13.07.2009 “Нашай Вясне” прызначаць дату разгляду скаргі ў Вярхоўным Судзе

Распарадчае паседжаньне па скарзе заяўнікаў грамадскага праваабарончага аб’яднаньня “Наша Вясна” на адмову ў рэгістрацыі Міністэрствам юстыцыі прызначанае на 16 ліпеня.

13.07.2009 Сетка ДПЧ выступіла супраць зняволення Арцёма Дубскага

13 ліпеня сябры міжнароднай Сеткі Дамоў правоў чалавека звярнуліся да беларускіх уладаў з заклікам неадкладна вызваліць моладзевага актывіста Арцёма Дубскага.

13.07.2009 Дубскага перавялі ў Бабруйскае СІЗА

Актывіста незарэгістраванай арганізацыі "Малады фронт" Арцёма Дубскага перавялі ў Бабруйскае СІЗА.

13.07.2009 У Вярхоўным Судзе прадстаўніку БХД адмовілі ў азнаямленні з прэтэнзіямі Мінюсту

Падчас візіту адказнага сакратара Беларускай Хрысціянскай Дэмакратыі Дзяніса Садоўскага ў Вярхоўны Суд, прадстаўніку БХД было адмоўлена ў азнаямленні з дакумантамі, якія складаюць сустнасць прэтэнзіяў Мінюсту.

10.07.2009 Павел Сапелка: “Падзеі, якія папярэднічалі ўзбуджэнню крымінальнай справы, яе расследванне і накіраванне ў суд – гэта звенні жахлівай правакацыі, скіраванай на дыскрэдытацыю майго падабароннага”

Тэзісы выступлення адваката Паўла Сапелкі падчас судовага працэсу над праваабаронцам Леанідам Свецікам

10.07.2009 Актывісты Віцебска пратэстуюць супраць крымінальнага пераследу праваабаронцы Леаніда Свеціка

Прадстаўнікі грамадзянскай супольнасьці Віцебска, паплечнікі і сябры распаўсюдзілі адмысловую заяву наконт крымінальнага пераследу віцебскага праваабаронцы Леаніда Свеціка. Выказваючы пратэст супраць крымiнальнага і судовага пераследу праваабаронцы актывісты патрабуюць аб’ектыўнага, усебаковага разгляду справы Леанiда Свецiка кампетэнтным, незалежным і бесстароннiм судом.

10.07.2009 “Товарищ» гомельскім “таварышам” – не сябар

9 чэрвеня цягам дня ў Гомелі супрацоўнікі міліцыі затрымалі некалькі сябраў гомельскай арганізацыі ПКБ, якія праводзілі адзіны дзень сацыяльнага інфармавання насельніцтва. Пры гэтым каля прахадных многіх прадпрыемстваў раздавалі газету “Товарищ».

10.07.2009 Генпракурор выйшаў да жанчын

На сустрэчы з прадстаўнікамі групы жанчын 9 ліпеня ў Мінску генеральны пракурор Рыгор Васілевіч заявіў, што справы прасіцелек і іх блізкіх будуць перагледжаны. Аб гэтым паведаміла БелаПАН праваабаронца Галіна Юбко.

10.07.2009 Мінскія ўлады не дазволілі пікет у абарону бяздомных жывёлаў

Мінгарвыканкам забараніў правядзенне пікетаў 10—11 ліпеня каля Пункта адлову і часовага ўтрымання жывёлаў «Фаўна горада» (вул. Гурскага, 42). Прычынай забароны была названая неадпаведнасць заяўкі Закону аб масавых мерапрыемствах Рэспублікі Беларусь.

10.07.2009 Актывіста Партыі БНФ звольнілі з працы за адмову ўступаць у «Белую Русь»

Пасьля таго, як супрацоўнік Кобрынскай ЖКГ Аляксандр Страчук адмовіўся ўступаць у арганізацыю «Белая Русь», зь ім не працягнулі працоўны кантракт.

09.07.2009 “Вясна” патрабуе неадкладнага вызвалення Арцёма Дубскага

Заява Праваабарончага цэнтра “Вясна”

7 ліпеня 2009 г. суд Асіповіцкага р-на прыгаварыў моладзевага актывіста Арцёма Дубскага да году пазбаўлення волі ў выпраўленчай калоніі агульнага рэжыму. Адразу пасля абвяшчэння прысуду Арцём быў узяты пад варту і змешчаны ў СІЗА.

09.07.2009 Леанід Сьвецік: “Я не маньяк, а праваабаронца!”

Віцебскі праваабаронца Леанід Сьвецік выступіў у абласным судзе з апошняй прамовай, чарговы раз назваўшы высунутыя супраць яго абвінавачаньні ў распальваньні міжнацыянальнай і рэлігійнай варожасьці беспадстаўнымі.

09.07.2009 Мінаблсаюздрук скасаваў дамову з "Барысаўскімі навінамі" незаконна?

Актывісты Руху даслалі ліст з адпаведнымі доказамі кіраўніцтву дзяржаўнага манапаліста па продажу друкаванай перыёдыкі.

09.07.2009 Пасол Францыі заклікала зьмяніць Крымінальны кодэкс

Камэнтуючы на просьбу Свабоды прысуд Арцёму Дубскаму, амбасадарка Францыі ў Беларусі Мірэй Місо заявіла: “Гэта быў непрыемны для ўсіх сюрпрыз. Гэта супярэчыць тым крокам, якія ўжо зрабіла Беларусь, і яе словамі, якія былі прамоўленыя, і новымі крокамі, якія абяцаныя Беларусьсю”.

09.07.2009 Актывіст Іван Крук абскарджвае рашэньне суду Астравецкага раёна

Астравецкі актывіст Іван Крук, якога абвінавацілі ў здзяйсненьні правапарушэньня па арт. 22.9 (частка 2) КаАП РБ і пакаралі штрафам у памеры 700 тысяч рублёў, падаў скаргу на рашэньне суду Астравецкага раёна ў Гродзенскі абласны суд, а таксама заяву ў абласную пракуратуру.