Праваабарончы цэнтр «ВЯСНА»

Навіны за Кастрычнік 2009

13.10.2009 Інфармацыя аб катаваньнях удзельнікаў мірных акцый накіраваная міжнародным арганізацыям

Па фактах катаваньняў і жорсткага абыходжаньня з затрыманымі ўдзельнікамі мірных акцый 9 і 16 верасня 2009 года ў Менску правабрарончы цэнтр “Вясна” праводзіў збор інфармацыі і аказваў юрыдычную дапамогу пацярпелым ад незаконных дзеяньняў супрацоўнікаў міліцыі. Юрыстамі было падрыхтавана 6 скаргаў на дзеяньні супрацоўнікаў міліцыі ў пракуратуру Цэнтральнага раёна Менска, а таксама апытаньне некалькіх непасрэдных сведак катаваньняў.

13.10.2009 Мінінфармацыі адмовілася зарэгістраваць газету «Магілёўскі час»

Міністэрства інфармацыі адмовіла ў рэгістрацыі недзяржаўнай рэгіянальнай газеце «Магілёўскі час» з прычыны адсутнасці вышэйшай адукацыі ў галоўнай рэдактаркі. Пра гэта паведаміў сёння ў тэлефоннай гутарцы з галоўнай рэдактаркай выдання Ганнай Ільіной супрацоўнік міністэрства Віктар Гурэцкі. Афіцыйнага ліста з Мінінфармацыі журналістка пакуль не атрымала.

13.10.2009 У Беларускім ліцэі пачаўся новы навучальны год

12 кастрычніка ў Мінску ў былым Нацыянальным дзяржаўным гуманітарным ліцэі імя Якуба Коласа пачаўся новы навучальны год.

13.10.2009 Заяўка на правядзенне «Дзядоў» пададзена

У сувязі з набліжэннем Дня памяці продкаў "Дзяды" кіраўнікі Кансерватыўна-Хрысціянскай партыі — БНФ звярнуліся ў Мінскі гарвыканкам і Мінскі аблвыканкам з просьбай аб дазволе на правядзенне 1 лістапада традыцыйнага мерапрыемства ў гонар свята.

13.10.2009 Гомель: “Працэс 16-ці”

Сёньня ў другой палове дня ў судзе Чыгуначнага раёну Гомеля пачнецца разгляд 16 адміністрацыйных спраў супраць 16 дэмакратычных актывістаў. У дэмакратычным асяродку гэта назвалі ўжо “працэсам 16-ці”.

13.10.2009 Амбасада Расеі накіравала ноту пратэсту ў МЗС Беларусі

Дыпмісія пратэстуе супраць арышту на 7 сутак расейскага фізіка-атамшчыка Андрэя Ажароўскага. Папярэднюю інфармацыю пра здарэнне амбасада Расеі атрымала 9 кастрычніка. Нота перададзена 12 кастрычніка ў консульскі аддзел МЗС для высвятлення дэталяў таго, што адбылося.

13.10.2009 За “Жыве Беларусь!” — у пастарунак

12 кастрычніка ў Кастрычніцкі райаддзел міліцыі трапіў віцебскі сябар КХП БНФ Сяргей Каваленка.

13.10.2009 Гродзенскага студэнта прызвалі ў войска, нягледзячы на адтэрміноўку

Маці Артура Ачапоўскага выйшла з пратэстам на плошчу, але жанчыну затрымалі і здалі псіхіятрам.

12.10.2009 "Яны хацелі, каб я яшчэ ўзяў на сябе справы, але я сказаў, што хопіць на мне плюсікі зарабляць"

У залі судовага паседжання за кратамі сядзеў невысокага росту, шчуплы малады чалавек, які знешне выглядаў досыць жаласліва. Выказваўся ён не заўсёды зразумела, а словы яго паказвалі, што ён наогул дрэнна арыентуецца ў тым, што адбываецца. Такім паўстаў перад прысутнымі на паседжанні Вярхоўнага Суда Васіль Юзэпчук. Гэты 30-гадовы чалавек у цяперашні момант знаходзіцца пад вартай у Менскім СІЗА № 1 у чаканні выканання смяротнага прысуду, які ўжо ўступіў у сілу.

12.10.2009 Пакараць смерцю ці памілаваць…

У дзеючым Крымінальным кодэксе налічваецца каля 20 саставаў злачынстваў, за здзяйсненне якіх вінаватым пагражае пазбаўленне жыцця. Статыстыка сведчыць, што суды Беларусі штогод выносяць некалькі смяротных прыгавораў. Так, сёлета ў першай палове года да “выключнай” меры пакарання прыгавораныя два чалавекі.

12.10.2009 Агляд-хроніка парушэньняў правоў чалавека ў Беларусі, верасень 2009 году

Верасень завяршаў дадатковы шасьцімесяцовы тэставы перыяд, які быў дадзены беларускім уладам для правядзеньня дэмактарычных зьменаў у краіне. Між тым, па меркаваньні прадстаўнікоў беларускіх дэмакратычных структураў, рэальных крокаў для паляпшэньня сітуацыі з правамі чалавека ў Беларусі зроблена не было, і асноўныя свабоды, уласьцівыя дэмакратычнаму грамадзтву, такія як свабода мірных сходаў, свабода асацыяцыяў, свабода слова, свабода сумленьня, у Беларусі былі абмежаваныя.

12.10.2009 Стэфан Эрыксан: Беларускае грамадства гатова да абмеркавання пытання аб пакаранні смерцю

Беларускае грамадства гатова да абмеркавання пытання аб пакаранні смерцю. Такую думку выказаў сёння, 12 кастрычніка, Надзвычайны і Паўнамоцны Пасол Швецыі ў Беларусі Стэфан Эрыксан на прэс-канферэнцыі, прысвечанай Еўрапейскаму дню барацьбы супраць пакарання смерцю.

12.10.2009 Улады не жадаюць дыялогу з "Новым жыцьцём"

Учорашнія падзеі вакол царквы “Новае Жыццё” сведчаць, што ўлады працягваюць сваю палітыку канфрантацыі, не жадаючы ісці на дыялог з вернікамі, лічыць юрыст царквы Сяргей Луканін.

12.10.2009 Правакуюць незалежнага журналіста?

Журналісту газеты “Беларусы і рынак” Генадзю Барбарычу разбілі вокны. Ён узгадвае, што тое самае ўжо было ў 2002 годзе пасля публікацыі пра забойства актывіста РНЕ.

12.10.2009 Лагойскіх міліцыянтаў вінавацяць у катаванні падследнага

Пракуратура Лагойскага раёна пачала крымінальную справу на двух супрацоўнікаў міліцыі мясцовага РАЎС. Як паведамляе інтэрнэт-газета "Ежедневник", міліцыянтаў вінавацяць у тым, што яны ўжывалі катаванні да падазраванага ў здзяйсненні злачынства грамадзяніна.