Праваабарончы цэнтр «ВЯСНА»

Навіны за Красавік 2009

06.04.2009 За нацыянальны сцяг у Кобрыне затрымалі моладзевага актывіста

У Кобрыне міліцыянты затрымалі мясцовага актывіста «Маладога Фронту» Андруся Верам'юка за вывешванне бел-чырвона-белага сцяга.

03.04.2009 На літоўскай мяжы затрымлівалі Лябедзьку, Вячорку і Казуліна

Раніцай 3 красавіка на беларуска-літоўскай мяжы затрымалі аўтамабіль, у якім ехалі лідэр Аб’яднанай грамадзянскай партыі Анатоль Лябедзька, намеснік старшыні Партыі БНФ Вінцук Вячорка і экс кандыдат у прэзідэнты Аляксандр Казулін.

03.04.2009 Вандалы раскапалі Курапацкія могілкі

У мэмарыяльным комплексе Курапаты невядомыя злачынца раскапалі дзьве магілы. Яны выцягнулі з магілы парэшткі людзей - косткі, чарапы, вопратку , абутак – і пакінулі іх раскіданымі на жвіры.Першым гэта заўважыў актывіст КХП БНФ Уладзімер Юхо. Сёньня раніцай на месца злачынства прыбыла карэспандэнтка Радыё Свабода і выклікала супрацоўнікаў міліцыі.

02.04.2009 Баранавіцкія чыноўнікі не дазваляюць рэалізаваць права на мітынгі

Прыхільнікі “Руху “За Свабоду” атрымалі адмоўны адказ на прапанову адмяніць рашэнне гарвыканкама “Пра парадак правядзення ў г. Баранавічы масавых мерапрыемстваў”, якое робіць іх правядзенне амаль немагчымым.

02.04.2009 Затрымалі Алесю Ясюк

Супрацоўнікі міліцыі Партызанскага раёну Менску 2 красавіка затрымалі актывістку дэмакратычнага руху з Барысава Алесю Ясюк.

02.04.2009 Эўрапарлямэнт ухваліў рэзалюцыю па Беларусі

На сэсіі Эўрапарлямэнту ў Брусэлі ўхваленая рэзалюцыя наконт разьвіцьця дыялёгу Эўразьвязу і Беларусі. За прагаласавала 594 дэпутаты, супраць – 19.

01.04.2009 Аляксей Марачкін: “Жыццё дадзенае Богам, і мы не маем права адбіраць жыццё, які б ні быў гэты злачынца” (Відэа)

Аляксей Марачкін, вядомы беларускі мастак, адзін з заснавальнікаў аб'яднання мастакоў "Пагоня" і старшыня Згуртавання беларусаў свету "Бацькаўшчына", узяў удзел у дыскусіі наконт смяротнай кары. Далучыўшыся да кампаніі “Праваабаронцы супраць смяротнага пакарання ў Беларусі”, ён падзяліўся сваімі развагамі пра тое, чаму трэба адмяняць смяротнае пакаранне.

01.04.2009 Мар’яну Груздзіловіч аднавілі на працы

Звольненую з філіі брытанскага адукацыйнага цэнтру «SOL Minsk» настаўніцу ангельскай мовы Мар’яну Груздзіловіч аднавілі на працы.

01.04.2009 Адключэнне расійскіх тэлеканалаў. Каментар юрыста

Учора ў гутарцы з агенцтвам БелаПАН начальніца аддзелу праграм эфірна-кабельнага тэлеаператара «Космос ТВ» Алена Клюйкова патлумачыла спыненне трансляцыі тэлеканалаў «Рен ТВ», «Первый. Всемирная сеть», «РТР-Планета», «ТВЦ-интернешнл» і «НТВ-Мир» неабходнасцю выканання рашэнняў Саўміну і закона «Аб СМІ», паводле якіх замежныя тэлевізійныя каналы абавязаныя атрымаць дазвол на трансляцыю на тэрыторыі Беларусі. На гэта, маўляў, у іх было тры месяцы, але «яны не зрабілі гэтай працы, і мы вымушаныя спыніць іх трансляцыю», — заявіла спн. Клюйкова.

01.04.2009 Маці Паўла Севярынца перасьледуе падатковая інспекцыя

Вядомую ў Віцебску актывістку правакавалі, каб ператварыць яе ў мішэнь для падаткавікоў. Тацяне Севярынец раптам пачалі бсконца тэлефанаваць людзі, спасылаючыся на аб’яву ў газеце “Из рук в руки”, якую яна туды не давала.

01.04.2009 Улады далі дазвол на правядзенне ў Беларусі грандыёзнага рок‑фестывалю

Час оўпэн‑эйраў вярнуўся. 23 траўня на адкрытай пляцоўцы аэраклюбу «Баравая» пройдзе рок‑фэстываль «Bela music — 09» з удзелам вядучых айчынных рок‑камандаў.

01.04.2009 Візіт у Мінск дэлегацыі Еўрапарламенту адменены

Еўрапарламент адмяніў візіт у Мінск дэлегацыі дэпутатаў, запланаваны на 6—8 красавіка.

01.04.2009 Пікет не дазволілі

Гарадзенcкія ўлады не дазволілі суполцы прафсаюза радыёэлектроннай прамысловасці правесці пікет,запланаваны на 3 красавіка.

01.04.2009 «Працэс чатырнаццаці»: дзе цяпер яго ўдзельнікі?

Арышт Арцёма Дубскага ўзняў новую хвалю цікавасці да ўдзельнікаў «Працэсу чатырнаццаці». У красавіку, траўні і снежні летась суд Цэнтральнага раёну сталіцы пакараў 14 маладзёнаў за ўдзел у прадпрымальніцкай акцыі 10 студзеня.

01.04.2009 Алег Воўчак хоча спагнаць з "Савецкай Беларусіі" 25 тысячаў даляраў

Адпаведны зыск праваабаронца падаў у аўторак у суд Савецкага раёну Менску. Падставаў для судовага разбіральніцва стаў артыкул, надрукаваны ў выданні Адміністрацыі прэзідэнта.