН у Беларусі. У працы над дакладам бралі ўдзел прадстаўнікі праваабарончага цэнтру «Вясна», Беларускага Хэльсынскага камітэту, Асамблеі няўрадавых арганізацый і Беларускай асацыяцыі журналістаў.